هو لة هنا الناس بخيلة فى المعلومة

[lada2010]

خايف تجاوب على اللى معاك فى المنتدى بمعلومة ممكن الاستفادة منها بس خلى بالك هيجى عليك يوم هيفعل فيك كدا بردك الكل عايز ياخد وبس يعطى لا

[aw2100]

على فكرة يمكن الكلام ده عندكم فى قسم اللادا لكن اعتقد باقى الأقسام لا
و ماتزعلش ممكن تشرفنى باى سؤال فى قسم سكودا والفليشيا واللادا ولاد عم !!

[ahmscu]

اسال ياباشا واحنا معاك ان شاء الله

[saddam]

صديقي المواطن
قولا واحدا أتحفظ على كلمة ( كل الناس ) ﻷنه أنا وغيري عشرات بنبذل كل جهودنا ودايسين بنزين عاﻵخر وبنساعد كل الناس و80% من الناس تفضل تسأل وتسأل ومنهم برضو 80% مببسمعوش النصايح ومنهم 20% حتى متسمعش منه كلمة شكرا
فإسأل والمنتدى كله حيجاوبك أنا أساسا إمبارح نايم على نفسي وأنا برد على مشاركات الناس من الشغل والتعب والسفر والمجهود وبرضو نرجع نلاقي صندوق الرسائل مليان ومينفعش نزعل حد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة أي حد يبخل عليك بمعلومة عن ال لادا قولا واحدا تطلع على إسكندرية أي تكسي حتقابله حيحكيلك قصة حياة ال لادا منذ بدء الخليقة ﻷنها حاليا بلد ال لادا للأسف

[J A G U A R]

يمكن الناس هنا معندهاش خبره او متعرفش فمبتقدرش تجاوب .. والله اعلم .

[hassanin_lada]

لو الواحد افتي في شئ مايعرفهوش الناس هتدعي عليه
وانا ماشين جنب الحيط

حالتين مش برد فيهم
لو ماعرفش الاجابة او الحل
او لو احد الزملاء جاوب وبعمل معجب علي مشاركته

وفعلا ناس كتير برد عليه ومحدش بيسمع منهم حتي كلمة شكرا

[Zing0]

متأخذونيش فى الكلام إللى هقوله
مش المفروض كل قسم ليه مشرف أو حد مسئول
و المفروض أنه يكون مالك (أو كان مالك) لللادا و عنده خبرة كافيه بيها
و لا الموضوع كله ماشى بالإجتهاد و الفتى و سايبين أى واحد يقول إللى هو عاوزه؟
ده بيخلى الناس متلاقيش إجابات
و لو حد رد عليك بأى كلمة بتبقى طاير من الفرحه حتى لو بكلمة (متابع)
أعتقد الموضوع كله إن مفيش إشراف و فى نفس الوقت مفيش خبرة كافيه للأعضاء القدامى فى القسم
ده طبعاً مش تقليل من حد لا قدر الله
بالعكس, من قال لا أعلم فقد أفتى, بس المفروض يبقى فى و لو واحد (يعلم و يفتى)
و كله فى الأول و الآخر, ابتغاء رضا الله, و ربنا يتقبل تعبكم.

[hassanin_lada]

متأخذونيش فى الكلام إللى هقوله
مش المفروض كل قسم ليه مشرف أو حد مسئول
و المفروض أنه يكون مالك (أو كان مالك) لللادا و عنده خبرة كافيه بيها
و لا الموضوع كله ماشى بالإجتهاد و الفتى و سايبين أى واحد يقول إللى هو عاوزه؟
ده بيخلى الناس متلاقيش إجابات
و لو حد رد عليك بأى كلمة بتبقى طاير من الفرحه حتى لو بكلمة (متابع)
أعتقد الموضوع كله إن مفيش إشراف و فى نفس الوقت مفيش خبرة كافيه للأعضاء القدامى فى القسم
ده طبعاً مش تقليل من حد لا قدر الله
بالعكس, من قال لا أعلم فقد أفتى, بس المفروض يبقى فى و لو واحد (يعلم و يفتى)
و كله فى الأول و الآخر, ابتغاء رضا الله, و ربنا يتقبل تعبكم.

