ريحة كربون عادم داخل السيارة

[emad_ms]

ارجو الافادة يوجد ريحة عادم داخل الكابينة والعربية كانت مفوتة ومحتاجة عمرة وبعد ماعملت العمرة وكلفتنى 2500 جنية الريحة خفت بنسبة 85% واح قالى ممكن العدم يكون بيرد من شنطة العربية بس مافهمتش منة ازاى ارجوا الافادة

[emad_ms]

السيارة لادا2105 موديل 95 قبل ما اعمل العمرة كنت فاكك خرطوم التفويت من الكربراتير وعملة وصلة ماشية مع الشكمان الى خلف العربية وبعد العمرة ركبت خرطوم التفويت مكانة فى الكربراتير وكنت سادد جميع الفتحات الى من الكابينة على الموتور ارجو الافادة لان الموضوع هام وشكرا

[zamek]

انا عربتي نفس عربيتك و بعد العمره لاقيت برده ريحه زيت محروق اكتشفت ان غطاء المتور مكان ما بنحط الزيت بيوقع زيت علي الموتور مع السخونيه بيتحرق و يعمل الريحه دورت علي حل للمشكله حطيت كذا جوان بعد اسبوع بترجع نفس المشكله لما سألت قالولي مشكله في معظم 2105 هذا و الله اعلم

[ayam7]

راجع الفرن ووصلات الشكمان عشان اى تسريب هيدخل الصالون من فتحات التهوية او فتحات الدواسات او اى فتحة ولو بسيطة

[emad_ms]

شكرا على سرعة الرد ولاكن انا راجعت على كل وصلات الشكمان وغيرت الشكمان مرتين وسديت كل الفتحات داخل الكابينةولسة مازالت ريحة العادم مع العلم ان الريحة بتكون موجودة وانا فاتح زجاج السيارة فقط لاكن لمااغلق الزجاج تختفى ريحة العادم من داخل الكابينة فى واحد قالى راجع على جلد الشنطة لان الدخانة ممكن ترد من الشكمان على الشنطة ومنها للكابينة انامش فاهم ازاى دة يحصل بس اناعندى جلد قفل الشنطة مش كامل كلة ممكن حد يقلى بيتباع فين وبكام

[emad_ms]

متابع ارجو الرد للاهمية وشكرا

[emad_ms]

انا اشتريت كاوتش احكام قفل الشنطة النهاردة وركبتة اخدت4.75م *8جنية المتر وفعلا هو السبب لانى لما فكيت الجلد القديم ورحت بالعربية علشان اشترى الجلد الجديد كانت ريحة العادم داخل الكابينة زايدة جدا ولماركبت الجلد الجديد اختفت الريحة لاكن السروجى قالى ان فية فتحات داخل الشنطة مفروض تكون مسدودة بسدادات بلاستيك الفتحات دى من الشنطة الى اسفل السيارة فسدها بقطن وقالى لحد ما تلاقيلها السدادات الخاصة بيها ولحد دلوقت ماعرفتش ازاى العادم بيدخل من الشنطة الى داخل الكابينة

[yoyo2015]

للاسف عندى نفس المشكلة شايل خرطوم الفايز والريحة بشمها علطول وبتزيد مع السرعات العالية وياريت لو عند حضرتك الحل ياريت تعرفنى علشان اتخنقت خلاص لادا 2105 موديل 95 ورقم موبايلى 01001333527 وجزاك الله خير الجزاء

[Zing0]

أنا كانت عندى نفس المشكله (و ما زالت بس قلت عن الأول)
و ده ممكن يكون سبب:
الكربراتير عاوز يتضبط, و تغيير بكاته, هتفك الكربراتير و تغير بك السلانسية و السرعة بنفس مقاساتهم , لأن إللى راكبين بيكونوا وسعو مع الإستخدام و بيرموا بنزين زياده

[hassanin_lada]

انا عندي نفس المشكله ومش لاقيلها حل

بس ازاي انت بتقول لما بتقفل الزجاج مش بيبقي في ريحه وجاي دلوقت تقول ان المشكله من جلد الشنطه !!

