هو فيه بيض معدل لايملص؟

[ahmscu]

سمعت ان فيه بيض معدل لا يملص حتى بمرور الوقت وهو زى البيض العادى بس القطعة الكاوتش بدل منها حديد محاوط البيضه من جميع الجهات ماعدا منطقه صغيره للعمود الحديد اللى بيتثبت فى المقص.
ياريت لو حد يعرف عنه اى معلومات وبيتباع فين ياريت مايبخلش علينا وله جزيل الشكر.

[abokoko]

متابع
علشان اعرف ايه موضوع الحديد اللى محاوط البيضه وازاى هتتحرك البيضه ؟؟

عموما ريح بالك وهات البيض البلغارى وغيره كل 3 سنوات
او عند سماع صوت طقه
واشترى دماغك

الفكره فى حكايه عدم الملص هى عمل الفتحه اللى بيخرج منها المسمار المتحرك فتحة مستطيله
وده لتقليل احتماليه الملص
ولكن فى النهايه البيضه لو اهملتها هتملص ومش هتستحمل ثقل الحمل عليها

[goldengold4]

بص حضرتك انا معنديش خبرة كبيرة فى الموضوع ده لانى لسه جديد فى الموضوع بتاع العربيات بس انا لسة مغير البيضات بتاعت العربية عند عفشجى كويس و امين و خلانى جبت بيضات تركى تقريبا و ممكن اتاكدلك من ده و البيضات فيها مشحمة و هوة عبارة عن مسمار فى اسفل البيضة بيتفتح علشان التشحيم فممكن تشحم كل فترة و دة حيحميك من الملص و يطول عمرها ودة الكلام اللى اتقالى لما سالت

[ahmscu]

بص حضرتك انا معنديش خبرة كبيرة فى الموضوع ده لانى لسه جديد فى الموضوع بتاع العربيات بس انا لسة مغير البيضات بتاعت العربية عند عفشجى كويس و امين و خلانى جبت بيضات تركى تقريبا و ممكن اتاكدلك من ده و البيضات فيها مشحمة و هوة عبارة عن مسمار فى اسفل البيضة بيتفتح علشان التشحيم فممكن تشحم كل فترة و دة حيحميك من الملص و يطول عمرها ودة الكلام اللى اتقالى لما سالت

ياريت ياباشا الله يخليك تقولى على العفشجى ده مكانه فين لان عندى صوت طقه غبيه فى العربيه مع انى مغير البيض قريب وتعبت من كتر اللف على العفشجيه،بس اول مره اسمع ان البيض التركى بيبقى بمشاحم‘عموما اللى بمشاحم فى رايى افضل والتشحيم سهل جدا