كلامك مظبوط وفعلا كان في ناس عمالقه وليهم خبرة واسعه في سيارات الادا وعطالها والحلول والتعديل

منهم االاستاذ حسام واستاذ مكاوي والاستاذ احمد جمال بس محدش كان مقدرهم حتي بترقيتهم لمشرف قسم او ايانكان

والناس دي كانت بتبذل وقت ومجهود عشان تحل مشاكل الناس بس للاسف مافيش تقدير من المنتدي وانا عن نفسي اتعلمت منهم كتير واستفد بمعلومات قيمة منهم وحلية الكثير من المشكلات اللي كانت بتواجهني في بداية شراء مونيكا (لادا 2107 مود 2006)

[محمد ابو المجد]

كلنا مع اي حد بيسال وعلي فكرة في ناس معندهاش خبرة بتحاول بردو تنصح او توصل معلومة سمعها عيب والله الكلام ده ولا هي علشان لادا

[SHNORY]

متأخذونيش فى الكلام إللى هقوله
مش المفروض كل قسم ليه مشرف أو حد مسئول
و .

المشرفين فالمنتدي دورهم تنظيمي يا باشا مش تقني
وحتي المنسقين بيكون اختيارهم بناء علي مساعدتهم للاعضاء وانهم بيكونوا حلقه وصل بين الاعضاء
او ملاك سياره معينه والتوكيل
واكيد ان اي منتدي حتي لو تقني فالدنيا ممكن يوضح لحضرتك العيب
انما مش حيقدر يقولك تصلحه فين

[Zing0]

المشرفين فالمنتدي دورهم تنظيمي يا باشا مش تقني
وحتي المنسقين بيكون اختيارهم بناء علي مساعدتهم للاعضاء وانهم بيكونوا حلقه وصل بين الاعضاء
او ملاك سياره معينه والتوكيل
واكيد ان اي منتدي حتي لو تقني فالدنيا ممكن يوضح لحضرتك العيب
انما مش حيقدر يقولك تصلحه فين

تمام الكلام يا أستاذ شنورى
بس المشكله مازالت قائمة, نستنى الردود من مين على أسئلتنا
حضرتك أحنا بنتكلم على عربيه ليها عمر فى مصر, يعنى تقدر تقول مفيش واحد صاحبك أو أنت إلا لما إتعلمت السواقه عليها عالأقل, بالإضافه لمحافظات كامله زى الأسكندرية و دمنهور تعتبر اللادا فيها هيا العربيه رقم 1 فى الملاكى و الأجرة.
قصدى إحنا مش بنتكلم فى قسم عربيه نادرة أو مش موجوده فى مصر, و مع ذلك مفيش ردود
الواحد يعمل الموضوع و يسأل فيه و يستنى الرد, و ممكن يحل المشكله أو يبيع العربيه و تلاقى مشاهدات بالآلاف و .مفيش حد عاوز يدوس على الكيبورد بأى رد.
ده أكيد مش عيب أعضاء ملهومش خبره
و حضرتك بتقول برضه مش وظيفة مشرف أو منسق
طيب مين المسئول , يعنى ننتظر التفاعل و الرد و تنشيط القسم من مين
أنا كعضو جديد مالك لعربية س مثلاً, إيه إللى يخلينى أتابع فى مكان فى حين أن مفيش رد
هو ده سبب الإشكال
و ده لحرصنا كأعضاء القسم علشان ننشط القسم بتاعنا , لا لمصلحه ليا و لا الأستاذ حسانين و لا الأخ لادا_2010 و لا الأستاذ محمد أبو المجد و لا غيرنا.
و ربنا يصلح الأحوال

[hassanin_lada]

في مصلحة مين ده اسيات الريس :d

[SHNORY]

