شركة الأمل تطرح لادا جرانتا 2014 فى مصـر قريباً

[AhmedBatoty]

شركة الأمل تطرح لادا جرانتا 2014 فى مصـر قريباً

يبدو أن شركة الأمل للسيارات وكيل علامة لادا الروسية ستقوم بطرح طراز لادا جرانتا سيدان الجديد بداية من الربع الثاني من العام المقبل حيث من المتوقع أن يكون الظهور الأول لها بمعرض أوتوماك فورميلا منتصف شهر مارس المقبل.
وقد أفاد حسن سليمان رئيس مجلس إدارة شركة الأمل في حديث مع صحيفة البورصة المصرية أن السيارة جرانتا سيتم طرحها للجمهور خلال شهر مايو من العام المقبل في ثلاث فئات هي «جرانتا 1»، و«جرانتا 2»، و«جرانتا 3» على أن يبدأ

سعر الفئة الأولى ما بين 61 ألفاً، و66 ألف جنيه مصري، موضحا أن أسعار الفئات الأخرى لن تتجاوز الـ 70 ألفاً.

أضاف سليمان أن السيارة جرانتا ستكون بديلة لطراز لادا 2107 في السوق المصري، وخاصة بعد أن أوقفت الشركة الروسية تصنيع هذا الطراز محلياً، مشيرا إلى أن جرانتا ستكون البديل الأكثر راحة وأمانا لسائقي التاكسي في المرحلة الثالثة من مشروع إحلال وتجديد سيارات الأجرة القديمة.
وتسعى شركة الأمل خلال الفترة المقبلة للتعاقد مع شركة أوتو فاز الروسية – الشركة المالكة لعلامة لادا – لتجميع طراز جرانتا محلياً بداية من العام المقبل, وذلك بحسب تصريحات ألكسندر شميجوف رئيس خدمة الصحافة والإعلام بشركة أوتو فاز الروسية.

صور السيارة

منــــقول

..

[K.LOTFY]

حاسس ان شكلها مدي على لوجان كده لاحسن ينزلوا شكل اللوجان الجديد فى لادا مش فى رينو لأنى من فتره اكتشفت ان اللوجان بيتحط عليها علامة لادا برضه :d

[AhmedNaeem]

فعلا شكلها مدي علي لوجان

[aboomar22]

لا لوجان اشيك دى شكلها مش حلو

[Ahmed_Adham]

وأوتوماتيك كمان يا دلع دلع

[mona_881]

شكلها مدي علي صيني شويتين مش كده؟
أحلي حاجة ان الخبر بيقول انها هاتبقي بديل لل 2107 !!!!!!
ال 2107 دي بصراحة ملهاش بديل ههههههه اوعوا حد يغلط في 2107 انا بهزر

بس بصراحة سعرها من 61 الي 70 هايبقي منافس جدا بالرغم من ان الخبر مجابش سيرة عن مواصفاتها الفنية
كام سي سي باور تكييف زجاج كهربي كده يعني ولو ان شركة الامل هاتفضيها من كل حاجة (كعادة التوكيلات الجميلة في مصر) ويبقي كتر خيرهم لو سابو الكراسي هههههه

[yoyhmh]

جميلة جدا يا رب تنزل بالاسعار دى عشان تبقى منافسة

[mahmoud869]

شكلها مدي علي رينو

[elmkaneeki]

سيمبول خالص من ورا

[monamize4]

جرانتا ستكون بديلة لطراز لادا 2107 في السوق المصري، وخاصة بعد أن أوقفت الشركة الروسية تصنيع هذا الطراز محلياً،

..

مستعجلين ليه ؟؟
ما يستنوا شوية لحد ما العربية تاخد فرصتها ف السوق

[shaaban2008]

مستعجلين ليه ؟؟
ما يستنوا شوية لحد ما العربية تاخد فرصتها ف السوق

مش عارف ليه حاسس ان فيهم شبه من بعض

[lost2008]

مستغرب من السعر الى حتنزل بيه لان على موقع لادا روسيا الاسعار بتبدا من حوالى 80000 للمانيوال بالتكيف و ده لينك الاسعار
Google Translate

[abdokingcars]

يا جماعه شركه رينو اشترت شركه لادا بنسبه 25 % عشان كده هتلاقوا ان شكل اللادا جرانتا قريب جدا من شكل الرينو اللوجان

[تامر.محمد]

شكلها لوجان خالص
غالبا هاتبقى في الحقيقة لوجان







كمان التابلوه

[mr_sese]

هاتنزل امتى و هاتكون بكام لانى افكر فيها