الى السيد الفاضل القائم على القسم ( مشكلة فى الكهرباء )

[hany3mohamed]

[gdwl]نا معايا لادا 2107 روسى انجيكشن موديل 2008
منذ 3 سنوات وانا على نفس الحال لما ادور العربية اجد مؤشر البطارية فى التابلوه يبقى عند اول الابيض ولما اضغط بس بنزين يبقى عند الاخضر
( مع العلم ان المؤشر ينقسم من الشمال إلى احمر ابيض أخضر )
( والاخضر يوجد به فى المنتصف خط اسود يبين الوضع الامثل لحالة الكهرباء )
أول ما استلمت العربية المؤشر كان بيبقى واقف عنده من اول اما ادور العربية وفى اى وقت
* المهم فى الموضوع ان لم امشى مده طويله على السلانسيه فى الزحمه اجد الموشر اصبح عند الابيض وكلكس العربية يضعف والعربية اضاءتها تضعف ولما الطريق يفتح واضغط بنزين وابقى على ال60 أو ال80 الدنيا تبقى كويسه
* والعربية فيريكه بالكامل لم يتم تغيير فيها إلا تيل الفرامل
احضرت افوميتر وقمت بقياس البطارية اعطانى 12.4 ولما ادور العربية واشغل انوار الصالون والعالى والكاسيت والانتظار يصبح 13.10
والبطارية شوية لمبة البيان تعطى أخضر وشوية أسود ونوعها ( اسى ديلكو ) 55[/gdwl]

[lada2010]

بص ياباشا دى مشكلة كهرباء 100% روح عند كهربائى يقاس لك الشحن لو لقيتوا تمام شوف كتاوت الدينامو لان اللى بيحصل عندك ضعف فى كهرباء العربية بدليل لم بتدوس بنزين لما الكلاكس بيضعف الكلاكس صوتة بيعلى وانا عندى شك فى كتاوت الدينامو

[محمود سيد محمو]

خلاصة الموضوع
قوم بتغيير الدينمو وجيب دينمو شاهين مستعمل
وهتلاقى الدنيا هتتغير معاك 180 درجة

[hany3mohamed]

اشكركم على ردودكم

لكنى ارغب فى ردود اكثر
لانى من الاخر مش عايز اخلع الدينمو الاصلى واركب استيراد او اصلح لان الاثنين مش مضمونيين
لان العربية روسى اصلى ولم اغير بها شى منذ شراءها

[hassanin_lada]

ماهو يا العربية واطيه علي السلانسيه عشان كده مابتشحنش كويس يا اما زي مالساده الاعضاء وتكرمو وقالو الدينمو او كات اوت الدينمو

لو مش عاوز تغير يبقي تجيب كات اوت كلاكس وكات اوت نور
هيظبطو الدنيا واجمالي التكلفه هتبقي 70 جنيه تقريبا بالمصنعيه ده لو مش عاوز تغير حاجة الفبريكه

وفكرة الكات اوت انه منظم للتيار يعني يدي الجهد المطلوب ولا ينقص ولا يزود

[SHNORY]

كان عندي نفس المشكله
ولما بدوس فرامل كمان مؤشر الشحن ينزل لدرجه ان الكاسيت كان بيطفي
وغيرت كتاوت دينامو وبطاريه وكابلات تقويه للبطاريه
وفي الاخر طلع العيب من كتاوت النور

[ahmscu]

انا عندى تقريبا مشكلة شبهها وهى ان بعد ال ار بى ام 3.5 العربيه بتفصل شحن تماما مع انى مغير الدينامو لبوش المانى بس انا عندى لمبة الكهربا فى التابلوه اتحرقت وقالولى ان تغييرها موال كبير وعملت وصلة لمبة فى الكبوت خارجيه واشك ان العيب منها لان مقومتها عاليه ،عموما اتاكد من لمبة التابلوه لانها لو محروقه عمرمالبطاريه هتشحن واخلع كابل البطاريه لو العربيه فضلت شغاله يبقى شحنك تمام،عموما مشكلتك اظن انها مابين كات اوت الدينامو ولمبة الكهربا اللى فى التابلوه ودى ليها سلك بنى رفيع بيركب بكلبس فى الدينامو

[abokoko]

انا عندى تقريبا مشكلة شبهها وهى ان بعد ال ار بى ام 3.5 العربيه بتفصل شحن تماما مع انى مغير الدينامو لبوش المانى بس انا عندى لمبة الكهربا فى التابلوه اتحرقت وقالولى ان تغييرها موال كبير وعملت وصلة لمبة فى الكبوت خارجيه واشك ان العيب منها لان مقومتها عاليه ،عموما اتاكد من لمبة التابلوه لانها لو محروقه عمرمالبطاريه هتشحن واخلع كابل البطاريه لو العربيه فضلت شغاله يبقى شحنك تمام،عموما مشكلتك اظن انها مابين كات اوت الدينامو ولمبة الكهربا اللى فى التابلوه ودى ليها سلك بنى رفيع بيركب بكلبس فى الدينامو

ممكن التوضيح
اى لمبة تابلوه + ليه البطاريه مش هتشحن لو اللمبة محروقة ؟

[ahmscu]

اقصد لمبة البطارية (اللمبة الحمرا اللى بتنور لما تفتح الكونتاكت وتطفى لما العربية تشتغل)ودى بتمثل مقاومة صغيرة فى عملية الشحن ودى بتاخد كهربا من سلك بنى رفيع بيتوصل بالدينامو مباشرة،السلك ده للاسف فيه ناس كتير بتنسى تركبه لما بتغير الدينامو او تصلح فيه حاجات ،فى العربيات التانيه مابتكتشفش المشكلة الا لما البطاريه تفضى شحن خالص لكن فى الادا انت عندك مؤشر للشحن فبتكتشف المشكلة فورا والمؤشر بيفضل على الابيض بعد تشغيل العربيه

[goldengold4]

أفادكم الله لانى انا كان عندى نفس المشكلة تقريبا بس بنسبة ابسط من كدة