ضبط الزوايا وتأثيره على السياره

[ramadan272]

السياره لدى لا ارى إنها محتاجه لضبط زوايا إلا على السرعات التى تتخطى 110 كم
اما فيما دون ذلك فلا أشعر انها بحاجه لضبط زوايا
فهل لو كانت السياره تحتاج ضبط زوايا بالفعل وتم تجاهل ذلك سيكون له تأثير ضار على السياره ؟
وإن كان له تأثير فهل سيكون على العفشه أم الكاوتش ؟ أم على شيء أخر ؟

[lanos2004]

ضبط الزوايا بيظهر على اى سرعه عند ترك المقود
ترصيص العجل هوة الى بيظهر على السرعات
ترصيص امامى بيظهر من 80 الى 120
ترصيص خلفى بيظهر عند 140
وبيكون رعشه فى مقود السيارة

[amrelsaqqa]

ظبط الزوايا بيظهر في كل السرعات وخطر على دقة التوجيه والفرملة بأمان
وبيأثر على تآكل الكاوتش ويبوظ الكاوتش لو اهملته ومهما تظبط تلاقى العربية بتحدف نتيجة ان الكاوتش نفسه اتلوح
ظبط الزوايا طالما العفشة والشاسيه مظبوظين مش هيكلفك 20-30 جنيه مفيش حاجة اسمها مش محتاج اظبط زوايا

[ahmscu]

$كل سنة او 10 الاف كيلو تقريبا (ايهما اقرب)
تربيط عفشه
ترصيص عجل
ضبط زوايا
زود زيت كرونه وفتيس وعلبة الدركسيون وفرامل وباور لو عندك
تشحم بيض العجل(لو بمشاحم)
تغير ماية الريداتير مع بداية الصيف(مايه مقطره او اللى بتنزل من التكيف اللى فى البيت واوعى المايه الخضرا)
$كل 20 الف او سنتين
زى اللى فى 10 الاف بس هتغير فلتر الهوا والبوجيهات ولو امكن يبقى الابلاتين والكوندنسر

[saddam]

صديقي المواطن
ظبط الزوايا قولا واحدا أقله مرة كل شهرين أو كل 3 إلى 5 آلاف كيلو تقريبا حسب نوع قيادتك والمطبات اللي بتمشي عليها العربية وروح السيارة وإتزانها وقوة فرملتها والحفاظ على اﻹطارات من التآكل وعدم زحف السيارة في الفرامل والمطبات كل ذلك مسؤول عنه ظبط الزوايا وإياك تظبط بالطرق اليدوية القديمة خليك بالكمبيوتر والدنيا بتتطور دلوأتي بقينا حتى الطنابير بنخرطها عالجهاز من غير متتحل من العربية ومفيهاش مجال للخطأ وبعدين أهم أهم حاجة في كل القصص دي تقلب الكاوتشات بشكل x حتى كل اﻹطارات تعيش بمستوى واحد مش يتاكل واحد قبل واحد وبعدين سوء ظبط الزوايا فترات طويلة يؤدي للظغط على جلب العفشة فتبتدي أي حاجة فيها كاوتش في العفسة تاخد ترييحة وميلة غلط وكل ده يؤدي لتدهور العفشة يوما بيوم
فخدلي بالك اﻷيام الجايه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ramadan272]

بدايةً الشيء الذى اسعدنى واثلج صدرى سرعه الرد والحرص على الإفاده فجزاكم الله خير جميعا

ضبط الزوايا بيظهر على اى سرعه عند ترك المقود
ترصيص العجل هوة الى بيظهر على السرعات
ترصيص امامى بيظهر من 80 الى 120
ترصيص خلفى بيظهر عند 140
وبيكون رعشه فى مقود السيارة

اخى lanos2004 بارك الله فيك تقريبا هذا ما يحدث معى وربما لم اتمكن من التعبير عنه جيدا فعلى مايبدو أن مشكلتى هى مشكلة ترصيص الإطارات

ظبط الزوايا بيظهر في كل السرعات وخطر على دقة التوجيه والفرملة بأمان
وبيأثر على تآكل الكاوتش ويبوظ الكاوتش لو اهملته ومهما تظبط تلاقى العربية بتحدف نتيجة ان الكاوتش نفسه اتلوح
ظبط الزوايا طالما العفشة والشاسيه مظبوظين مش هيكلفك 20-30 جنيه مفيش حاجة اسمها مش محتاج اظبط زوايا

اخى amrelsaqqa بارك الله فيك وفى معلوماتك القيمه وسأعمل بنصيحتك

$كل سنة او 10 الاف كيلو تقريبا (ايهما اقرب)
تربيط عفشه
ترصيص عجل
ضبط زوايا
زود زيت كرونه وفتيس وعلبة الدركسيون وفرامل وباور لو عندك
تشحم بيض العجل(لو بمشاحم)
تغير ماية الريداتير مع بداية الصيف(مايه مقطره او اللى بتنزل من التكيف اللى فى البيت واوعى المايه الخضرا)
$كل 20 الف او سنتين
زى اللى فى 10 الاف بس هتغير فلتر الهوا والبوجيهات ولو امكن يبقى الابلاتين والكوندنسر

اخى ahmscu واضح ان حضرتك خبره فى صيانة السيارات واستفدت من مشاركتك إستفاده كبيره

صديقي المواطن
ظبط الزوايا قولا واحدا أقله مرة كل شهرين أو كل 3 إلى 5 آلاف كيلو تقريبا حسب نوع قيادتك والمطبات اللي بتمشي عليها العربية وروح السيارة وإتزانها وقوة فرملتها والحفاظ على اﻹطارات من التآكل وعدم زحف السيارة في الفرامل والمطبات كل ذلك مسؤول عنه ظبط الزوايا وإياك تظبط بالطرق اليدوية القديمة خليك بالكمبيوتر والدنيا بتتطور دلوأتي بقينا حتى الطنابير بنخرطها عالجهاز من غير متتحل من العربية ومفيهاش مجال للخطأ وبعدين أهم أهم حاجة في كل القصص دي تقلب الكاوتشات بشكل x حتى كل اﻹطارات تعيش بمستوى واحد مش يتاكل واحد قبل واحد وبعدين سوء ظبط الزوايا فترات طويلة يؤدي للظغط على جلب العفشة فتبتدي أي حاجة فيها كاوتش في العفسة تاخد ترييحة وميلة غلط وكل ده يؤدي لتدهور العفشة يوما بيوم
فخدلي بالك اﻷيام الجايه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الزعيم الغالى saddam انا من اكثر متابعى مشاركاتك وفيض معلوماتك على كافة الاعضاء ولكن لم اكن اتخيل انك ستشرفنى بمرورك الكريم
إلى جانب معلوماتك الفياضه

وللجميع بارك الله فيكم ودام تعاونكم ومحبتكم

[goldengold4]

جزاكم الله خيرا على الردود