موضوع لتنشيط القسم 2

[abokoko]

الحراره فى ال لادا مشكله وسمعه ملاصقه لها
والحلول عند الميكانيكيه هى الغاء ترموستات الكوعه


الاقتراح البديل
الردياتير
مساحه الحوض فى اللادا كبيره
وبالتالى ممكن يستحمل ردياتير اكبر

فما هو الردياتير الاكبر فى الحجم والافضل فى مروحه التبريد
والانسب فى السعر
والذى يمكن استبداله بردياتير ال لادا

فى بالى ردياتير البيجو
كعربيه قديمه فى حاله المروحه على الموتور

او
ردياتير الاوبل كعربيه حديثه
فى حاله المروحه الكهرباء

يا ريت لو حد عنده تجربه او افكار يخبرنا بها
مع مراعاه الانتشار والاسعار للانواع المقترحه

[eng.salama93]

ممكن تجيب السربنتينة بتاعه الردياتير بالمقاس اللي انتا عاوزه و تقفل العلب بتاعتها برضو بالمقاس اللي انتا عاوزه
يعني ممكن تخلي الردياتير ابعاده 80x80 لو تقدر :D

[abokoko]

بالمقاس هيرفع ثمن الردياتير
واحنا بتوع ال لادا ناس غلابه ههههههههههههههه
نبحث عن الافضل والارخص فى نفس الوقت

الفكره
نوع يكون منتشر ورخيص وكفاءه عاليه وممكن اشتريه بسهوله

[ahmscu]

انا عندى الالومنيوم الصينى ممتاز جدا بقاله سنه مع مروحة الادا الكهربا بتاعة الفابريكا وممكن تركب عليه مروحة اوبل كورسا او سكودا فليشيا على ما اظن بس بلاش المايه الخضرا او الحمرا لانها بتتفاعل مع الاومنيوم وتبوظه خليك فى المقطره او ماية التكيف افضل جدا

[abokoko]

كلام حضرتك صح
الالمونيوم افضل من النحاس حتى لو كان 3 ماسوره - عكس الشائع

لكن
ال لادا بتسخن فى كل الاحوال
بالذات فى الزحمه وفى الاشارات

علشان كده جارى البحث عن زيادة فعاليه التبريد

[ahmscu]

يبقى لازم التاكيهات تتضبط كويس،صدقنى لو التاكيهات تمام،وبلاش حكاية المروحه اللى على الطمبورة خليك فى الكهربا افضل،العربيه عمرها ماتسخن وطبعا طرمبة المايه والمروحه تكون تمام

[abokoko]

التاكيهات ظبتها مره واحده فقط من اكتر من سنه فاتت

و المروحه كهرباء
طرمبه المياه متغيره بايطالي وبتقلب الماء كويس

[eng.salama93]

بالمقاس هيرفع ثمن الردياتير
واحنا بتوع ال لادا ناس غلابه ههههههههههههههه
نبحث عن الافضل والارخص فى نفس الوقت

الفكره
نوع يكون منتشر ورخيص وكفاءه عاليه وممكن اشتريه بسهوله

مهو الأكثر انتشارا هو الردياتير العمولة و ف نفس الوقت ارخص لأنه بيتصلح
و تركب عليه مروحه سرعتين و انسي يا معلم

[gadoo30]

اية مروحة سرعتين دى ؟

[محمود سيد محمو]

السنة اللى فاتت العربية كانت بتسخن منى وكل يوم اكشف على المية وازودها كتييييييير المهم فى الاخر مع مشوار علقة جابت طقم شنبر والميكانيكى نصحنى انى اغسل الريداتير ( ريداتير نحاس ) بمية نار وبعدين احط مية خضراء وبالفعل ومن ساعتها والعربية مش بتسخن خالص والمية من السنة اللى فاتت مش بتقل الا نادرا

[ahmdmagdy]

السنة اللى فاتت العربية كانت بتسخن منى وكل يوم اكشف على المية وازودها كتييييييير المهم فى الاخر مع مشوار علقة جابت طقم شنبر والميكانيكى نصحنى انى اغسل الريداتير ( ريداتير نحاس ) بمية نار وبعدين احط مية خضراء وبالفعل ومن ساعتها والعربية مش بتسخن خالص والمية من السنة اللى فاتت مش بتقل الا نادرا

معقوله ان ميه الريداتيار او ميه القربه منقصتش لمده سنه ده انا بذود ميه في القربه كل 4 ايام تقريبا

[Zing0]

يا ناس يا هو, نسأل أصحاب التاكسى اللادا و هما يردوا
واحد جارنا معاه تاكسى لادا من أيام المنجل و المطرقه فى روسيا الشيوعيه
ايه الحل يا ريس؟

الحل, أى ريداتير سواء نحاس أو ألومنيوم بس يكون سالك + مروحة شاهين كبيرة + إلغاء ترموستات الكوعه و تركيب المروحه عالطنبورة + مياة تكييف
النتيجه:
العربيه بتحتاج تسخين لفترة أطول الصبح لأنها بتكون (ثلاجه) , بس طول اليوم و فى أجدع اشارة و الطريق واقف الحرارة متوصلش للنص.

جارى التعديل إن شاء الله بس لما أفضى من موضوع الكربراتير الأول
هذا و بالله التوفيق

[hassanin_lada]

معقوله ان ميه الريداتيار او ميه القربه منقصتش لمده سنه ده انا بذود ميه في القربه كل 4 ايام تقريبا

بص ياباشا دورة التبريد دورة مغلقه

يعني اساسا ماينفعش انها تنقص غير كل سنه مثلا تزودها شوية


سبب نقصان المياه ده بسبب ان في تسريب
ممكن طرومبة الميه ممكن خرم في الريداتير

او ان الغطا ضغطه ضعيف عاوز تتأكد

افتح الكبود وزود بنزين وانت واقف هتلاقي الغطا بيجيب ميه
وان اللي بيحصل انك لما تيجي تسحب بالعربية الغطا ضعيف واسهل منفذ للمياه هو الغطا
تقوم تخرج منه يومين تبص تلاقي القربه ناشفه خالص

زمان ايام الغطي الاصلي كانت ممكن تقعد اكتر من سنه والميه زي ماهي لحد ماصدا واتاكل غيرته كذا مره واحسن حاجه بتقعد شهرين مثلا ولازم تزود ميه

لما تروح تشتري حاجه ماتسرخصش لان كل حاجه علي قد تمنها حاول هات نوع نضيف وقارن بين الانواع مين حيث الجوده

ممكن تلاقي الغطا ب 20 و 25 ال 5 جنيه مش هتفرق كتير غير في راحتك :)

[hassanin_lada]

ياجماعه اي ريداتير طالما نضيف ومش مسدود هيقضي الطلب ومافيش منه اي مشاكل خالص
المشكله بتبقي في الكهربا او التكهات لو محملة بتستخن العربية ولو زياده او نقص بـاثر علي سحب المكنه وبالتالي بتضر تقرص حضرتك والمكنه تسخن

عربية اوبل استرا 2012 واقفه علي الطريق اسيوط القاهرة الغربي عطلانه انزل شوف في ايه !!
العربية سخنة مني ياباشا !!

[eng.salama93]

اية مروحة سرعتين دى ؟

زي اي مروحة ف الدنيا يكون لها سرعتين