ايه رايكو في اللادا2110

[محمد البحيري]

امبارح وانا ماشي بليل لقيت عربيه جايه في وشي كشافاتها حلوه اوي عمله زي البي ام وهي منوره (الي هي دايرتين منورين جوه الكشاف) المهم العربيه لما قربت لقيتها لادا 2110 والغريبه ان ملهاش صوت خالص والتابلوه شكله حلو اوي
فهل العربيه دي حققت المعادله الصعبه بان هي لادا المعرفه بقوتها و كمان شكلها حلو وسعرها معقول؟؟؟؟؟؟؟؟؟؟

[ابوحميد]

هيا شكلها حلو وكل حاجة وناعمة وصوتها هادى
يعنى يا استاذ جعيدى مش لدرجة بى ام
ولا انا غلطان


:mrgreen: :mrgreen: :mrgreen: :mrgreen: :mrgreen:

[محمد البحيري]

لو لاحظت سيادتك هتلاقي ان انا قلت كشافاتها من بعيد منوره زي البي ام

[ابوحميد]

والله يا استاذ جعيدى انا شفتها بالنهار بس بالليل مكانش مشغل النور
بس هيا شكلها حلو مفيش كلام

[محمد السكري]

لي صديق اشتراها وبيشكر فيها مش عارف بأه لانه اشتراها ولا لانها فعلا تستحق لكن هو بيقول لن المشكله الوحيده اللي شعر بيها هي تقل الدريكسيون لكن غير كده هو مبسوط بيها وبامكانياتها. انا شفت السياره علي النت شكلها فعلا حلوه بعكس موديلات اللادا القديمه بس اللي لاحظته ان برده لسه التابلوه والفرس محتاجين مزيد من العنايه بس بيني وبينك بالسعر ده مش ممكن هتلاقي سياره فيها كل اللي انت عاوزه وبعدين كفايه ان
- الموتور 1600 سي سي
- الصاج جامد
- الدفع خلفي ( وده بيفضله بعض الناس انا مش منهم)
- مكيفه وكاسيت وانوار ضباب وزجاج كهربا
- خدمه شاقه قطع غيار رخيصه
فيه ايه احسن من كده .؟
تحياتي

[bassam nagy]

الدفع خلفي ( وده بيفضله بعض الناس

لادا 2110 دفع امامى موتور عرضى العربية شكلهاحلو وسعرها ممتاز بالنسبة انها 1600 سى سى بس مش ماشية كتيير على الطريق تجميع مصنع لادا العاشر من رمضان