كيف أكشف على العفشة والمساعدين واليايات والبيض...

[Mustafa_Zain]

السلام عليكم...

بقالي فترة العربية (2107 لسنة 2006) بتحك جامد في أي مطب حتى بعد تظبيط الشكمان، وبتنام على الارض بمجرد لما حد يركب معايا او احط حاجة في الشنطة.

السؤال هنا: هل ححتاج اغير مساعدين وسوست؟ ولو غيرتهم أجيبهم منين؟ والافضل جديد ولا استعمال خارج؟ ومتوسط التكلفة كام؟

السؤال التاني... ازاي اكشف على البيضات وازاي اعرف عايزيين يتغيروا ولا لأ؟

وشكرا لكم...

[mohamed salhin]

متابع

[abokoko]

من تجربتى

غير السوست بنوع ارجنتينى هتلاقيه اغلى من السوست الروسي
بس هيكونوا ممتازين معاك وهتستريح من الاحتكاك
ولو بتركب اوزان فى الخلف يبقي وانت بتغير السوست ركب كاوتشه علايا
احيانا بيقولوا عليها عليات مرسيدس

من فتره سعر 2 سوسته ارجنتينى 200/220 جنيه والروسي كانت ب160 بس يلاش الروسي
والعلايات فى حدود 10 جنيه


البيض بيبان من صوت طقة بالذات فى بدايه الحركة او الرجوع المفاجئ للخلف او مطبات

المساعد بتضغط علي رفرف العربيه اكثر من مره لاسفل واعلى وتسيب لو العربيه اتمرجحت فوق تحت
يبقي المساعد خفيف


وعموما العفشجى بيرفع العربيه ويربطها وتقول له اكشف لى على العفشه وهل فيها حاجه عايزه تتغير

[Zing0]

ربط عفشه و خلى العفشجى يكشف عليهم
ده أكل عيشه
و زى ما الأستاذ أبوكوكو قال بالضبط على طريقة الكشف

المساعدين يالضغط على الأطراف الأربعة للرفارف (زوايا العربيه الأربعه) تضغط و تسيب و تشوف هتتمرجح و لا بترد مكانها و تقف. و برضة ممكن تنزل تبص لو فيه تسييل زيت على المساعد (لو مساعدين زيت)

و البيض ساعات بيرفعوا العربيه من قدام و يحط إيد الكوريك تحت العجله و يفضل يهزها للأعلى و لأسفل (محاكاه للمطبات و النقر) و يبص على البيض, و أكبر دليل على أنتهاء عمره الإفتراضى لما تلاقى الدركسيون تقل معاك أوى (زياده عن الثقل الطبيعى)

بالنسبة للعلايات ورا الواحده بـ 12.5 جنيه من بوق العفشجى النهارده, و مصنعية تغييرهم 30 (يعنى كله 55 جنيه) بدون فصال.

[abokoko]

ربط عفشه و خلى العفشجى يكشف عليهم
ده أكل عيشه
و زى ما الأستاذ أبوكوكو قال بالضبط على طريقة الكشف

المساعدين يالضغط على الأطراف الأربعة للرفارف (زوايا العربيه الأربعه) تضغط و تسيب و تشوف هتتمرجح و لا بترد مكانها و تقف. و برضة ممكن تنزل تبص لو فيه تسييل زيت على المساعد (لو مساعدين زيت)

و البيض ساعات بيرفعوا العربيه من قدام و يحط إيد الكوريك تحت العجله و يفضل يهزها للأعلى و لأسفل (محاكاه للمطبات و النقر) و يبص على البيض, و أكبر دليل على أنتهاء عمره الإفتراضى لما تلاقى الدركسيون تقل معاك أوى (زياده عن الثقل الطبيعى)

بالنسبة للعلايات ورا الواحده بـ 12.5 جنيه من بوق العفشجى النهارده, و مصنعية تغييرهم 30 (يعنى كله 55 جنيه) بدون فصال.

الله ينور على حضرتك
بس
العلايات لوحدها مش هتمنع الاحتكاك لو السوست ضعيفه او ال لادا مصري
لانى ركبت العلايات والنتيجه احتكاك برضه
لكن الاحتكاك اختفى مع السوست ال لادا الارجنتينى

[goldengold4]

الله ينور عليكم فى المعلومات المفيدة ديه