أزاى أظبط الكاربراتير

[ibnelfared]

ممكن حد يفيدنا فى حتة تظبيط الكاربراتير بتاع اللادا ؟ الطريقة الفنية السليمة

[Silent~Dream]

روح لفنى كربراتير نضيف افضل عشان تعمل الشغل صح

[Zing0]

يا جماعة أنا أضم صوتى لصوت أخى أبن الفريد
أكيد فى حد من الإخوه هنا فك الكربراتير و ركبه تانى, الخبراء و المهندسين هنا ما شاء الله
عاوزين نتعلم, الموضوع مش موضوع روح لصنايعى و خلاص
أنا رحت لثلاثه ميكانيكية كلهم عامل فيها أنه هو إللى إخترع اللادا, و برضة الكربراتير مش مضبوط
رحت لواحد متخصص كربراتير هو إللى ضبطه بصراحه بس لما العربية باتت و بردت تماماً (طول الليل) تانى يوم الصبح لاقيها مش مضبوطه خالص, و أضطريت ألعب بنفسى لأن العربية بقت كل ما أدورها تأخدلها 3 ثوانى و تفصل كذا مرة.

المهم مش دى المشكله دلوقت, المهم أننا عاوزين نتعلم كل مسمار بيعمل أيه بيزود أيه و يقلل أيه و يتضبط إزاى بحيث :السحب يكون كويس , مفيش ريحة عادم, مفيش رجه أو نتشة على السلانسية (زى إللى عندى) مفيش دخان .....

يا ريت لو فيديو زى بتاع أخونا أدهم, عامل فيديو مقطعين لعمرة و ضبط 127 , الله أكبر عليه, بجد واضح و بيعلمنا كل حاجه بالضبط و خطوه بخطوه و بنظام و نضافه و ترتيب ممتاز.
بارك الله فيكم

[goldengold4]

ياريت يا جماعة حد من المهندسين يفيدنا فعلا الموضوع بيبقى ممتع لما بتعمل الحاجة بايدك و خصوصا لما تنجح وربنا يستر و متبظشى . بجد يا جماعة لو حد يصور الموضوع فيديو و يفيدنا

[Zing0]

أحب أشكر كل الناس إللى كتموا علمهم عنا
و ربنا يجازيكم خير و ألف شكر

[dr.hazem]

أحب أشكر كل الناس إللى كتموا علمهم عنا
و ربنا يجازيكم خير و ألف شكر

محدش هيقدر يقولك تظبط كربيراتير ازاي
مفيش عربيه مظبوطه زي التانيه
مش كتم علم ولا غيره

تحياتي

Sent from my Xperia Arc S using Forum Runner

[Zing0]

محدش هيقدر يقولك تظبط كربيراتير ازاي
مفيش عربيه مظبوطه زي التانيه
مش كتم علم ولا غيره

أنا بأسأل مش برضة ضبط الكربراتير ده علم + خبرة
إحنا عاوزين العلم فقط (يعنى الشرح و تعريف بالمسامير و البكات و ....) و طريقة ضبطها على أساس إية و لا الموضوع لعب و خلاص
أكيد متخصصين الكربراتير مش بيلعبوا. مهو الموضوع مش سر حربى علشان مفيش ليه أى فيديو لكربراتير اللادا العنيد (سمعت إن فيه مسمارين هوا و مسمار بنزين و خلاط غير الضبط الداخلى للعوامة و الإبرة و الشفاط و ....)
أكيد ده علم مش سحر و لا شعوذة

[dr.hazem]

أنا بأسأل مش برضة ضبط الكربراتير ده علم + خبرة
إحنا عاوزين العلم فقط (يعنى الشرح و تعريف بالمسامير و البكات و ....) و طريقة ضبطها على أساس إية و لا الموضوع لعب و خلاص
أكيد متخصصين الكربراتير مش بيلعبوا. مهو الموضوع مش سر حربى علشان مفيش ليه أى فيديو لكربراتير اللادا العنيد (سمعت إن فيه مسمارين هوا و مسمار بنزين و خلاط غير الضبط الداخلى للعوامة و الإبرة و الشفاط و ....)
أكيد ده علم مش سحر و لا شعوذة

ظبط الكربيراتير السليم بيتم بقياس نسبة ال CO في العادم بواسطة جهاز مخصص
ده لو هنتكلم عالعلم
لو على الطرق التقليدية فمعنديش فكرة عن اللادا خصوصا لكن يفترض لاي كربيراتير مسمار هوا ومسمار بنزين
وفي مسمار للايدل وواحد للسرعه

وفي قاعدة اتقالتلي لكن منفعتش معايا ووالله معرفش هل هيا غلط ولا انا طبقتها غلط فمنفعتش
هحاول انقلكم..
تحياتي

Sent from my Xperia Arc S using Forum Runner

[ايمن رجب]

روح التوكيل لو عربيتك جديدة لأن الكربورتير الجديد كهرباء ومع الاسف أى صيانه بره حتبوظه
لو مرحتش التوكيل فيه طبه على مسمار المعايرة فى النص بالضبط اوعى تخللى الصنايعى يفكها لانه لو فك المسمار ده عمر العربية ما حترجع زى الاول تانى