يدا بيد (انجاجيه) مع السيدة الروسية العجوز الي الكوافير

[م.أحمد الدسوقي]

بصراحة انا حاسس ان لعنه اللادا بتطاردني بعد لما اعلنت انتهاء عشقي ليها

واضح ان الموضوع مثير وممتع ،عشان كدا عاوز اشاركم الحكاية

انا بحكم اني مهندس مسكت العربية نظري فرمتها تقريبا كل حاجه بقي عندي عنها خلفية تفصيلية بس عالورق بس

المهم انا فكرت اجيب لوجان زيرو وخلاص بقي بس خوفت اوي لحسن اخبطها بحكم اني لسه مبتدئ في السواقة

ومن هنا بدأت الحكاية

ربنا رزقني بواحد معاه لادا 1500 ضايعة من كله مفيش فيها عربية اصلا

وكان ناوي يصرف عليها لحد ما يخليها عروسة يعني كوافير وبديكير ومنكير كله --> يكش يطمررررررر

المهم هوا كان ناوي يفكها كلها ويقوم بعمل الاتي:

1. تدخل العربية فرن وتاخد رش كامل ابيض

2. يوديها لسروجي يفرشلها ارضيات عازلة وكنب وكراسي وابواب وتابلوه

3. يجيب ماتور استيراد خمس سرعات

4. يجيب ديسكات وطنابير وسيرفو وتيل للفرامل

5. يجيب عفشة كاملة جديدة

6. يجيب بطارية وكتاوت جديدة

7. يركب فوانيس ونيكل واكصدامات ومرايات جديدة

8. يركب علبة دركسيون جديدة

9. تقريبا في تغيير لعمود الكردان والكارونة

ولو فاضل في العربية حاجه تانيه قلولي

المهم يا رجالتنا انا حعمل معاه كل ده خطوة بخطوة وحشارك معاه في التكاليف مقابل انه يديني العربية 6 شهور اتعلم فيها

كنت عاوزكم تشاركوني عن طريق اني ابعت صور الحاجات وانتو تقولوا رايكم واقتراحتكم

وبالمرة ابقي اتعلمت وشرحنا كل اللي في العربية للمنتدي

وانا اظن انه حيكون موضوع رائع لو فصلناه كويس

ودلوقتي عاوز اقتراحات الابطال اجيب ايه ومنين ونعمل ايه بكام ونخلي بلنا من ايه في المصنعية

فريق وحوش اللادا هجوووووووووووووووووووم

[ahmedalaahosny]

مش عايز احبطك بس هتصرفلك شوية وهتتبهدل مع الصنايعية وف الاخر راحت ولا جت دي لادا ياعم الحج عايز واحده هات واحده استعمال تكون نضيفة عشان انت شكلك لسة جديد وسهل الميكانيكية والصنايعية يشتغلوك ف انا رايي هات واحده ع الاقل واقفة علي رجليها كارونة ومكنة وفتيس كويسين ودواخل فابريكة بعد كده لو محتاجه سمكره ولا دوكو مش مشكلة انت كده كده جايبها للبهدله بعد ماتاخد خبره ف السواقة وشوية خبره ف الميكانيكا بتاعتها وتتعامل مع كام صنايعي وبالمره الماديات تكون زادت لو عايز تشدها شدها لو هتبيع بيع لو هتسيبها معاك ماشي لو الماديات زيادة شوية تجيب زيرو محترم للمشاوير واللادا للمرمطة والزحمة برده ماشي

[amrico]

على فكرة انا بقيت بدخل منتدى اللادا عشان مواضيعك

اسلوب حضرتك في الكتابة جميل، وتقريبا اللادا فجرت الموهبة الادبية معاك

احييك

[م.أحمد الدسوقي]

