البوجيهات وزيت الماكينة

[komodo]

عربيتى 2105 والنهاردة غيرت طقم بوجيهات ولقينا البوجية طايل زيت من الماكينة ...
ما هى عواقب هذا الموضوع وايه تاثيرة على عمر البوجية وازاى اتعامل مع العربية فى وجود هذا العيب قبل ما الواحد يفك الماكينة ...؟؟؟؟؟؟

[محمد ابو المجد]

انا بردو نفس المشكله انا لسه هشتري بوجيه سن قصير

[محمد ابو المجد]

عربيتى 2105 والنهاردة غيرت طقم بوجيهات ولقينا البوجية طايل زيت من الماكينة ...
ما هى عواقب هذا الموضوع وايه تاثيرة على عمر البوجية وازاى اتعامل مع العربية فى وجود هذا العيب قبل ما الواحد يفك الماكينة ...؟؟؟؟؟؟

شوف وقولي هتعمل ايه

[مهند-النجار]

لو في زيت ع البوجيهات تجيب سن قصير ولا طويل ؟؟؟؟؟؟؟؟؟

[aw2100]

ركب بوجيهات سن قصير لغاية ماتعمل عمرة للموتور !!

[alaa7778]

اعمل كرسى عند الخراط يركب فية البوجية

[komodo]

ركب بوجيهات سن قصير لغاية ماتعمل عمرة للموتور !!

برجاء الايضاح .. ايه الفرق بين السن الطويل والقصير فى الموضوع ده .. ؟؟؟

[مهند-النجار]

مهو دا بقي اللي مش فاهمه اية الفرق طويل او قصير مهو كله بيدخل في السلندر يعني طويل قصير الزيت هيجيبه

[محمد ابو المجد]

مهو دا بقي اللي مش فاهمه اية الفرق طويل او قصير مهو كله بيدخل في السلندر يعني طويل قصير الزيت هيجيبه

هو تقريبا كده بيحاول يبعد السن بقدر المستطاع عن انه يوصله زيت

[Zing0]

فعلاً الزيت لازم يوصل للبوجيهات أياً كان نوعة
أعتقد هدف السن القصير أو تركيب الكرسى إنه يبعد سن البوجية قدر الإمكان عن الزيت (يعلية شوية عن رأس البستم)
بس طبعاً ده مسكن , و هتحتاج كل شوية تفك البوجيهات و تغسلهم بالبنزين لإزالة الزيت و تسخنهم علشان الرطوبة و ترجع تركبهم تانى علشان مع تراكم الزيت على سن البوجية الشرارة هتقل لحد متنعدم و العربية تعتل فى الدوارة و بعد فترة ممكن متدورش أصلاً.
طبعاً كل ده زى مقولت مسكن لحد عمل الشنبر.
و على فكرة بالنسبة لبعض الزيوت إللى فى السوق إللى بيقولوا عليها (زيت شنبر)
مهما كان نوعها أمريكى أصلى / مصرى مضروب تحت بير السلم, كلهم و لا بيعملوا أى حاجه, لااااازم الشنبر
دى كلها مسكنات مؤقته فقط لا تغنى عن العلاج
و ربنا يسترها علينا جميعاً

[yoyo_esna2]

انا عندى برضو نفس المشكلة بتعت الشنبر وفتحت الماتور انهاردة عند الميكانيكى وربنا يستر يبقى شنبر بس

[محمد ابو المجد]

انا عندى برضو نفس المشكلة بتعت الشنبر وفتحت الماتور انهاردة عند الميكانيكى وربنا يستر يبقى شنبر بس

ابقي طمناه وقولناه ايه اللي حصل معاك

[yoyo_esna2]

الحمد لله يجماعة طلع شنبر بس والمكنة الحمد لله كلة كويس وتم خرط وش السلندر لاول مرة فى المكنة مع ان المكنة موديل 94 بس اول مرة تتفتح وجارى التقفيل كلفت حوالى 1000ج شامل الزيت والمصنعية والبضاعة

[komodo]

الحمد لله يجماعة طلع شنبر بس والمكنة الحمد لله كلة كويس وتم خرط وش السلندر لاول مرة فى المكنة مع ان المكنة موديل 94 بس اول مرة تتفتح وجارى التقفيل كلفت حوالى 1000ج شامل الزيت والمصنعية والبضاعة

ممكن تدينا تفاصيل المصروفات يعنى البضاعة بكام والخرط والمصنعية وخلافة بالتفصيل ...

[hassanin_lada]

الاهم من الشنبر التلين

لين العربية علي مهلها خالص
يعني 2 صفيحة بنزين علي الواقف
1 صفيحة علي الهادي يعني لحد 40 كم مثلا
وبعدين امشي عادي لحد اول 1000 بس ماتزودش عن 100 كم
اول ماتلمح الاف عاوز تطلع علي الطريق وعيش يعني 150 ماشي 180 ماشي 200 ماشي
عشان العربية تفتح معاك مع ظبط التكيهات هتلاقي العربية طيارة معاك