ان شاء الله هاشتري لادا .... 20 الف ممكن يجيبو اية , محتاج نصايحكم

[moonish_galaxy]

[color="rgb(75, 0, 130)"]السلام عليكم و رحمة الله و بركاتة

ان شا ءالله هشتري اول عربيه ليا و ان شاء الله هاتبقي لادا (2105 او 2107)
و معايا حوالي 20 الف و عاوز اعرف منكم ايه ممكن اشتريه بالسعر ده
و ايه الي اخلي بالي منة و افحصة كويس لما اشتري لادا

و لكم مني جزيل الشكر و الامتنان [/color]

[mirra]

المبلغ ده ممكن يجيبلك لادا 2105 موديل 94 او 95 و ان شا الله تكون بحاله جيده.

[hassanin_lada]

لازم تاخد معاك واحد خبير وامين يعني مايبعكش
لان حالة العربية اهم حتي من مودلها
يعني ممكن عربية موديل1980 انضف من عربية موديل 2008

[محمد ابو المجد]

اهم حاجة يا باشا قوايم العريبه ميكونشي فيها بارومة والشاسيه طبعا مفهوش بارومة او لوحه ثانيا الفرش بتاعها ثالثا الكاوتش والماكنة والبطارية وجرب تسوقها يعني تشوف عفشتها كده

[J A G U A R]

السعر ده يجيب 2105 موديل تسعينات حاله نظيفه

[م.أحمد الدسوقي]

معلش يا باشا انا حتقل عليك شويه

الرقم ده لو اتبحبح شويه وبقي 25 او 26 حيجيبلك لادا 2107 2005 روسي بحاله فوق الممتازه

لكن 20 ده رقم حرج شويه حينزلك كتير اوي لمستوي اقل بكتير جدا

ده مجرد رأي والجيب هوا الفيصل

[velkouf]

المبلغ دة يجبلك لادا 2105 موديل 95 وتكون نضيفة كمان

[goldengold4]

على فكرة الناس اللى بتقول انى المبلغ ده يجيب 2105 و تكون نضيفة انا معترض على الكلام دة لانى انا معايا 2105 لسه جايبها و لفيت كتير قبل ما اجيبها و اللى فى الرينج 20 لحد 23 بيكون فيها شغل او محتاجة حاجات تتغير حتوصلك لحد 25 او 26 إلا لو ربنا كرمك بواحد بيتقى الله و ممكن يبيع العربية اللى ب 24 و 25 يبيعهالك ب 22 و 23 أو 21 بالكتير
انا على فكرة بقولك ده عن تجربة شخصية مش زى بعض الناس اللى حيقولك ده بيقول كدة علشان يعلى سعر العربية و الكلام ده و نصيحة بجد خد معاك سمكرى بيفهم بجد و تكون واثق فيه علشان يكشف على العربية و يشوف فيها هاجة متغيرة ولا لاه (يعنى مغيرة ربع ولا نص) و كمان البارومة لانها مشكلة ممكن تخليك تغير انته حجات كتير و تصرف عليها و بعد كدة ودى العربية عند ميكانيكى يرفعها و يشوف الماكينة و الجيربوكس و الفرامل و الخراطيم و المساتر لانى كل دى حاجات صغيرة مبتبنشى إلا من خلال واحد فاهم و علشان انته تغيرها حتجمع معاك فلوس كتير ممكن توصلك لمبلغ اكبر من الى انته كنت عامل حسابك تحطة فى العربية
دى تجربتى و يارب اكون أفدتك

[ابو لؤى]

اشمعنا لادا ؟ مع احترامى لكل اصحابها

[goldengold4]

يمكن علشان السعر او علشان انها حماله بنى ادميين و اسيه

[sonysir]

السعر يجيبلك 2017
والعربيه مع والدى وشغاله الحمد لله زى الفل ومفيهاش اى مشاكل (بعض المشاكل فى العفشة )
ولو فكرنها نبيعها هنبيعها ب 20000 والعربية موديل 91 روسي وماتورها انعم من العربيات 2012.
ووالدى ماشاء الله عليه ديما محافظ عليها ويجبلها قطع غيار اصلية

ده راى الشخصى
وربنا يوفقك

تحياتى

[عبدالرحمن رشدى]

26 يجبولك 2105 حالتها حلوى

[abdo66]

المبلغ دا ممكن لادا بس ممكن تكون حالتها مش كويسه ولكن المبلغ دا ممكن يجيب فيات 128 بحاله جيده

[عمرو عقبه]

السعر ده عامل زى واسف فى اللفظ (اللى رقصت على السلم)) ..
صعب تلاقى لادا محترمه على مزاجك بالسعر ده محتاج توصل الى 25 او على الاقل 23..
وفى مشكله تانيه ان اى عربيه هتشتريها لازم هتصرف مش اقل من الفين كمان..
لان اى عربيه مهما كانت حالتها هتحتاج تظبيط فى الاول..
انا جبت لادا سمارا 88 ب 17 وعامل حسابى انها هتصرف 3 الاف على ما تتظبط ..
ربنا يوفقك على اى حال وتلاقى حاجه تناسب فلوسك ويكون حالتها حلوه..
واهم حاجه الوسيط اللى هيشوف لك العربيه.. ويقولك حلوه ولا وحشه..
وابعد عن فيات 128 لانها عباره عن صفيحة سمنه مش عربيه .. رغم انها شعبيه.. لكن فى المتانه وفى سهولة البيع لا تقارن بلادا

[محمد ابو المجد]

احسن شئ انك تجيب اي حاجه تانيه غير الادا انا عن نفسي ظبطها احسن تظبيط بيعتها واستريحت منها