لادا سمارا مشكلة

[hatsat]

العربية تنتيش جامد فى السرعات وتقطيع وعدم انتظام لدوران المحرك على السلانسية
وتبدء رحلة العزاب مع الصنيعية

فنى الكاربيراتير خلع النص العلوى من الكاربيراتير ونظفة وكمان رفع كهربة الاسبراتير وغير البوجيهات علشان طبعا كانت مهببة مع انها متغيرة من شهرين بس
النتيجة/ يومين تشتغل كويس وبداءت ترجع زى ماكانت بل اسوء روحت لفنى الكاربيراتير تانى نظف البوجيهات وظبط هوا و اشتغلت كويس يوم ورجعت تانى رجعتلة قالى الكاربيراتير بياخد هوا طيب اظبطة قالى هياخد هوا تانى لان المجرى الداخلى بتاعة مش كويس المهم يعنى هنعمل اية قالى هات واحد استيراد ونركبة

دلوقتى طبعا كل شوية افك البوجيهات وانظفها واركبها ولاحظت انة بيقى عليها هباب وبنزين نى لم يتم حرقة وبخاصة البوجية الاول والبوجية الاخير

روحت للميكانيكى وافتى ان العيب من الاسبراتير وانة مبيديش شرارة كويسة للبوجيهات عشان كدة مبتحرقش بنزين كويس وتهبب وتنتش

طبعا كلنا عارفين ان الاسبراتير بتاع السمارا الكترونى وبصراحة ان عمرى ما اشتكيت منة المهم الميكانيكى قالى نعدل الاسبراتير ونجيب اسبراتير عادى ابلتين وكوندينسر يعنى بمشملاتة ونركبة متعلل ان على طول الاسبراتيرالالكترونى بتاع السمار بيعمل كدة

دلوقتى انا محتار ومش عاوز اصرف فلوس بدون نتيجة

الكاربيراتير الاستيراد اجيبة منين وفى حدود كام وهل اغير الاسبراتير الالكترونى لعادة ولا اعمل اية بالظبط
وبعدين المشكلة فى العربية دية ان الميكانيكية والكهربائية بيشتغلو فيها بقرف مش عارف لية يعنى يحسسك انة بيخترع فلو حد يعرف حد فى الجيزة او فيصل اوالعمرانية كويس بيشتغل فيها يفدنى ياريت

خالص شكر

[hatsat]

من الواضح المشكلة عويصة فينك يا اخ شنورى

[amro1965]

البوجية بيخرج مهبب ده كرابراتير بدون نقاش
وبيجعلك تستهلك وقود زياده
بالنسبه للتنتيش
شيك على كابلات البوجيهات ممكن تكون مبوشه واتصالها بالبوجيهات غير جيد وده اللى بيحدث تنتيش السيارة
والله اعلم

[zamek]

حط علبه منظف كربراتير ب 40 ةجنيه من ليكي مولي علي تفويله بنزين هتمنع الهباب علي البوجيهات و هتمنع التنتيش جرب قبل ما تدوخ مع الصناعيه

[SHNORY]

من الواضح المشكلة عويصة فينك يا اخ شنورى

موجود يا باشا وتحت امرك
لو العربيه لما تسخن بتحس انها بتنتش وبتتلت
غير اسلاك البوجيهات
وعلشان تعرف ان كانت مهربه ولا لا بكل بساطه افتح كبوت العربيه في الضلمه حتلاقي فيه شرارات بتطلع من اماكن القطع وبتضرب في جسم العربيه
او امسك مفك طويل من الجزء المعزول وامشي بيه علي الاسلاك في الضلمه برضه
لو لقيت شرارات بتطلع تضرب في المفك يبقي السلوك مقطوعه
العيب دا حصل معايا قبل كده ولما غيرتهم بقت زي الفل
وانت علي السلانسيه تحس ان فيه تقطيع زي النبضات كده
وبص علي طرمبه البنزين
وطالما حضرتك قولت انها بتعمل كده علي السرعات العاليه يبقي بتعمل كده لما العربيه تسخن مش لما العربيه تجري
لو العيب من الاسبراتير ففيه حاجه بتتغير جواه انا مش فاكر اسمها ايه بس غيرتها قبل كده
بنفس وظيفه الابلاتين العادي
ومتغيرش وتحط اسبراتير عادي وروح لصنايعي محترم
مش علشان هو مش فاهم يلبسك في الحيط
وتحت امرك في اي وقت سواء هنا او علي الموبايل
دي نمرتي
01223145607

[hassanin_lada]

موجود يا باشا وتحت امرك
لو العربيه لما تسخن بتحس انها بتنتش وبتتلت
غير اسلاك البوجيهات
وعلشان تعرف ان كانت مهربه ولا لا بكل بساطه افتح كبوت العربيه في الضلمه حتلاقي فيه شرارات بتطلع من اماكن القطع وبتضرب في جسم العربيه
او امسك مفك طويل من الجزء المعزول وامشي بيه علي الاسلاك في الضلمه برضه
لو لقيت شرارات بتطلع تضرب في المفك يبقي السلوك مقطوعه
العيب دا حصل معايا قبل كده ولما غيرتهم بقت زي الفل
وانت علي السلانسيه تحس ان فيه تقطيع زي النبضات كده
وبص علي طرمبه البنزين
وطالما حضرتك قولت انها بتعمل كده علي السرعات العاليه يبقي بتعمل كده لما العربيه تسخن مش لما العربيه تجري
لو العيب من الاسبراتير ففيه حاجه بتتغير جواه انا مش فاكر اسمها ايه بس غيرتها قبل كده
بنفس وظيفه الابلاتين العادي
ومتغيرش وتحط اسبراتير عادي وروح لصنايعي محترم
مش علشان هو مش فاهم يلبسك في الحيط
وتحت امرك في اي وقت سواء هنا او علي الموبايل
دي نمرتي
01223145607

