Tweet
انا عندي لادا 2107 لسة شاريها من حوالي شهر هي 1600 cc المشكلة انها بتاكل بنزين بشكل غريب جدااااا يعني أخر مرة فولتها صفرت العداد وقلت اشوف التفويلة هتعمل كام كيلو للاسف اتصدمت لان العربية عملت 210 كيلو متر في التفويلة اللي هي 36 لتر ياريت تفيدوني في الحل وطبعا 210 كيلو من الشغل للبيت والعكس فقط يعني مشاوير داخلية خالص شكري لحضراتكم وفي انتظار رد حضراتكم
-
-
طبعاً مش طبيعى الاستهلاك ده !!
هى موديل كام ؟
كربراتير ولا رشاشات ؟
بتشم ريحة بنزين ولا لاء؟
فى ريحة للعادم ؟
فى دخان ولو بسيط بيطلع من الشكمان ؟
فى اى صوت بيطلع او بيختفى مع الضغط على دواسة الدبرياج ؟
السحب اخباره ايه وخصوصاً فى المطالع ؟
لازم تقول التفاصيل دى علشان نقدر نفيدك ..
فى انتظار الاجابات[CENTER][COLOR=navy][SIZE=4]السرعة داخل القاهرة 50 كم/س[/SIZE][/COLOR][/CENTER]
[CENTER][COLOR=navy][SIZE=4]لا إله إلا أنت سبحانك انى كنت من الظالمين[/SIZE][/COLOR][/CENTER]
[CENTER][SIZE=4][COLOR=#000080][SIGPIC][/SIGPIC][/COLOR][/SIZE][/CENTER] -
أشكرك جدااااااا علي الرد والاهتمام استاذ احمد فؤاد / وأوضح لحضرتك كل الرد عما شئلت عنة السيارة موديل 2107 عام 1989- كربراتير - كنت بشم ريحة بنزين بس بعد ما أفول فقط ولكن بعد التفويل بيوم بتختفي رائحة البنزين - لا يوجد ريحة للعادم - لا يوجد دخان بالشكمان - لا يوجد صوت عند الدوس علي الدبرياج - السحب اكتر من رائع حتي في صعود الكباريComment
-
العربية موديل 89 وكربراتير و 1600 cc
انا شايف ان الاستهلاك طبيعى نوعا ما وان كان فيه زيادة شوية بس بلاش لعب فى الكربراتير وخليها كده كويسComment
-
أولاً تانك اللادا 40 لتر مش 36
و لو هتفول لحد الزور (لحد غطا التانك) هتاخد 4 لتر زيادة بالضبط
يعنى لو مفول للآخر يبقى 44 لتر, و لمبة العوامة (لو شغاله) بتنور على آخر 5 لتر.
المفروض تقيس الإستهلاك على طريق طوالى و بسرعه متوسطها 80 كم/س
لأن قياس الإستهلاك داخل المدينه و الشوارع الزحمة و الإنتظار و المطبات و كل شوية كبارى و مطالع, كل ده بيأثر جداً فى الإستهلاك.
-----------------------------------------------------------------------------
- حضرتك لو مكركب الشنطه , حاول ترتبها و تفضى منها الحاجات الغير ضروريه
- بلاش السواقه العنيفه, يعنى بعد أى مطب تشد بسرعه. خلى السواقه هاديه.
- برضه متحرقش عالغيارات أوى, يعنى مش لازم الماتور يزعق عالآخر علشان تنقل للغيار إللى بعده, و برضه متنقلش بدرى أوى علشان ميسقفش.
- خف رجلك على الدبرياج, يعنى تنقل و ترفع رجلك على طول.
------------------------------------------------------------
لو عملت الحاجات دى أكيد الإستهلاك هيقل شويه عن الأول
بس بوجه عام داخل المدينه قياس الإستهلاك مبيكونش مضبوط أوى و هتلاقيه كل مرة بيديك معدل غير اللى بعدها.
