ازاى اعرف عيوب عمود الكردان

[محمود سيد محمو]

روحت للميكانيكى وقالى ان عمود الكردان عايز يستعدله ويغير الصلايب بتاعته وده لما مشى شوية معايا بالعربية
السؤال دلوقتى مين اللى ممكن يأكدلى ان عمود الكردان لازم يتحل ويستعدل خاصة انى عرفت ان مش اى خراط يعرف يستعدل العمود
مع العلم انى ماشى بالعربية من ساعتها ومفيش مشاكل

[samaty]

بتحس برجة وإنت ماشي بالعربية؟
لو رفعت العربية وإديتها غيار وبصيت على العمود هتلاقيه بيروح وييجي

[ahmedelrayan]

وكمان لما الصليبة بتكون بايظة اول ما تيجى تسيب دبرياج هتحس بصوت طقطقة كدة

[hugan]

روح لكمال عند جامع الضاهر لو محتاج ترصيص
او تغيير صﻻيب

[محمود سيد محمو]

قالولى كتير على كمال بتاع الضاهر
ياريت العنوان بالتفصيل ورقم التليفون

[Zing0]

بص يا ريس
انت ترفع العربية من ورا و تدورها و تدى غيار

لو العربية بتترج جامد, تنزل تبص عالعمود بيلف بإستقامه و لا لا ملووح
و ممكن يكون سليم بس راكب غلط (المفروض اللى بيفكه و يركبه بيعمل علامات الأول بس فيه أغبياء ربنا يرحمنا من غبائهم بيركبوه غلط), لو راكب غلط (معكوس) هتلاقى رجه او رعشة عند سرعة 40 تقريباً و بتروح بعد السرعه دى (ده و لا ترصيص و لا زوايا و لا كاوتشات )

اى خراط يعمله عادى بس لو عنده المخرطه بتاعته (الجهاز نفسه) و كله بيظهر قدامك لما بيركبه عالمخرطه

الصلايب لو بايظة هتسمع صوت طقطقة مع أى منزل و انت عالمور, و لازم تغير الصليبتين مع بعض لو متغيرين من فترة, عمرهم الافتراضى مع بعض, أحسن نوع تويو يابانى بي ميكونش مضروب

[hugan]

مفيش غير كمال بتاع الضاهر
وعبد الله في عبود امام المرور
كمال بيحل عنده
عبد الله لازم تحل الكردان بره وتوديه له
روح عند جامع الظاهر بيبرس واسئل عنه مشهور جدا

[محمود سيد محمو]

طب موضوع استعدال العمود وتغيير الصلايب ده يتكلف كام
عشان الواحد يبقى عامل حسابه