مش عايز احبطك بس هتصرفلك شوية وهتتبهدل مع الصنايعية وف الاخر راحت ولا جت دي لادا ياعم الحج عايز واحده هات واحده استعمال تكون نضيفة عشان انت شكلك لسة جديد وسهل الميكانيكية والصنايعية يشتغلوك ف انا رايي هات واحده ع الاقل واقفة علي رجليها كارونة ومكنة وفتيس كويسين ودواخل فابريكة بعد كده لو محتاجه سمكره ولا دوكو مش مشكلة انت كده كده جايبها للبهدله بعد ماتاخد خبره ف السواقة وشوية خبره ف الميكانيكا بتاعتها وتتعامل مع كام صنايعي وبالمره الماديات تكون زادت لو عايز تشدها شدها لو هتبيع بيع لو هتسيبها معاك ماشي لو الماديات زيادة شوية تجيب زيرو محترم للمشاوير واللادا للمرمطة والزحمة برده ماشي

اولا الحمد لله العربية اصلا بتاعت واحد ميكانيكي يعني عاوز يظبطها لنفسه قبل ما يظبتها ليا

ثانيا انا متفق معاه اني حدفع مبلغ معين مقابل عدد شهور معينه والموضوع جيد ومتوفر

ثالثا وده مفروض يكون اولا شكرا ليك علي اهتمامك وقلقك علي زميلك في المنتدي

رابعا انا من النوع اللي يضيع فلوسه علي التعليم والحمد لله كل تجاربي اعادت عليا الفلوس تاني

خامسا خلينا في النصح العلمي المركز قولي اعمل ايه عشان اتجنب النصب والاشتغالات

سادسا اسف علي الاطالة ومتشكر جدا

[م.أحمد الدسوقي]

على فكرة انا بقيت بدخل منتدى اللادا عشان مواضيعك

اسلوب حضرتك في الكتابة جميل، وتقريبا اللادا فجرت الموهبة الادبية معاك

احييك

بالنسبة للموهبه الادبية المتفجرة فده بيرجع الي التحليل الفلسفي اللي قاله المارشال مصطفي شعبان للكونتيسة مني ذكي في فيلم احلام عمرنا:

"محدش بينجرح اوي الا لما بيحب اوي"

انا كنت بحب اللادا اوي ،بس بصراحة كنت فاكر انها الدهن في العتائي بس اللوجي (رينو لوجان)برضة مغرية نستني الوليه الحيزبون اللي اسمها لودي

[ahmedalaahosny]

العفو ياباشا انا كنت بقلب لقيت ده اقراه كده http://www.nilemotors.net/Nile/299369-80-2011-a.html

[ahmedalaahosny]

يظهر في مشكله ف وضع الروابط عامة محتواه حل البيض انك تجيب البيض التركي وده مابيملصش

[م.أحمد الدسوقي]

طيب تمام انا دلوقتي عاوز ابدأ بشغل الفرن والبويا والكلام ده

وبعد ما اخلصه نبدأ في العفشة والسروجي

دلوقتي ايه نصايحكم في الدهان وماقبله وما بعده؟؟؟

[ahmedalaahosny]