ممكن يكون الكربراتير محتاج صيانه, خاصة أنه قديم (89) بس نقيس الأول الإستهلاك صح علشان نقدر نحكم, خاصه حضرتك بتقول ماشاء الله مفيش ريحة و لا دخنه يعنى الكربراتير غالباً برئ.
و إللى يأكد برائته أكتر (البوجيهات) : سن البوجيه - مش القلاووظ - السن نفسه لو لونه بيج فاتح يبقى الكربراتير بتاعك الله أكبر و متجيش جنبه.
لو مهبب (عليه كربون كثير) يبقى محتاج صيانه, ممكن تنضيف و تغيير بكات (الفونيا) بمقاس أقل و إعادة ضبط الهوا و البنزين.
أو محتاج أكس و باب, يعنى أجزاء هتتغير فيه, و دى محتاجه دقه و مهارة و تكلفتها حاليا لا تقل عن الـ 100 جنيه.
الكلام ده لازم يعمله متخصص كربراتير مش ميكانيكى عادى (لأن الأكس و الباب فيه شغل خراطه).
( لو الموضوع محتاج متخصص كربراتير ممكن نرشحلك أماكن محدده لأن معظم بتوع الكربراتير - على متفرج)
لو حضرتك فى شمال القاهرة
أفضل حاجه مركز الصفا, ناس كتير إتعاملت معاه و شكرت فى شغله هنا فى المنتدى
لو الأقربلك جنوب القاهرة
يبقى -من وجههة نظرى- معتز بتاع دار السلام (لأنه الوحيد من ورش الكربراتيرات إللى بيعمل الأكس و الباب بنفسه مش عند خراط فى ورشة أخرى) و برضه ناس كتير شكرت فى شغله.
برضه أحب أحذرك من مراكز الإصلاح إللى فى شبرا, معظمهم كانوا صبيان الحاج ابراهيم و مبيشتغلوش بذمه و معظمهم نصابين كمان (عملولى أكس و معملوش باب و إتحاسبت على الأكس و الباب و برضه الكربراتير بلاعة بنزين)
ربنا يعيننا و يعينكComment
-
أولاً تانك اللادا 40 لتر مش 36
و لو هتفول لحد الزور (لحد غطا التانك) هتاخد 4 لتر زيادة بالضبط
يعنى لو مفول للآخر يبقى 44 لتر, و لمبة العوامة (لو شغاله) بتنور على آخر 5 لتر.
المفروض تقيس الإستهلاك على طريق طوالى و بسرعه متوسطها 80 كم/س
لأن قياس الإستهلاك داخل المدينه و الشوارع الزحمة و الإنتظار و المطبات و كل شوية كبارى و مطالع, كل ده بيأثر جداً فى الإستهلاك.
-----------------------------------------------------------------------------
- حضرتك لو مكركب الشنطه , حاول ترتبها و تفضى منها الحاجات الغير ضروريه
- بلاش السواقه العنيفه, يعنى بعد أى مطب تشد بسرعه. خلى السواقه هاديه.
- برضه متحرقش عالغيارات أوى, يعنى مش لازم الماتور يزعق عالآخر علشان تنقل للغيار إللى بعده, و برضه متنقلش بدرى أوى علشان ميسقفش.
- خف رجلك على الدبرياج, يعنى تنقل و ترفع رجلك على طول.
------------------------------------------------------------
لو عملت الحاجات دى أكيد الإستهلاك هيقل شويه عن الأول
بس بوجه عام داخل المدينه قياس الإستهلاك مبيكونش مضبوط أوى و هتلاقيه كل مرة بيديك معدل غير اللى بعدها.
ممكن يكون الكربراتير محتاج صيانه, خاصة أنه قديم (89) بس نقيس الأول الإستهلاك صح علشان نقدر نحكم, خاصه حضرتك بتقول ماشاء الله مفيش ريحة و لا دخنه يعنى الكربراتير غالباً برئ.
و إللى يأكد برائته أكتر (البوجيهات) : سن البوجيه - مش القلاووظ - السن نفسه لو لونه بيج فاتح يبقى الكربراتير بتاعك الله أكبر و متجيش جنبه.
