عربية حاجتها ببلاش @@!!!! وعجبي

[yoyhmh]

و الله العظيم انت و عربيتك اللادا زى الفل
انما الناس التانية اللى بتحب تترسم بعربياتها و تترسم قدام الصنايعبة والصنايعى يفهموا انه بيعملوا
اللى ميعملش هم دول اللى خلوا الصوانعية اللى اصلا مش صوانعية يطلبوا كتير ويفتروا على اصحاب العربيات
وربنا يجعل مصر بخير..................

[بلاحدود]

الموضوع حلو جدااا ومفيد بس انا اتصدمت انا شاري 2105 موديل 85 حالتها نضيفه بصراحه واول عربية ليه برضو ب 17500 وانت بتقول 82 ب 9000 لا بجد انا اتصدمت وحاسس اني اخدت مقلب جامد المهم اوصفلي مكان الصنيعية دول لحسن اخوك لسه ميعرفش اي حاجه في اي حاجة

[abokoko]

الاستاذ احمد حنفي باين عليه فعلا مرزق
ربنا يديمها عليه نعمه

عموما انا بتعامل مع ميكانيكى زميل لى فى العمل وفاتح ورشه بعد الظهر
وتقريبا بصلح عربيتى عنده بالكامل
ميكانيكا وعفشه وكهرباء
اللى بيتصعب بيقول لى روح اعملها بره
وبيتعامل معايا كويس بحق الزماله فى الاول والاخر + انى غالبا بزود 5 او 10 جنيه عن اللى هو بيقول عليه
وهو عارف كده لانه بيكرمنى فى المصنعيه
والاهم انى لما بتزنق وتعطل العربيه بعيد عن الورشه بتصل بيه وبيجيي لى
الحمد لله

لما بروح لصنايعيي تانى ( لو صاحبي مسافر مثلا ) بعرف الفرق فى المصنعيه

الاستاذ احمد ممكن يكون بيتعامل مع صنايعييه من المنطقة او معارف او انه خفيف الدم ( عشري )
بكرر
هو مرزق وربنا يكرمه بهذه النعمه

[goldengold4]

على فكرة انا معايا نفس العربية بس موديل 95 بس المصاريف اكتر من كدة شوية يمكن بتختلف من صنايعى لاخر بس هية بجد ممتازة فى المصاريف عن باقى العربيات و لكن هية برده متعبة فى بعض الحاجات