هو شغل الميكانيكا عندك تمام من مكنة وفتيس وكارونة ؟ لو مش تمام يبقي مش مشكله عموما ابتدي الشغل كالتالي
ييجي الميكانيكي يحل المكنة لو فيها عمرة يعملها ولو مفيهاش حاجة يعمل طقم شنبر عشان تكون في اﻷماان لو المكنة فيها شغل كتير هات واحده استيراد بفتيسها تمنها من 2800 ل 3700 وده علي حسب كاربراتير ولا انجكشن وخليه يبص علي الكربراتير او الرشاشات والبوابه وشوية الحبشتكنات دي طرمبه البنزين الردياتير طبعا هيتطلع ياخد غسله محترمه ويتسلك لو مخروم هات واحد 3 ماسوره ويتعدل ويركب وشوف برده المراوح ولو انه تبع شغل الكهربائي بس العربية هتمشي تروح الفرن وترجع ازاي لو التبريد مش تمام طبعا انت ف الفتره دي بتركب اللي يمشيها يعني لو المكنة القديمة لسة فيها الروح وانت ناوي علي مكنة جديده سيبها خفيفه مش خفيفه مش مهم لغاية قبل ماالشغل بحاجة بسيطه
وبعدين ييجي الكهربائي يبص علي الضفيره لو لقي فيها شغل وتقطيع وكباري ارمي وهات استيراد ده غير شغل المراوح اللي انا قولته فوق
وييجي السروجي يحل الفرش كله عشان يظبطوا لو الكراسي الامامية مكسره هات اتنين استيراد وياريت لو تشوف كرسيين لانسر او اي حاجة تانية تركب علي نفسي المجره عشان كراسي اللادا غير مريحه
وييجي بتاع الزجاج يحل الزجاج كله ان كان موجود لانك بتقول انها عربية خرده جايبه اخرها
طبعا السمكري حيبعت العربية للبوهيجي عشان يحرقهاله عالصاج وبعدين السمكري يشتغل من تحت الصفر لو حابب شغل علي مية بيضا ويعمل دعامات للشاسية ولو فيه شروخ يظبطها ولو فيهابارومة يعملها ويرش مكانها بلاك وبالمره يرش العتب والفجاوي بلاك عشان ماتضربش بارومة وطبعا علي ماتخلص سمكره ودوكو تشوف ف الفترة قطع الغيار الناقصة واحدة واحده لو لسة فيها شغل ف العفشه ولا ف الكارونة وبعدين تجيب شغل الكهربا يعني لو عايز الضفيره استيراد هاتها وتبقي خلصت من اي حاجة ف الكهربا لمده 10 سنين لقدام وكتاوت ولمبات صالون او زينون و مارش و وسنتر لوك ومكن زجاج كهربا وجهاز إنذار وبطارية جافه محترمه و طبعا انت وزوقك بقي ف الكاسيت والسماعات براحتك وبعدين شغل السروجي يقولك تشتري اد ايه عوازل الصوت والحرارة عشان تخفف من صوتها اللي بيبقي مسمع ف الصالون و فرش للسقف واﻷرضية واﻷبواب وانت وزوقك ف لون جلد للكراسي والصالون وابعت العربية للبوهيجي يأسسها بقي معجون وبويات وافضل نوع الاسكنز ويجهزها للرش و العربية تترش و تتلزق وتتغلف عشان الصنايعيةلما يشتغلوا ماتتخربش طبعا انت حر ف لونها عايزها لونين ماشي هتغير اللون ماشي
و تطلع بعد كده للسروجي يركب عوازل الصوت والحرارة وييجي العفشجي ويغير الكرونة لو فيها حاجه ويغير الطنابير والمساعدين واليايات والبيض ويجيب بيض تركي ويبص علي علبه الدركسيون لو فيها حاجة ارمي وهات جديد ماتحشيهاش الحشو ب 200 جنية وبعد شهرين بترجع تاني يعني من الاخر جدد العفشة بالكامل عشان تحس العربية لسة زيرو
وبعدين بتاع الزجاج يركب زجاج محترم وزجاج 3طبقات امامي دكتور جريش عشان كلنا عارفين الزلط اللي بييجي ف الازاز يدغدغوا ده ولا اجدع زلطة تكسره وكله حسب الميزانية
وترجع للميكانيكي لو جايب مكنة جديده يسقطها ويغير الزيوت والفلاتر و كل حاجة بجديد وخراطيم البنزين والفرامل وطبعا الراديتير الجديد هيكون راكب وطبعا هيبقي بص قبل كده علي الثرموستات والمراوح والدبرياج بقي ديسك واسطوانة وبلية كله بعد كده وديها لبتاع الشكمانات يبص عليها لو فيه حاجة شيل وحط استثماري او ابو اليزيد كامل عشان تريح دماغك
وبعدين ارجع للسمكري يركب نواكلها وحبشتكناتها ومراياتها
و تروح لسروجي يحط الكرسي والكنبه والطبلوه لو مكسر شيله وهاته استيراد وأطلع بيها علي كاركير يغسلها ويديها كمباوند ويشمعها بعد كده الكهربائي كان يادوب مد سلوك الكاسيت هترجعله تركب سماعاتك وكاسيتك وجي اماتك وبعدين تشوف كاوتشاتك وجنوطك وشوف فوانيسك والشبكه لو هتعدلها واكصداماتك ولو عايز تعمل عتب وكساحات فايبر او اكصدام كامل بكساحه هات الشكل من ع النت وروح لحد بتاع فايبر يعملهمولك بس كده انت بقي معاك عربية احسن من الزيرو لانك عاملها باحسن الخامات

