عايز اشترى لادا 2107 تنصحونى بايه

[عبدالرحمن رشدى]

الصراحة انا اول مرة اشترى عربية بس عايز اعرف هى لادا2107 تناسب طالب كلية ينى فى المشاير فى الشكل كدا هى المواصفات الى انا عيزها شكلها حلو رخيصة ينفع تتعدل سعرها ميزدش عن 62 الف بعد التعديلات وازاى احفظ عليها ازاى اتعامل معاها فى الصيانة وكدا تنصحونى بايه

[Zing0]

حضرتك من الإسكندرية, يعنى بلد اللادا
شكل اللادا طبعاً معروف , شكل صندوقى حاد الزوايا
لا تقبل الكثير من الترويش و التضبيط زى العربيات الأحدث كورى و يابانى
و حضرتك لسه شاب سينجل

مش هأقولك اللادا متنفعكش بس مش هيا رقم واحد فى ظروفك دى
بالمبلغ ده (62000) ممكن تركز أكتر على دايو لانوس أو دايو جولييت
و ممكن تشوف لانسر كريستاله

و لو فى الزيرو هات ماروتى, يابانى و شبابية و شكل أفضل شوية من اللادا و هيتبقى معاك فلوس تضبط بيها سنتر و إنذار و طقم صوت و زجاج كهربا و ممكن تكييف كمان و فامية و ..... و برضة الماروتى شغاله فى الأسكندريه كويس.

[Mahmoud alaska]

يا باشا حرام لما تدفع 62 الف فى ﻻدا دى عربية تقيلة تنفع لمرمطة التاكسيات لو بتحب العربيات الصغيرة ممكن ماروتى او جوليت او اوبل كورسا لو عايز عربية سيدان عندك ﻻنوس او اكسنت

[hassanin_lada]

ام جراند باندانيو

عربية من الاخر تاكيف وبور علي حق مكنه 1300 يعني توفر معاك بنزين وكيلها غبور يعني ماتعولش قطع الغيار
عربية جديده لسا نازله

هتجيب لادا هتغرق في حورات الصنيعية لو مالكش علاقة بالميكانيكا او مش علي معرفه بيها
نصيحه اخويه بلاش :)

[ahmedalaahosny]

ام جراند باندانيو

عربية من الاخر تاكيف وبور علي حق مكنه 1300 يعني توفر معاك بنزين وكيلها غبور يعني ماتعولش قطع الغيار
عربية جديده لسا نازله

هتجيب لادا هتغرق في حورات الصنيعية لو مالكش علاقة بالميكانيكا او مش علي معرفه بيها
نصيحه اخويه بلاش :)

بلاش كمان جيلي بتاعه غبور كفاية انه منزل الاميجراند مصدية وعيوب التقفيل فيها بالهبل وحتي مابيهتموش ف الصيانة لا بعيوب التقفيل ولا بالصدا وقسم جيلي موجود خدلك لفه ياباشا هتعرف ان كلامي صح

[ahmedalaahosny]

انا رايي انك تجيب دايو جوليت او هوندا سيفيك هتعجبك جدا لو ناوي علي تعديل وتظبيط سيبك من اللادا عربية تكنولوجيا قرن فات ده كفاية نظام توجيه الدوده بتاع الجرارات ده عذاب ف الركنة ده غير انها فرن ف الصيف سواء شغلت التكيف العربية هتتقل وتسخن او قفلته هتتخنق من الحر

[عبدالرحمن رشدى]

انا الصراحة عايز عربية تتحمل لان مش لوحدى وبعدين اول مرة اسوء فعايز عربية ارزع بيها برحتى كمان زيرو
فشفت اللادا ب55 العادية و62 الفول ابشن وكمان انا مش عايز مستعمل

[Mahmoud alaska]

انا راى المتواضع مادام اول مرة تسوق يبقى جيب استعمال تخبط فيها و تخبط فيك و بعد كده بيعها و هاتلك حاجة نظيفة بحيث تكون اتعودت على السواقة فى الشوارع و على غباء سواقيين الميكروباص

[ahmedalaahosny]

فعلا انا رايي حرام تخبط ف عربية زيرو اشتري مثلا عربية ماروتي بحاجة وثلاثين نضيفه خبط فيها براحتك ع الاقل دركسيون خفيف ودبرياج اخف وهتبقي موديل حديث واخر ماتزهق منها هتتباع هوا لانها مطلوبه وتجيبلك حاجة زيرو محترمه بعد ماتكون اخدت ع السواقه ف مصر وغباء سواقين الميكروباص والتاكسي وتاقلمت مع الوضع واحترفت كمان

[tito32]

انا راى المتواضع مادام اول مرة تسوق يبقى جيب استعمال تخبط فيها و تخبط فيك و بعد كده بيعها و هاتلك حاجة نظيفة بحيث تكون اتعودت على السواقة فى الشوارع و على غباء سواقيين الميكروباص

[ابو لؤى]

طالب جامعه وهتركب لادا سيبك من الشكل حضرتك لازم يكون عندك عضلات علشان تركب العربيه دى

[د.محمود صلاح]

الشاهين مافيش منها زيرو دلوقتي ؟ هي احسن طبعا

[J A G U A R]

لازم يكون عندك عضلات علشان تركب العربيه دى

فعلا والله

[goldengold4]

انا مع هذا الراى

فعلا انا رايي حرام تخبط ف عربية زيرو اشتري مثلا عربية ماروتي بحاجة وثلاثين نضيفه خبط فيها براحتك ع الاقل دركسيون خفيف ودبرياج اخف وهتبقي موديل حديث واخر ماتزهق منها هتتباع هوا لانها مطلوبه وتجيبلك حاجة زيرو محترمه بعد ماتكون اخدت ع السواقه ف مصر وغباء سواقين الميكروباص والتاكسي وتاقلمت مع الوضع واحترفت كمان

[goldengold4]

المبلغ اللى بتتكلم فيه ممكن تجيب بيه عربية حلوة كاسرة الزيرو