ياريت الافاده لو سمحت

[emad_ms]

اسف على التاخير فى الرد مشكلة ان ريحة الكربون بتدخل من الشنطة للكابينة ازاى انا مش عارف بس دة اللى قراتة على النت من واحد كان عندة عربية مرسيدس موديل79 كان عندة نفس المشكلة راح لواحد متخصص فى الابواب وسدلة كل الفتحات اللى فى الشنطة بالسدادت البلاستيك الخاصة بها مع العلم ان الفتحات دى من الشنطة الى خارج السيارة وهى فتحات لتصريف المياة فى حالة غسيل الشنطة ولماسالت السمكرى اللى بتعامل معاة اكد لى هذة المعلومة وقالى ان ريحة الكربون بتيجى من الشكمان على الشنطة وليست من خرطوم الفيظ وبتحس بيها لماتكون ماشى على سرعة عالية وتهدى ولما غيرت جلد احكام قفل الشنطة وقفلت كل الفتحات اللى قال عليها وضبط وش فوانيس الاشارت الخلفية بحيث ما يكونش بينها وبين صاج السيارة اى مسافى(لو فى اى فتحات صغيرة تسدها بانبوبة سيلكون بتاع الجوانات) لما عملت كل دة اختفت الريحة فعلا وكل الحجات دى ممكن تعملها انت بنفسك وجرب

[hassanin_lada]

طيب كلام سليم بس سؤال صفير

لما كنت بتقفل الشبابيك الجزاز كلها هل كنت بتشم ريحه ولا لا ؟

[emad_ms]

لما كنت بقفل الزجاج لم اكن اشم ريحة الكربون (دخان العادم) الى عرفتة ان الدخان بيدخل من الشنطة للكابينة الاتى 1- العادم خلف السيارة فى حالة السرعة المنتظمة بيتحرك الى الخلف ولا يرد على الشنطة 2- فى حالة تغيير السرعة ولو بسيط بيعمل دوامة هواء خلف السيارة مما يسمح بدخول جزىء من العادم الى الشنطة 3- فى حالة فتح شبابيك السيارة يسمح ذلك بعمل تيار من الكابينة الى الشنطة والعكس مما يسمح بدخول ريحة الكربون من الشنطة الى الكابينة 4- فى حالة اغلاق شبابيك السيارة يكون اتجاة تيار الهواء من خلف الشنطة الى داخل الشنطة والعكس (هذة نظرية علمية تعتمد على تكون منطقة ضغط منخفض خلف السيارة فيتجة الهواء الى منطقة الضغط الاعلى وهى الشنطة ثم مع تغيير السرعة تختلف الامر ونتيجة لسرعة السيارة يقوم بسحب الهواء من داخل الشنطة والى الخارج

[hassanin_lada]

الف الف شكر ليك ياباشاا بس يارب يطلع العيب اللي عندي من الجلد الشنطه لانه فعلا متقطع

انشالله في اقرب فرصه هروح اغيره و هرد علي الاعضاء لان ناس كتير بتشتكي من المووضوع ده

بس ممكن اعرف سعر المتر كام وهل في انواع ؟

[hassanin_lada]

الف الف الف الف شكر ليك ياباشا واللهي انا مش عارف اقولك ايه

انا بقالي 3 سنين بعاني من المشكله دي و بسببها عمرة المتور والكاربرتير وصرفت دم قلبي علي العربية لدرجة اني كرهتها بسبب الريحة دي

الحمدلله النهارده رحت جبت متر وربع كوتش شنطه وغيرته و جربت والحمدلله الريحه اختفت تمام

انشألله المووضوع ده ناس كتير تستفاد منه لان ناس كتير كانت بتشتكي من المووضوع ده

بارك الله فيك ياباشا وربنا يجعله في ميزان حسناتك :)