المشط ياباشا

شوف حال تطبق كلام ستاذ شنيوري لو طلع العيب هو اللي بيقولك يبقي الحمدلله

لو ماطلعش يبقي تحاول تشوف حد معرف يعرف واحد بتاع قطع غيار استيراد بحيث انك تجرب من عنده الاسبراتير مقابل انك تيديلو مبلغ بسيط يعني 20 او 30 جنيه (مش مشكله الاهم نوصل للعيب)

لو العربية مشيت زي الفل يبقي الحمدلله تروح ترجع للراجل القديم وتجيب واحد جديد او اللي تستريحله)

لو العيب رجع يبقي كاربرتير وده لازم يتغير ماتحولش تصلح فيها وانشألله تطلع حاجه بسيط وخد رأي كذا ميكانيكي

[hugan]

كلام بتاع الكاربراتير هو الاقرب للصح
اوعي تغير الاسبراتير باسبراتير عاده
ومفيش حاجه ف مصر اسمها تصليح كربراتير كلهم نصابين
الكربرتير باظ غيره بواحد استيراد او جديد توفيرا لتكلفه الاصلاح المتكرر بدون فائده

[SHNORY]

المشط ياباشا

شوف حال تطبق كلام ستاذ شنيوري لو طلع العيب هو اللي بيقولك يبقي الحمدلله

لو ماطلعش يبقي تحاول تشوف حد معرف يعرف واحد بتاع قطع غيار استيراد بحيث انك تجرب من عنده الاسبراتير مقابل انك تيديلو مبلغ بسيط يعني 20 او 30 جنيه (مش مشكله الاهم نوصل للعيب)

لو العربية مشيت زي الفل يبقي الحمدلله تروح ترجع للراجل القديم وتجيب واحد جديد او اللي تستريحله)

لو العيب رجع يبقي كاربرتير وده لازم يتغير ماتحولش تصلح فيها وانشألله تطلع حاجه بسيط وخد رأي كذا ميكانيكي

لو قصدك بالمشط الكارته بتاعه الاسبراتير
فدي بتضرب علطول علي ما اظن مش بتهيس وتعمل التقطيع ده
وسبب ضربها ان بيكون فيه طرف هربان من الارضي في الفيشه بتاعتها

[hassanin_lada]

لو قصدك بالمشط الكارته بتاعه الاسبراتير
فدي بتضرب علطول علي ما اظن مش بتهيس وتعمل التقطيع ده
وسبب ضربها ان بيكون فيه طرف هربان من الارضي في الفيشه بتاعتها

المشكله دي كانت في الشاهين وفكرة نفس تفكيرك لحد ماطرينا نغير المشط وطلعت فعلا المشكله منه

العربية كانت تقطع وانت ماشي وساعات مادورش اساسا لحد ماغيرنا المشط والحمدلله اتظبطت

توقع من العربيات اي حاجه :d

[SHNORY]

فين صاحب المشكله ؟؟؟

[ahmedelaraby]

بص يا سيدي الفاضل نفس مشكلتك انا مريت بيها ونفس الخطوات تقريبا لدرجة اني فكيت الاسبراتير عند الميكانيكي وغيرت جوانات الاسبراتير ومطلعش العيب منها واصبح الاسبراتير بيجيب زيت وفي النهاية المشكلة اتحلت على جزئين

الجزء الاول كان لما الميكانيكي شال بك السلانسيه الكهرباء وركب بك سلانسيه من عنده بتاع بيجو 504 والعربية مشيت معايا كويس وبعدين رجعت المشكلة بس اقل من سابقتها

الجزء التاني روحت لبتاع كربراتير اول مقولتله ع المشكلة قالي الكربراتير هيتظبط قولت ماشي المهم فك الكربراتير وكان باين عليه متمكن وفعلا العربية اتظبطت ومن ساعتها روحتله تاني بعد شهرين وعمل نفس الموضوع وفك ونضف وقالي بنزين 80 بيسد البكات وعليها ومن ساعتها كل 3 شهور اروحله مرة ينظف الكربراتير وكله تمام الحمد لله اللي استغربتله قلتلوه على موضوع بك السلانسيه الكهرباء ده قالي لا مش مشكلة ده كل فائدته عند الدوارة صباحا بيعلى العربية سنة وهو بيبوظ بسرعة ويقطع ويبرجل العربية بس بيقطع خالص بعد فترة كبيرة ولو عايز هات واحد جديد اركبهولك ولو مش عايز مش مهم البك العادي شغال ومبيبوظش

الراجل بتاع الكربراتير بياخد 50 ج وهو في مدينة السلام عن القسم القديم

ارجو ان اكون افدتك