مشكلة

[yoyo_esna2]

عندى مشكلة فى سرعة العربية 2105 موديل 94 مغير طقم دبرياج وعامل طقم شنبر وظبط كاربراتير والسرعة كانت بتجيب 110 دلوقتى بعد الحجات دى بقت تجيب 80 بالعافية وصوت الموتور يعلى الميكانيكى قلى عيب كارونة وعاوز يدينى واحد سريعة وياخد القديمة مع العلم الى حيركبهالى بتعت نيفا وقلى دى اسر وعاوز ياخد 500 جنية منى مش عارف كدة هوا عاوز يشتغلنى ولا اى ياريت تساعدونى

[Zing0]

أشتغاله
الكارونه لما بتبوظ بتعمل صوت ونه و تخبيط مع الغيارات بس ملهاش دعوة بتقليل سرعة العربية (إلا لو التروس أتكسرت لا قدر الله)
نصيحتى شوف عند واحد تانى و يكون بيفهم (اسأل عليه سواقين التاكسى اللادا هيدلوك على أشطر واحد) و شوف هيقولك أيه
ثمن الكارونه السريعة 650 بدون القديمه (القديمة بتاعتك تبيعها بالسعر إللى يعجبك)

وجههة نظرى
--------------
- تكشف على بكات الكبراتير ممكن تكون ضيقة شوية (الفبريكا للـ 2105 : 170-170 للهوا, 107 سرعة بطيئة, 162 للسرعة العالية)
طبعاً حضرتك مش هتحط بكات الفابريكا بس متبعدش عنهم كتير , يعنى ممكن تخلى الهوا زى مهو, و البنزين 105 - 150) و صدقنى و لا هتبقى بلاعة بنزين و لا حاجه ده كلام فاضى, المهم ضبط مسمار الهوا و البنزين فى الكربراتير.

- أضبط كهربا العربية (الكاتينه و الاسبراتير) لأنها لو مأخرة هتلاقى العربية بطه بلدى

- تضبط تاكيهات عند حد بيفهم, المفروض الفابريكا بيكون على ورقة فيللر مقاس 0.15 (عادم/حريق) - بس إحنا ممكن نزودها شوية علشان الصيف, خليها (20 حريق/25 عادم) و أتأكد من كفاءة دورة التبريد (علشان العربية متسخنش)

- تكشف على الدبرياج, تأخد الرابع و أنت واقف و تجرب تطلع بالعربية, لو الطقم مضبوط هتفصل منك, إنما لو طلعت يبقى الطقم تعبان

-------------------
اعمل الحاجات دى بالترتيب و أن شاء الله المشكله تتحل, بس أتأكد الأول خالص من حالة المكنه (أكشف على البوجيهات و شوف عليها كربون (يبقى المشكله غالباً كربراتير ) لو على سن البوجيه زيت يبقى الشنبر مش مضبوط)

و ربنا يعينك

[yoyo_esna2]

شكرا حبيبى انا معاك فى كل الكلام دا بس الموتور المفروض حالتة كويسة لانة لسة عامل طقم الشنبر من 3 شهور ومغير بوجيهات يبانى من شهر ومظبط الكاربراتير على الاخر هوة كان فى بوش فى الكارونة قديم بحس برجرجة منها برضة فمن الواضح ان فيها مشكلة بس انا الى عاوز اعرفو كارونة النيفا الى بيقولى عليها السريعة انا شفتها حالتها كويسة والسنون وكلو بس دى تركب عادى على ال4 غيار وهل ححس بفرق جامد على كلامو ولا لا ولازم يتغير الفتيس بتانى ولا مش لازم