مشكلة فى دوارة العربية فى الصباح

[komodo]

عربيتى 2105 لسة مغير لها طقم كهربا من كام يوم ... المشكلة أنه لما ادور الصبح بتدور على طول بس لما اجى ازود بنزين تبطل ودة بيحصل الصبح بسى أو لما تركن كام ساعة والموضوع ده برضوا كان بيحصل فبل ما اغير طقم الكهربا بس كام بحصل الصبح بس ....
ارجو الافادة المشكلة فين ......

[hassanin_lada]

طبيبعي جدا

60% من العربيات الكاربرتير كده

انت ماتكبسش جامد عشان ماتشنجش سايسها وبعدين عيش براحتك

[محمود سيد محمو]

شد الشفاط وانت بتدور الصبح

[J A G U A R]

جرب سيبها تسخن شويه

[komodo]

بارك الله فى كل الاخوة اللى ردوا على ...
النهاردة الصبح وانا بادور العربية لقيتها مش مظبوطة ولما اجى ازود ... ( بتفتف) بتعبير الميكانيكيا وبترجرج قلت ان فى بوجية طرب فتحت الكبوت لقيت بوجيو ضارب فعلا وبيطلع منه فقعات كده ... وطبعاً العربية كانت ( بتلت ) مع ان الطقم كله يابانى ولسة مركبة مكملش 5 ايام ... منهم لله التجار اللى بيضربوا البضاعة .... رحت جبت طقم جديد فرنساوى وحاركبة النهاردة وربينا يستر ... ويجازى ولاد الحرام

[محمد ابو المجد]

انا عندي نفس المشكله بس لاسف الماكنه بترمي زيت علي البوجيه لما ادور الصبح مدورش فبعمل حسابي علي اربع بوجيهات بكون مسخنهم لحد ما اروح افتح الماكنه اشوف فيها ايه بس في حاجه غيره ظهرت معايا الكرابراتير بيضرب دخان ابيض كل يوم الصبح وانا بكون كابس عليه وبرده عندي العربيه بحس ان الماكنه بتهتز جامد وبتمشي بتقطع وفي بقي مشكله واجهتني النهارده ان الفرامل عليت مرة واحده وانا ماشي فرحت اوووي بس المصيبه لما جيت ادوس فرامل لاقيتها حجرت ومبتمسكشي كنت هلبس في اللي قدامي لولاه ستر ربناه مورت العربيه لاقيتها فكت ورجعت تاني واطيه زي ما طول عمرها واطيه

[komodo]

انا عندي نفس المشكله بس لاسف الماكنه بترمي زيت علي البوجيه لما ادور الصبح مدورش فبعمل حسابي علي اربع بوجيهات بكون مسخنهم لحد ما اروح افتح الماكنه اشوف فيها ايه بس في حاجه غيره ظهرت معايا الكرابراتير بيضرب دخان ابيض كل يوم الصبح وانا بكون كابس عليه وبرده عندي العربيه بحس ان الماكنه بتهتز جامد وبتمشي بتقطع وفي بقي مشكله واجهتني النهارده ان الفرامل عليت مرة واحده وانا ماشي فرحت اوووي بس المصيبه لما جيت ادوس فرامل لاقيتها حجرت ومبتمسكشي كنت هلبس في اللي قدامي لولاه ستر ربناه مورت العربيه لاقيتها فكت ورجعت تاني واطيه زي ما طول عمرها واطيه

على فكرة يا أستاذ محمد انا رحت غيرت طقم البوجيهات النهاردة وللاسف لقيت فى زيت على البوجية ... وعايز حد يفيدنى هل الزيت هو اللى خلى البوجيهات الاولانية تضرب ولا اية .... واية مدى تاثير الزيت على عمر البوجيه ...؟؟؟
بالنسبة لموضوع الفرامل يا ريت تخلى حد فرملجى يشوف لك المشكلة دى سببها ايه يحسن تعملها معاك تانى لا قدر الله ... وربنا يستر طريقق ..

[محمد ابو المجد]

انا هقول حاجه بسيطه جدا انا عندي نفس المشكله وعربيتي 2015 موديل 85 كل يوم الصبح ادور مبدورشي وجربت كول حاجه لحد ما روحت عند واحد ميكانيكي سيبت العربيه عندو تبات لصبح وقلتلوا دورها وشوف هتعمل ايه معاك لما دور لاقها ان البوجيه في زيت من الماكنه فبيخليه يرطب لازم يحل الماكنه علشان يشوف دي جوان ولا شمبر والحل المؤقت انا لسه هجرب بوجيه سن قصير بيقولوا عليه كرسي بس انا مبرجحشي الصراحه

[yoyo_esna2]

اكيد الزيت الى بيخلى البوجيهات تضرب ودة بيبقى نتيجة طقم شنبر يستحسن يتعمل قبل الصيف وقبل المشكلة ماتزيد