ظبط عفشة لادا سمارا وإليكم اللى حصل والاسعار

[عمرو عقبه]

الاخوه الافاضل..
ظبط عفشة لادا سمارا وإليكم اللى حصل والاسعار.. لعلها تفيد أحدكم..
رحت للعفشجى عشان عندى مساعد جايب زيت وكوبلن بيطقطق..
المهم..
كشف على العربيه وفك المساعد وفك الكوبلن.. وفك البيض..
وقالى محتاجين مساعد امامى او قلب مساعد.. و2 كوبلن بس بلاش الصينى.. و2 بيضه..
نزلت على البلغارى..
لقيت الكوبلن الواحد الروسى ب 150 جبت 2.. والصينى كان ب 75 والراجل قالى دا كويس خده بس خفت بصراحه.. عشان عاوز اظبط العفشه وانساها..
وال 2 بيضه ب 100 جنيه روسى..
والمساعد كامل روسى ب 320 ..
وقلب المساعد (الزوج معا) ب 350 .. جبت ال 2 ركبت واحد بس..
وسألت على الفانوس الخلفى ب 80 ووش الفانوس الخلفى ب 35 وطقم لسان اكرة الباب ب 30 جنيه..
رجعت للعفشجى..
ركب قلب المياعد والكبالن والبيض وطلع معايا جربنا العربيه ..
زى الفل الحمد لله وأخد مصنوعيه 80 جنيه..
دا اللى حصل بالتفصيل ..

[ahmed elsahhar]

مبروك وربنا يكفيك شرها

[active]

مبروك ياباشا

[asangary69]

من فضلك أنا عندي لادا سمارا 2006، عندي مشكلة في العفشة الخلفية.. دلني علي العفشجي ده مكانه فين؟ الإيميل بتاعي : amr.elsangary@gmail.com

شكراً.