اعرف ازاى ان العربيه محتاجة ضبط تاكيهات

[abokoko]

زى العنوان
والسبب اننا داخلين على الصيف
ثانيا لانى مشيت بالعربيه مشوار بسيط 20كليو *2 وعكس اتجاه الهواء
الحراره زادت شويه - مش للدرجة المقلقه
ارجو الافادة عن الاعراض

[aw2100]

العربية بتحتاج ضبط التاكيات
لو السحب ضعيف
لو صوت التكيات عالى قوى او فيه صوت تكيه بيخبط تنقير
لو استهلاك البنزين عالى مع وجود هباب فى الجكمان مهما ظبطت الكاربراتير
لو الموتور بيسخن سخونة غير طبيعية

[tameem2010]

من الاخر
التكايهات ببتظبط مرتين في السنه
مرة مع دخلة الصيف ومرة مع دخلة الشتاء
عشان الحرارة
سخونة اللادا في الصيف طبيعيه
خاصة لو الراديتير بتاعها والمروحة بتاعتها اللى بتنزل بيهم متغيروش
الافضل للادا تغيير الراديتير والمروحه بتاعتها ده لو 2105
اما 2107 المروحة بتاعتها كهرباء تغييرها حرام وخسارة

[hassanin_lada]

معلش هي السخونه اللي حضرتك بتتكلم عليها يعني المؤشر وصل لحد فين ؟؟

[abokoko]

العربية بتحتاج ضبط التاكيات
لو السحب ضعيف
لو صوت التكيات عالى قوى او فيه صوت تكيه بيخبط تنقير
لو استهلاك البنزين عالى مع وجود هباب فى الجكمان مهما ظبطت الكاربراتير
لو الموتور بيسخن سخونة غير طبيعية

السحب كويس
صوت الموتور عالى بيبان كويس فى الماكن الهادئه
استهلاك البنزين كويس
الموتور بيسخن بس مش لدرجة عاليه

من الاخر
التكايهات ببتظبط مرتين في السنه
مرة مع دخلة الصيف ومرة مع دخلة الشتاء
عشان الحرارة
سخونة اللادا في الصيف طبيعيه
خاصة لو الراديتير بتاعها والمروحة بتاعتها اللى بتنزل بيهم متغيروش
الافضل للادا تغيير الراديتير والمروحه بتاعتها ده لو 2105
اما 2107 المروحة بتاعتها كهرباء تغييرها حرام وخسارة

هى لادا 2107
مروحة كهرباء
مش متغيره
الردياتير متغير بنحاس 3 ماسوره
اخر مره ضبطت التاكيهات فى منتصف 2011م

معلش هي السخونه اللي حضرتك بتتكلم عليها يعني المؤشر وصل لحد فين ؟؟

قبل نص الاخضر يعنى لم يقترب من الاحمر
بس
المروحة كانت شغاله طول الوقت

سرعتى كانت فى حدود ال80
المسافه 20كيلو

[goldengold4]

الله ينور عليكم و جزاكم الله خيرا

[hassanin_lada]

ياباشا الطبيعي ان المؤشر يبقي في النص

طالما انت بتقول قبل نصف الاخضر يبقي انت مركب ترموستات واطي اللي هو 84 تقريبا وطبيعي جدا ان المروحه تفضل شغاله طول الوقت عشان الحرارة بتاعت الجو

كمان الترموستات ده وحش لانه بيشغل المروحه علي طول وطبعا بيضعف ويقلل من عمر الافتراضي للبطرية

افضل اداء للمحرك واستهلاك بنزين عند درجة الحرارة عن 90 درجه اللي هي المنتصف بالظبط

لو قدرت تغيره هو بجوالي 20 جنيه قوله عاوز ترموستات عالي هتلاقي مكتوب عليه 90/84 تقريبا

المروحه هتشتغل اقل وتحافظ علي البطريه

[abokoko]

حضرتك بالفعل انا عندى ترموستات 90/85
اللى بيجيي فى علبه لونها ابيض بازرق

وده تانى مرة اركبه
الاول قعد فترة يجيي سنة وبدأ يخرف
فغيرته بنفس النوع

الفكرة كلها انى هسافر البلد الايام اللى جايه
وطبعا مش هقدر اسافر بالليل زى زمان للخوف من البلطجة على الطريق

وفى النهار الجو هيكون ساخن جدا على طريق الصعيد

وانا لاحظت ازدياد الحرارة عن العادى ( رغم انه لم يصل الى الاحمر )
فى مسافة 20 كيلو
فطبعا بسال لانى همشى 300 كيلو وزيهم فى العودة

على فكرة جوه البلد ومش فى الطوالى مفيش مشكلة
وعلى فكرة برضة الترموستات ملغاه من فتره

[hassanin_lada]

طيب اخبار الميه ايه

هل بتنقص ممكن تكون هي المشكله فيها

انا عن نفسي فاتح التكيهات علي الاخر صيف وشتا ومش بلعب فيها خالص صوتها جرار اه بس احسن من السخونه والاعطال

طالما ماكملش سنه يبقي الترموستات مش كويس

جرب كده تشد الشفاط وسيب العربية تسخن وشوف اخبار المروحه ايه بتشتغل في ميعادها ولا لا

[abokoko]

الترموستات الجديد بيشتغل ويفصل تمام

المياه فعلا بتقل لان فى تسريب خفيف جدا من الرداتير
رغم انى لحمته 4 مرات وكان لسه جديد
اول مره بعد التركيب باسبوع تقريبا وكان عند اللى ركبه
تانى مره غيرت الصنايعي
ورجعت له تانى يوم
ثالث مره غيرت الصنايعى برضه
الاخيره فك العلبه من السربنتينه ورجع لحم من الاول
وبرضه فى تنفيسه خفيفه وكبرت دماغى وفى طبقه صدأ على الرداتير
وقلت ابقي اغيره مستقبلا بواحد الومنيوم زى الاصلي بتاعها
بس مش دلوقتى

[hassanin_lada]

طيب جرب كدا لف كتير بالعربية بس تكون مزود الميه لو الدنيا تمام يبقي المشكله من التسريب ده عشان الميه اللي بتنقص

[goldengold4]

متابع

[abokoko]

طيب جرب كدا لف كتير بالعربية بس تكون مزود الميه لو الدنيا تمام يبقي المشكله من التسريب ده عشان الميه اللي بتنقص

مشيت بالليل مسافة
والحمد لله مفيش مشاكل

الميكانيكى قال لى قبل السفر تعال ابص لك عليها

[hassanin_lada]

لا ياباش انا عاوزك فالنهار

لو وانت مزود محصلش حاجه يبقي غير الريداتير واشتري كرامتك بدل مالعربية تعملها معاك وتهينك