العربية بتوطى وتعلى لوحدها

[محمود سيد محمو]

العربية بتعلى وتوطى لوحدها اوقات الاقى الار بى ام على خمسة وساعات يعلى على 15 مش عارف ايه السبب
غيرت طقم الكهرباء وسللك البوجيهات والبوجيهات وجبت موبينة نص الكترونى وجبت ابلاتين وكوندنسر
وبعد كده روحت لبتاع الكربراتير غيرت باب ونظف بيك السلانسيه وعمله صيانة بس قالى ان العيب فى الاسبراتير عشان فردتين من سلك البوجيهات مش بيعمل شرارة
على العموم هاروح النهاردة اشترى اسبراتير تانى
الكلام ده صح والا غلط

[goldengold4]

روح حضرتك لحد تكون ضامنه لانى الموضوع ده محتاج حد يكون بيفهم علشان متفضلشى فى المشكله دى على طول

[ahmedelaraby]

طب مهو ممكن يكون السلك بتاع البجيهات هو اللي بايظ

[yoyo_esna2]

غالبا لو العربية انجكشن حيبقى البوابة محتاجة تغيير او الحساس لو كاربراتير عاوز ظبط

[hassanin_lada]

او عندك العربية محتاجه شنبر

[dr ahmed saleh]

اقسم بالله انا عانيت من نفس مشكلتك لفتره طويله وعربيتى كانت لادا 2017 موديل 2008 مصرى تكييف وباور عارف عملت كل اللى انت عملته ده وزودت عليه كمان اسبراتير الكترونى وبرضوا مفيش فايده ...بيع العربيه وانفد بجلدك

[J A G U A R]

اعتقد حساس ايدل

[محمود سيد محمو]

شكرا على الردود
على العموم المشكلة الحمد لله اتحلت خلاص
بعد ما غيرت الاسبراتير

[lada2010]

بدام انت غيرت الاسبراتير اخد منك القديم جدعنة

[abokoko]

اقسم بالله انا عانيت من نفس مشكلتك لفتره طويله وعربيتى كانت لادا 2017 موديل 2008 مصرى تكييف وباور عارف عملت كل اللى انت عملته ده وزودت عليه كمان اسبراتير الكترونى وبرضوا مفيش فايده ...بيع العربيه وانفد بجلدك

ههههههههههههههههههههههههههههههههههههه

مش للدرجة دى
ال لادا عربيه الغلابه ومش ممكن نستغنى عنها طالما وضعنا المادى لايسمح بسيارة اعلى
وهى جميله ومناسبه لنا -- فقط - فى هذه الحاله

حضرتك محتاج حد بيفهم
الاسبراتير بيتصلح وفى حاجات هايفه فيه بتتغير بظبط الدنيا زى الشاكوش اللى ب10 جنيه
او بيغيروا الجزأ الرولمان بلى بيسموه الساقيه تقريبا
ولو سلوك بسيطه تتغير فى حدود 40/60جنيه
ولو كربراتير حد نظيف هيظبطه

اصبر

[abokoko]

معذرة
لم اتابع بان المشكله اتحلت
الف مبروك

بس صراحة عجبنى رد دكتور احمد صلاح

...بيع العربيه وانفد بجلدك
وسارعت بالرد

[tomm]

الابلاتين داخل الاسبراتير راكب على رولمان بلى مع الوقت بيحصل فية بوش و بيبرجل العربية , بتروح لكهربائى بيفكة و تخدة تشترى ذية ب 30 جم و تركبة , وفى حالة الاسبراتير كلة تعبان ( جلب و رولمان بلى ) غير كله و خلاص