هشتري لادا نيفا (محتاج مساعدتكم )

[Hosam_fouad]

بعد مده طويله من البحث قررت اشتري لادا نيفا

دورت علي موديل 82 وكلهم حالتهم مش كويسه
في واحده قدامي موديل 98 علي 29 الف جنيه بغض النظر عن سعرها بقا
المشكله فيها ان صاحبها كان شاريها لسه من 20 يوم وعايز يبعها يا تري فيها عيب خطير انه ملحقتش تقعد معاه 20 يوم ؟

مثلا ورقها مضروب واتضحك عليه ؟ او كانت قالبه ومغيره سقف او نص او حوض او قايم معوج ؟

( انا لسسه مشوفتهاش علشان هي في القاهره وانا في اسكندريه شوفت صورها بس )

ممكن طلب كمان مفيش ورشه تبع نايل موتور او ورشه مشهوره اكشف عليها سمكره ومتور

[م أحمد]

أو تاجر

[kokowasfy]

اكشف عليها كويس جدا و ارفعها فى اى بنزينة و اتفرج عليها

[Hosam_fouad]

لا معتقدش انه تااااجر علشان هو واحد محترم . .

وكمان مفيش حد بيتاجر في النيفا لانها من العربيه غلسه في البيع :d

[hobyana47]

السلام عليكم
باشا انا تعبت لغاية ماوقعت على عربيه نيفا كويسه
لو العربيه عاجباك اولا اركبها وجربها وشوف موتورها والسحب عامل ايه شوف خرطوم الفايز بتاع الموتور بيجيب زيت ولا لأ ولو قدرت تفك البوجيهات وتبص عليها لانها بتبين حالة الموتور كمان المكان اللى فوق الشكمان على طول فى الاكصدام الخلفى شوفه معرق زيت اسود ولا لأ بعدين شيك على الغيارات احيانا فى النيفا الغيار الاول بينط لوحده لعيب بيحصل فى الفتيس كمان اسمع صوت الكارونه لو فيها ونه ولا لأ بس فى ناس بتغش الموضوع ده بأضافة شحم ورده بتاعة المخابز لللكارونه علشان تكتم صوتها لو الموتور الفتيس والكارونه تمام اى حاجه تانيه امرها سهل ونادر جدا ان تكون نيفا مقلوبه وغيره نص بالنسبه للورق لو فى رخصه بأسمه مش هيكون فى مشاكل بأذن الله وموضوع فتيس الغرز مش مهم يكون شغال لان فى الغالب هتلغيه علشان يخلى العربيه اخف معاك فى الجرى واعتقد ان السعر ده يجيبلك نيفا موديل اعلى من التسعينات وربنا يوفقك للخير بأذن الله النيفا عربيه عمليه جدا جدا وهتحبها لما تركبها على فكرة اعرف دكتور فى جامعة الازهر معاه عربيه ممكن يكون عايز يبيعها هسئلهولك وارد عليك هى تقريبا 83 لونها احمر وحالتها كويسه

[Hosam_fouad]

السلام عليكم
باشا انا تعبت لغاية ماوقعت على عربيه نيفا كويسه
لو العربيه عاجباك اولا اركبها وجربها وشوف موتورها والسحب عامل ايه شوف خرطوم الفايز بتاع الموتور بيجيب زيت ولا لأ ولو قدرت تفك البوجيهات وتبص عليها لانها بتبين حالة الموتور كمان المكان اللى فوق الشكمان على طول فى الاكصدام الخلفى شوفه معرق زيت اسود ولا لأ بعدين شيك على الغيارات احيانا فى النيفا الغيار الاول بينط لوحده لعيب بيحصل فى الفتيس كمان اسمع صوت الكارونه لو فيها ونه ولا لأ بس فى ناس بتغش الموضوع ده بأضافة شحم ورده بتاعة المخابز لللكارونه علشان تكتم صوتها لو الموتور الفتيس والكارونه تمام اى حاجه تانيه امرها سهل ونادر جدا ان تكون نيفا مقلوبه وغيره نص بالنسبه للورق لو فى رخصه بأسمه مش هيكون فى مشاكل بأذن الله وموضوع فتيس الغرز مش مهم يكون شغال لان فى الغالب هتلغيه علشان يخلى العربيه اخف معاك فى الجرى واعتقد ان السعر ده يجيبلك نيفا موديل اعلى من التسعينات وربنا يوفقك للخير بأذن الله النيفا عربيه عمليه جدا جدا وهتحبها لما تركبها على فكرة اعرف دكتور فى جامعة الازهر معاه عربيه ممكن يكون عايز يبيعها هسئلهولك وارد عليك هى تقريبا 83 لونها احمر وحالتها كويسه

الف شكر يا باشا
معتقدش حد هسيبك تفك البوجيهاااااات :] :] انا عايز موديل جديد اواخر ال 90 علشان تكون حالتها كويسه

[mohfud]

ولية النوع داة بالذات في انواع كتيرة احسن

[Hosam_fouad]

ولية النوع داة بالذات في انواع كتيرة احسن

انسب عربيه ليا في الوقت الحالي . . (بالنسبه لمجال عملي مهندس صيانه)

سعرها كويس . . . بتتحمل لما تحط فيها اي حاجه وقطع غيرها كويسه . بحب شكلها جدا .
العربيه عاليه عن الأرض جدا جدا تنفع للاماكن المتكسره والمتبهدله اللي بنروحها .

عيوبها بالنسبه ليا .... هو اعاده البيع . سيئه
وانها عربيه ناشفه وبطيئه جدا

[aliabdo]

و الله نفسى اجيب وحده اى كان حالتها و اعملها على ايدي :) بس المشروع الى جاي بقى ان شاء الله

[Hosam_fouad]

انا رأيي هات واحده موديل جديد وتكون حالتها كويسه اجسن من عربيه قديمه فات عليها الزمن

و الله نفسى اجيب وحده اى كان حالتها و اعملها على ايدي :) بس المشروع الى جاي بقى ان شاء الله

[aliabdo]

الى حتعمله على ايدك احسن من الجديد 100 مره