طقم جنوط عادى للادا يعمل كام؟

[Zing0]

السلام عليكم
عندى الجنوط عاوزة تغيير
كلها إتهرت من المطبات و الحفر و بقت فيها رفه بما فيها جنط الإستبن
فيه 2 جنب بعض فى الملك الصالح متخصصين فى رفة الجنوط بس معرفش أسعارهم إيه و فيه تضارب آراء على جودة شغلهم (ناس بتشكر و ناس بتقول و لا ليه لازمة و فاشل)

رأيكم أصلح و لا إستيراد و لا جديد مصرى و لا جديد صينى و أسعارهم
بأتكلم عن الجنوط العادى

الإسبور لسة سائل عليه من 1000 : 1400 ماركات و أشكال بس كله صينى
أنا مش عاوز سبور (مفيش ميزانية بصراحة)
خلينا فى الجنوط العادية أسعارها إيه

[mirra]

جنوط الادا الجديده الاصلى من المركز الروسى بسعر 150 جنيه و فيه واحد تانى فى اول التوفيقيه عنده جنوط الشاهين اللى هى نفس المقاس ب 170 جنيه و المستعمل ممكن يعمل 50 جنيه بس ما انصحكش بيه.

[lad]

استعدلهم عند الملك الصالح جربتهم كذا مرة والنتيجة كانت كويسة جدا و الجنط تصليحه بيبقى فى حدود 60

[hassanin_lada]

في استعمال ده ب 50
في اسيراد و ده نضيف ب 70
وفي جديد عامل 140 تقريبا ومانصحكش بيه

افضل حاجه تخليك في الاستيراد بس اهم حاجه تاخد واحد معاك كويس وبيفهم وتركز كويس ان الجنط مايكونش مستعدل قبل كده

وهتلاقي عليه سيريل نمبر من بره


بالنسبه للجنوط الاسبور هتلاقي الاندونيسي وده كويس هيبقي في حدود 1200 ل 1400 حسب النوع بس عيبه انك لو عملت حادثه لقدر الله لو جنط واحد باظ الباقي مالوش لزوم عشان خاطر المنظر العام

[محمود سيد محمو]

المركز الروسى فى التوفيقية انا لسة جايبهم من هناك من اربع شهور وزى الفل الحمد لله وكان الجنط عامل 150 جنيه

[J A G U A R]

حاول تصلحهم قبل ما تشترى وشوف ممكن يتظبطو