لو مهبب (عليه كربون كثير) يبقى محتاج صيانه, ممكن تنضيف و تغيير بكات (الفونيا) بمقاس أقل و إعادة ضبط الهوا و البنزين.
أو محتاج أكس و باب, يعنى أجزاء هتتغير فيه, و دى محتاجه دقه و مهارة و تكلفتها حاليا لا تقل عن الـ 100 جنيه.
الكلام ده لازم يعمله متخصص كربراتير مش ميكانيكى عادى (لأن الأكس و الباب فيه شغل خراطه).
( لو الموضوع محتاج متخصص كربراتير ممكن نرشحلك أماكن محدده لأن معظم بتوع الكربراتير - على متفرج)
لو حضرتك فى شمال القاهرة
أفضل حاجه مركز الصفا, ناس كتير إتعاملت معاه و شكرت فى شغله هنا فى المنتدى
لو الأقربلك جنوب القاهرة
يبقى -من وجههة نظرى- معتز بتاع دار السلام (لأنه الوحيد من ورش الكربراتيرات إللى بيعمل الأكس و الباب بنفسه مش عند خراط فى ورشة أخرى) و برضه ناس كتير شكرت فى شغله.
برضه أحب أحذرك من مراكز الإصلاح إللى فى شبرا, معظمهم كانوا صبيان الحاج ابراهيم و مبيشتغلوش بذمه و معظمهم نصابين كمان (عملولى أكس و معملوش باب و إتحاسبت على الأكس و الباب و برضه الكربراتير بلاعة بنزين)
ربنا يعيننا و يعينكComment
-
خالص شكري لحضراتكم علي الاهتمام والرد التفصيلي الواضح وان شاء الله هروح لواحد يكون ثقة في الكربراتير لاني اقيم بطنطا ... وعلي فكرة انا لما بأفول العربية ديما اقصي حاجة بيكون 37 لتر لاني مش بستني لما التنك يكون فاضي بفول اول ما اللمبة الحمرا بتاعة البنزين تنور بأستمرارComment
-
جزاكم الله خيرا على المعلومةComment
-
معلش يعنى المفروض اللاستهلاك الطبيعى لو العربيه كويسه يبقى كام فى الصفيحه ؟؟؟
المشاركة الأصلية كتبت بواسطة zing0 مشاهدة المشاركةComment
-
استاذ احمد ليا سؤال بعد اذنك هو لو بتشم ريحة بنزين يدل على ايه ؟؟المشاركة الأصلية كتبت بواسطة ahmedfouad مشاهدة المشاركة
ولو الشكمان مابينزلش ميه يبقى معناه ايه والعربية انجيكشن ؟؟
ارجو الافادة بعد اذنك اذا كان لك خبرة فى المواضيع ديه ..Comment
-
الصفيحه المفروض تعمل حوالي 180 في نص البلد او 170 يعني طبعا حسب السواقه والشوارع اللي بتمشي فيهاالمشاركة الأصلية كتبت بواسطة engmoody86 مشاهدة المشاركة
ريحة الشكمان انا عشت فيها حوالي 3 سنين وكرهت نفسي لحد ماطلع العيب من كوتش الشنطه كان مقطع مع المشي كان بيحصل تخلخل في الهوا بطريقة ما كان ريحة العادم اللي طالعه من الشكمان بتدخل العربية عن طريق الشنطه او اي فتحه في الشنطه مش شرط الكوتشالمشاركة الأصلية كتبت بواسطة amrseif مشاهدة المشاركة
الميه اللي بتنزل من الجكمان دي دليل ان المتور بحالة جيده جدا
وعدم وجود مياه لا يدل ان المتور سي بل انخفضت جودته ولكن ليس بالسوء[FONT="Comic Sans MS"]ومع اقتراب العاصفة !! , أبدا لن تسقط مصر[SIZE="4"][/SIZE][/FONT]
bkaltalamana سابقاComment
Comment