تمام الكلام يا أستاذ شنورى
بس المشكله مازالت قائمة, نستنى الردود من مين على أسئلتنا
حضرتك أحنا بنتكلم على عربيه ليها عمر فى مصر, يعنى تقدر تقول مفيش واحد صاحبك أو أنت إلا لما إتعلمت السواقه عليها عالأقل, بالإضافه لمحافظات كامله زى الأسكندرية و دمنهور تعتبر اللادا فيها هيا العربيه رقم 1 فى الملاكى و الأجرة.
قصدى إحنا مش بنتكلم فى قسم عربيه نادرة أو مش موجوده فى مصر, و مع ذلك مفيش ردود
الواحد يعمل الموضوع و يسأل فيه و يستنى الرد, و ممكن يحل المشكله أو يبيع العربيه و تلاقى مشاهدات بالآلاف و .مفيش حد عاوز يدوس على الكيبورد بأى رد.
ده أكيد مش عيب أعضاء ملهومش خبره
و حضرتك بتقول برضه مش وظيفة مشرف أو منسق
طيب مين المسئول , يعنى ننتظر التفاعل و الرد و تنشيط القسم من مين
أنا كعضو جديد مالك لعربية س مثلاً, إيه إللى يخلينى أتابع فى مكان فى حين أن مفيش رد
هو ده سبب الإشكال
و ده لحرصنا كأعضاء القسم علشان ننشط القسم بتاعنا , لا لمصلحه ليا و لا الأستاذ حسانين و لا الأخ لادا_2010 و لا الأستاذ محمد أبو المجد و لا غيرنا.
و ربنا يصلح الأحوال

حقولك المشكله مشكله مين
المشكله مشكله عضو بيدخل يسال علي عيب
وننصحه ونقوله علي الاسباب
ولما عيب عربيته يتصلح ميردش ولا يقول وصل لايه
طيب ياعم احنا صح ولا غلط
متعرفش !
طيب عربيتك جرالها ايه
ميقولش !
خلاص اخد مصلحته ومشي
والخبره مش اننا صلحنا بايدها
الخبره جت من اننا ربنا ابتلانا بحاجتين
اما عربيه مطلعه عيننا وبنصلح فيها وبيتضحك علينا مره واتنين لحد ما بنعرف الصح
يا اما حد مبيحبش يكون عربيته فيها غلطه وبيدور علي اي صوت فيها سببه ايه ويتصلح ازاي
حتي لو العربيه ماشيه معاه كويس بس هو مش مستريح نفسيا
بجانب اني عملت مقابلات لا تعد ولا تحصي عالمنتدي عمري ما شوفت حد من قسم لادا
وقابلت اعضاء من قسم لادا برضه كانو محتاجين قطع غيار وبعدها مشوفتش حتي حد قال انه اشتري كذا بكذا
واتصالات كتير برضه والواحد بيحاول يفيد علي قد ما يقدر وبرضه مشوفتش حد كتب ان مشكلته اتحلت ولا متحلتش
حد لسه شايف ان التقصير من المنتدي ؟؟ (:

[Zing0]

حقولك المشكله مشكله مين
المشكله مشكله عضو بيدخل يسال علي عيب
وننصحه ونقوله علي الاسباب
ولما عيب عربيته يتصلح ميردش ولا يقول وصل لايه
طيب ياعم احنا صح ولا غلط
متعرفش !
طيب عربيتك جرالها ايه
ميقولش !
خلاص اخد مصلحته ومشي
والخبره مش اننا صلحنا بايدها
الخبره جت من اننا ربنا ابتلانا بحاجتين
اما عربيه مطلعه عيننا وبنصلح فيها وبيتضحك علينا مره واتنين لحد ما بنعرف الصح
يا اما حد مبيحبش يكون عربيته فيها غلطه وبيدور علي اي صوت فيها سببه ايه ويتصلح ازاي
حتي لو العربيه ماشيه معاه كويس بس هو مش مستريح نفسيا
بجانب اني عملت مقابلات لا تعد ولا تحصي عالمنتدي عمري ما شوفت حد من قسم لادا
وقابلت اعضاء من قسم لادا برضه كانو محتاجين قطع غيار وبعدها مشوفتش حتي حد قال انه اشتري كذا بكذا
واتصالات كتير برضه والواحد بيحاول يفيد علي قد ما يقدر وبرضه مشوفتش حد كتب ان مشكلته اتحلت ولا متحلتش
حد لسه شايف ان التقصير من المنتدي ؟؟ (:

أتفق معاك كلياً

[ahmscu]

انا ليا راى تانى هو ان معظم مالكى الادا من سواقين التاكسى او الناس الكبيره فى العمر ودول بيبقى صعب جدا عليهم لظروف عملهم وتاخرهم فى التكنولوجيا شويه طبعا انهم يدخلوا منتدى او يكتبوا تجاربهم على النت لكن انت لو سالتهم فى الشارع هيجوبوك ويدلوك طبعا لكن النت صعب شويه عليهم