تغيير طقم شمبر للادا سمارا

[عمرو عقبه]

هحكيى لكم تجربتى مع تغيير طقم الشمبر (( لادا سمارا88))علشان لو حد مستجد زى حلاتى ممكن يستفيد من الكلام ده..
فى البدايه العربيه لما جبتها والميكانيكى شافها قالى المكنه خفيفه وبتطلع دخنه وهتحتاج طقم شمبر.. قلت له ممكن امشى بيها شويه.. قالى ممكن سنه كمان.. قلت له طب مصنعية تغيير كام قالى 200 جنيه (اصله شاب صغير من سننا وشاطر وحنين زى الناس ما بتقول )
لكن الكربراتير مهيس والمكنه بتاكل بنزين بغباء وعرفت انه لازم اغير طقم شمبر عشان اظبط الحاجات دى..
المهم..
اشتريت طقم شمبر من البلغارى ب 135 جنيه
رحتت للميكانيكى طلع كرشة الحلوه.. بس طلع الشمبر مقاسه مختلف!!!!
((وعشان كده انصح خلى الميكانيكة يفك الاول وبعدين اشترى طقم الشمبر على مقاس السلندر))
اضطريت اروح اغيره وعطانى سلندر معايا اجيب على مقاسه وطلب جوانات لكل حاجه هو فكها.. جوان الكربراتير وجوان وش السلندر واللذى منه.. وطلب علبة سيليكون.. الحاجات دى كلفت 85 جنيه..
المهم دخل كرشتها.. وقالى هندورها بالزيت اللى فيها.. وبعدين نغير زيت وفلتر زيت.. وهى لسه عنده بتلين..
دى الحكايه باختصار ولعلها تفيد اى اخ عضو مقبل على الموضوع ده..

[إبراهيم المصرى]

مبرووووووووووووووووك

[عمرو عقبه]

الله يبارك فيك يا برنس

[إبراهيم المصرى]

معلومات مفيده وعربيه جميله ربنا يباركلك فيها وان شاء الله ربنا يديك خيرها ويكفيك شرها