[ahmedalaahosny]

طبعا مش هوصيك اعمل كشكول لحساب كل واحد سروجي كهربائي ميكانيكي وبوهيجي وسمكري وكل قرش يتكتب فيها وتتابع الشغل ع الاقل مره كل اسبوع وحضرتك بتقول انها تبع الميكانيكي يعني لو ضامنه يبقي خلاص يشوفلك هو اسطوات بصنايعيتهم يخلصولك الليله دي وطبعا مش هوصيك ماتدفعش قبل ماتاخد منه كشف باللي استخدمه وياريت قد ماتقدر تشتري انت الخامات ياريت برده ماتركبش تركب تكيف لانه بيرفع حرارتها وبيضعف العربية جدا وف الاخر ضعيف لو عايز تركب تكيف يبقي سيبك من اللادا وخليك ف الشاهين وصراحة بفضلها علي اللادا اكتر

[م.أحمد الدسوقي]

هو شغل الميكانيكا عندك تمام من مكنة وفتيس وكارونة ؟ لو مش تمام يبقي مش مشكله عموما ابتدي الشغل كالتالي
ييجي الميكانيكي يحل المكنة لو فيها عمرة يعملها ولو مفيهاش حاجة يعمل طقم شنبر عشان تكون في اﻷماان لو المكنة فيها شغل كتير هات واحده استيراد بفتيسها تمنها من 2800 ل 3700 وده علي حسب كاربراتير ولا انجكشن وخليه يبص علي الكربراتير او الرشاشات والبوابه وشوية الحبشتكنات دي طرمبه البنزين الردياتير طبعا هيتطلع ياخد غسله محترمه ويتسلك لو مخروم هات واحد 3 ماسوره ويتعدل ويركب وشوف برده المراوح ولو انه تبع شغل الكهربائي بس العربية هتمشي تروح الفرن وترجع ازاي لو التبريد مش تمام طبعا انت ف الفتره دي بتركب اللي يمشيها يعني لو المكنة القديمة لسة فيها الروح وانت ناوي علي مكنة جديده سيبها خفيفه مش خفيفه مش مهم لغاية قبل ماالشغل بحاجة بسيطه
وبعدين ييجي الكهربائي يبص علي الضفيره لو لقي فيها شغل وتقطيع وكباري ارمي وهات استيراد ده غير شغل المراوح اللي انا قولته فوق
وييجي السروجي يحل الفرش كله عشان يظبطوا لو الكراسي الامامية مكسره هات اتنين استيراد وياريت لو تشوف كرسيين لانسر او اي حاجة تانية تركب علي نفسي المجره عشان كراسي اللادا غير مريحه
وييجي بتاع الزجاج يحل الزجاج كله ان كان موجود لانك بتقول انها عربية خرده جايبه اخرها
طبعا السمكري حيبعت العربية للبوهيجي عشان يحرقهاله عالصاج وبعدين السمكري يشتغل من تحت الصفر لو حابب شغل علي مية بيضا ويعمل دعامات للشاسية ولو فيه شروخ يظبطها ولو فيهابارومة يعملها ويرش مكانها بلاك وبالمره يرش العتب والفجاوي بلاك عشان ماتضربش بارومة وطبعا علي ماتخلص سمكره ودوكو تشوف ف الفترة قطع الغيار الناقصة واحدة واحده لو لسة فيها شغل ف العفشه ولا ف الكارونة وبعدين تجيب شغل الكهربا يعني لو عايز الضفيره استيراد هاتها وتبقي خلصت