ضبط الكهرباء فى اللادا 2107

[أبو يحيى]

السلام عليكم ورحمة االله
برجاء من سيادتكم عايز أعرف اتجاه تعلية وخفض الكهرباء لللادا 2107
( بالنسبة الى اتجاه عقارب الساعة )
ولسيادتكم جزيل الشكر

[Zing0]

هتهوى مسمار الاسبراتير بمفتاح 13 (حسب الصامولة اللى عندك ممكن تكون 12 بس الغالب بيكون 13)
تهوية بس مش فك للآخر بحيث يكون الاسبراتير حر الحركة يمين و شمال
مع اتجاه عقارب الساعة يبقى بتقلل الكهربا
و العكس لو هتزود كهربا
المفروض ولا تزود و لا تقلل
هتفضل تزود سنة سنة لحد متلاقى المكنه بتترعش (بتنتش)
تروح راجع تانى و رابط الصاموله و تلاحظ المكنه شوية و هيا دايرة, لو لسة بتنتش , تقلل كهربا تانى

لو بتعتل معاك فى الدوارة عالبارد (الصبح مثلاً), أو لما بترجع من مشوار و تروح فاصلها على طول تلاقيها بتتهز (بتترج شوية) >>> يبقى الكهربا زياده و محتاج تقللها

لو حاسس ان السحب بايظ و استهلاك بنزين(ريحة بنزين) عالى و صوت المكنه مخنوق >>> يبقى الكهربا مأخرة

[أبو يحيى]

شكرا لسيادتكم على المعلومات القيمة والمجهود الرائع ده

[hassanin_lada]

وطبعا لو حضرتك مالكش في الميكانيكا يفضل ظبطها عند ميكانيكي افضل