اسبراتير

[kbarema]

ازيكم يا جماعه
كنت عاوز منكم استشاره فنيه وانا عشمان انكم مش هتكسفونى
معايا لادا 2017 موديل 2003
والاسبراتير قارفنى وكل شويه يتكسر واروح الحمه واخر كهربا واقدم كهربا واغير كوندنسر
الخ
كنت عاوز اساله حضرتك عن الاتى :-
1 - لو جبت اسبراتير نص الكترونى اللي هو من غير كوندنسر بكام وبتاع عربيه ايه يركب عندى
2 - لو جبت اسبراتير الكترونى بالكامل اللي هو مفيهوش تقديم وتاخير اللي هو مشط بكام وبتاع عربيه ايه
3 - لو جبت موبينه الكترونى بالاسبراتير الالكترونى بكام وبتاعه عربيه ايه
والافضل ايه من كل ده وهل الاستيراد افضل ولا الجديد مع انى سامع انو الجديد صينى
ارجوا الرد وفقكم الله لخدمه المسلمين

[Zing0]

متابع
و بأفكر أقلب الحوار كله الكترونى كامل لأن معظم الصنايعية عندنا ... على ما تفرج

[ahmscu]

اسبراتير الكترونى لادا تشيكى بالمشط والضفيرة 375
مشط لوحده 100
موبينه الكترونى 85 يابانى

[kbarema]

يعنى اجمالي 470 جم
المهم بيبوظ تانى ولا تمام ولا ايه

[hassanin_lada]

مافيش حاجه مش بتبوظ ياباشا ومافيش حاجه بتركب بالسحر
يعني المشط بيبوظ بس انت ونصيبك
ومش بيركب بالسهوله اللي متخيلينها لا بتبقي محتاجه كهربائي شاطر

المشط كويس وشغال في الشاهين بس طالما الكهربا والتكهات مظبوطه صح بالفيلر هتلاقي الابلتين والكوندونسر يقعدو معاك لحد سنه

المشكله مش في القطع المشكله في اللي بيركب القطع :)

[kbarema]

ايه يا جماعه موضوع السكاكين اللي في الاسبراتير العاده بتعمل ايه وهل ممكن تكسر الاسبراتير

[goldengold4]

الله ينور عليك يا بشمهندس hassanin_lada

[محمود سيد محمو]

الميكانيكى قالى بلاش الاسبراتير الالكترونى بلاش
خليك فى العادى اللى ب 150 جنيه عشان كله بيبوظ فى الاخر

[goldengold4]

متابع