محتاج رأيكم فى الكوالين ضرورى لو سمحتم

[ibnelfared]

بتاع الأبواب نصحنى بتغغير قلب الأبواب .
فقالى هات قلبين 128 ؟ واحد تانى قالى هات طقم كامل للشنطة + الأبواب + الكونتاك ؟
بصراحة مش عارف أشترى أيه والأحسن أيه خاصة والكل بيقولى أن أطقم المفاتيح والقلوب اللادا صينى ؟
ممكن المساعدة ربنا يعزكم

[hassanin_lada]

خليك في الطقم اللي كله بمفتاح واحد هيريحك جدا بس حاول هات نوع تركي او ايطالي

[ibnelfared]

خليك في الطقم اللي كله بمفتاح واحد هيريحك جدا بس حاول هات نوع تركي او ايطالي

ليهم أسم ماركة معينة ؟ وبكام يا أستاذ حسانيين

[Zing0]

القديم مشكلته ايه؟
فى صنايعية بتوع ضبط ابواب بيفكوا القلب و يمشو البلى على أى مفتاح و لو محتاج أى جلب أو سوست أو أى حاجه بيعملوها.
أعتقد لو الكوالين اللى عندك شغاله يبقى اضلاحها أفضل, البضاعه جودتها للأسوأ دايماً

[hassanin_lada]

ليهم أسم ماركة معينة ؟ وبكام يا أستاذ حسانيين

واللهي ماعنديش فكره لاني جبتهم من حوالي 5 سنين في عربية 128 كانو بتوع شاهية علي ما افتكر ايطالي الصنع وكانو فوق الممتازين

[emad_ms]

فية طاقم كوالين مصرى عبارة عن 2 للابواب وواحد للشنطة وعن تجربة الطاقم دة امن ومش بيتفش انا غيرتة بعد ما محتويات العربية اتسرقت عدة مرات ولولا ان كنت عامل مفتاح سرى يمنع ادارة السيارة كانت العربية اتسرقت الطاقم دة انا جبتة من المنيا ب60 جنية من سنة واكيد هيكون موجود فى التوفيقية الطاقم دة نحاس مطلى وهاتعرفى ان وزنة ثقيل غير الصينى والتركى بيكون التامونيا اى حد بمطواة ممكن يفشة وبالتوفيق ان شاء اللة

[goldengold4]

انا مع الراى اللى بيقول انى انا ممكن اروح لبتاع مفاتيح شاطر وهوة يغير فى المفاتيح و يظبط الدنيا احسن من انى انا اشترى واحد جديد

[ahmdmagdy]

انا رأي انك تلغي الكوالين اللي في الابواب و الشنطه و تفتح بالريموت افضل و ده اللي عامله عندي