نصيحة من ملاكى الادا

[ahmed rashed]

انا عايز اشترى عربية لادا بس ناس كتير بتقولى بلاش العربية مليانة مشاكل انا عايز نصيحة الاخوة ملاكى الادا هل اشتريها ولا لا واية اخر اسعار المستعمل فى بعد سنة 2000

[ahmscu]

الموضوع هيتوقف على حاجات كتير(معاك كام؟طبيعة شغلك؟الطرق اللى بتمر بيها؟ممكن تروح لميكانيكى ولا لا كل فترة؟كده يعنى..)

[mirra]

عايز عربيه عمليه و اعتماديه مع انعدام الرفاهيه .. اشترى الادا و خليك فى الروسى بلاش المصرى و يستحسن لو كانت 2107 و موديل حديث يعنى بعد 2005 كده.

[م.أحمد الدسوقي]

انا عايز اشترى عربية لادا بس ناس كتير بتقولى بلاش العربية مليانة مشاكل انا عايز نصيحة الاخوة ملاكى الادا هل اشتريها ولا لا واية اخر اسعار المستعمل فى بعد سنة 2000

منور يا باشا من كلامك واضح انك عاوز عربية في حدود 25-->30 الف

بص يا سيدي بالنسبة للادا فهنا حتلاقي رايي فيها في اللينك ده

http://www.nilemotors.net/Nile/397307-a.html

المهم حثبتلك فيه انها مش مناسبة اطلاقا وكذلك ردود السادة الاعضاء

لكن انت تقدر تشتري بالفلوس اللي معاك حاجات تانيه كتير زي مثلا

كيا برايد او فيات اونو او فيليشيا لو انت عاوز هاتش باك

وممكن شاهين او دوجان او تويوتا تمانينات لو عاوز سيدان

كل الخيارات دي ليها مميزات وعيوب مختلفه جدا لكنها مطابقة للفئة السعرية بتاعت اللادا 2000

وفي الاول والاخر ده حيتوقف عليك انت في التالي:-

1. اعمل تست درايف اكتر من ساعتين وشوف الفرق في الارهاق للادا وغيرها

2. شوف انت غاوي ميكانيكا ولا لا ولو طلعت غاوي يبقي ممكن تشتري قديم وتراعية ولو مش غاوي بلاش

3. شوف الطبيعة بتاعت استخدامك للعربية عدد الساعات سواقه في اليوم وطبيعه المشاوير والطرق والمطبات

[mando242526]

ابعد عن اللادا بلاش منها خليك فى الشاهين او اى حاجة تانية ابعد من غير ماتفكر

[ibnelfared]

الأهم من العربية ألى هايبعلك يعنى ما يغركش معلوماتة أو مشاركاتة لو كان من منتدى لأن دى خدعة وأنا أتصبت منها ربنا رزقنى بحرامى ونصاب كبيييييييييير جدا بس للأسف لاقى ألى يدافع عنة حبة الديول ألى حولية وللعلم هو مشرف فى أحد المنتديات ؟
الحاجة التانية ياريت تاخد معاك سمكرى وميكانيكى ضرورى وما تعتمدش على أى حد معلوماتة على قدة ؟
تخلى بالك أن فى حاجة أسمها توكيل عام أوعى تعملة نهائى .
تتأكد ن رقم الشاسية والموتور صحيحين وراجع كل مسمسار فى العربية ؟
تنقل ملكية فورا وما تستناش أى حاجة تعطلك ؟
وتنزل شوة من تمنها لأن المخالفات بتتسجل بعد فترة وهاتشيلها زى ما الحرامى ألى باعلى العربية شايلنى مخالفاتة حسبى الله ونعمة الوكيل فى هذا الواطى .
قبل كل دول أستخير ربنا وما تتسرعش نهائى ولا يقولك أنا ظروفى كذا وواخد قرض يتحرق ويتحرق ألى خلفوة لأنهم كدابييين وحرامية