من اي حاجة ف الكهربا لمده 10 سنين لقدام وكتاوت ولمبات صالون او زينون و مارش و وسنتر لوك ومكن زجاج كهربا وجهاز إنذار وبطارية جافه محترمه و طبعا انت وزوقك بقي ف الكاسيت والسماعات براحتك وبعدين شغل السروجي يقولك تشتري اد ايه عوازل الصوت والحرارة عشان تخفف من صوتها اللي بيبقي مسمع ف الصالون و فرش للسقف واﻷرضية واﻷبواب وانت وزوقك ف لون جلد للكراسي والصالون وابعت العربية للبوهيجي يأسسها بقي معجون وبويات وافضل نوع الاسكنز ويجهزها للرش و العربية تترش و تتلزق وتتغلف عشان الصنايعيةلما يشتغلوا ماتتخربش طبعا انت حر ف لونها عايزها لونين ماشي هتغير اللون ماشي
و تطلع بعد كده للسروجي يركب عوازل الصوت والحرارة وييجي العفشجي ويغير الكرونة لو فيها حاجه ويغير الطنابير والمساعدين واليايات والبيض ويجيب بيض تركي ويبص علي علبه الدركسيون لو فيها حاجة ارمي وهات جديد ماتحشيهاش الحشو ب 200 جنية وبعد شهرين بترجع تاني يعني من الاخر جدد العفشة بالكامل عشان تحس العربية لسة زيرو
وبعدين بتاع الزجاج يركب زجاج محترم وزجاج 3طبقات امامي دكتور جريش عشان كلنا عارفين الزلط اللي بييجي ف الازاز يدغدغوا ده ولا اجدع زلطة تكسره وكله حسب الميزانية
وترجع للميكانيكي لو جايب مكنة جديده يسقطها ويغير الزيوت والفلاتر و كل حاجة بجديد وخراطيم البنزين والفرامل وطبعا الراديتير الجديد هيكون راكب وطبعا هيبقي بص قبل كده علي الثرموستات والمراوح والدبرياج بقي ديسك واسطوانة وبلية كله بعد كده وديها لبتاع الشكمانات يبص عليها لو فيه حاجة شيل وحط استثماري او ابو اليزيد كامل عشان تريح دماغك
وبعدين ارجع للسمكري يركب نواكلها وحبشتكناتها ومراياتها
و تروح لسروجي يحط الكرسي والكنبه والطبلوه لو مكسر شيله وهاته استيراد وأطلع بيها علي كاركير يغسلها ويديها كمباوند ويشمعها بعد كده الكهربائي كان يادوب مد سلوك الكاسيت هترجعله تركب سماعاتك وكاسيتك وجي اماتك وبعدين تشوف كاوتشاتك وجنوطك وشوف فوانيسك والشبكه لو هتعدلها واكصداماتك ولو عايز تعمل عتب وكساحات فايبر او اكصدام كامل بكساحه هات الشكل من ع النت وروح لحد بتاع فايبر يعملهمولك بس كده انت بقي معاك عربية احسن من الزيرو لانك عاملها باحسن الخامات

ياباشا انا والله عاجز عن الشكر

علي زوقك وعلي شرحك وعلي معلوماتك

بصراحه حضرتك نموذج مشرف لخبراء هذا المنتدي

انا ان شاء الله حصور وارفع كل الخطوات

[ahmedalaahosny]

ربنا يخليك ياباشا ده من ذوقك والله وربنا يوفقك ف شد عربيتك