مساعدين امامى شمال استيراد اجيبه من فين

[عمرو عقبه]

لادا سمارا..
محتاج مساعدين امامى شمال استيراد ( من غير الياى) اجيبه من فين لان اللى عندى بيجيب زيت والعفشجى قالى محتاج يتغير ..؟؟
وبكام؟؟
ولو انا مش خبره فيهم اعرفه اجيبه من غير ما اتغش فيه؟؟
انا كنت سألت عند واحد اسمه هشام فى صلاح الدين نهاية الشارع على اليمين قالى ب 150 بالياى.. بس خفت اجيبه لانى مش خبره فيهم.. وجبت منه طمبورة عجله خلفيه ب 50 جنيه ودى مش محتاجه خبرها قوى فى شراها..

[م أحمد]

تقبل نصيحتى
أوعى تشترى عفشة استيراد خصوصا المساعدين لا نها بتكون خارجة من واحد قبلك يعنى مستعملة
كلمة استيراد تطلق على المستعمل المستورد
اللى هتجيبه ممكن يكون مصرى مستعمل و تالف او نص عمر
هات جديد افضل و لو الميزانية ما تسمحش هات جوز صينى درجة اولى و احتفظ بالقديم اللى معاك لو حاجة حصلت لهم

[Abo Yasso]

العفشه كلها مينفعش تجيها استيراد

[عمرو عقبه]

متشكر على النصيحه بعتقد ان الزوج الروسى جديد ب 650 جنيه

[ahmed elsahhar]

هات قلب مساعد امامى بس من التوفيقيه المركز الروسى فى حدود 300 جنيه روسى ومتغيرش المساعد كله وبلاش الاستيراد فى العفشه لانك كده بترمى فلوسك فى الارض

[عمرو عقبه]

فى ناس قالتلى انى ممكن اغير حشوة المساعدين .. هى دى قلب المساعدين اللى حضرتك تقصدها يا استاذ احمد؟؟؟