شنطة الاسعافات والمثلث العاكس

[أبو يحيى]

السلام عليكم ورحمة الله
الأخوة الأفاضل رجاء من سيادتكم معرفة الأتى
1- مكان وضع المثلث العاكس فين بالضبط فى السيارة
2- سعر المثلث بكام والشنطة بكام
3- مكان بيعهم فين بالضبط
4- سمعت ان فيه مواصفات قياسية للمثلث والشنطة فهذه المواصفات يلتزم بها البائع أم المشترى
يعنى المواصفات دى عليا أنا ولا البائع
شكرا لسيادتكم

[Adnfalcon]

من اي مرور و ارميهم فالشنطه

[أبو يحيى]

من اي مرور و ارميهم فالشنطه

الأخ الفاضل
لو تكرمت سعرهم كام

[Adnfalcon]

الأخ الفاضل
لو تكرمت سعرهم كام

لسه انا هشتريهم زيك
معرفش حاليا

[porosski]

75 le

[ahmed elsahhar]

لما تيجى تجدد هاتخدهم بالغصب ودول تمنهم 100 جنيه بالحافظه وورق التجديد

[ELBEH]

شنطة الاسعافات ب 45 جنية.

[hamisa08]

لا مش ليها اى مواصفات ولا شكل ولا حتى هتستخدمها تاانى

انتة بتشتريهم فردة من المرور علشان الظابط يمضيلك حتى لو بتجدد كل سنة ,, ومش فتحتهم من السنة اللى فاتت الظابط البردة هيقولك روح هاتهم ,, علشان يمضيلك
وثمنها 100 جنية
يبقى انتة اكيد فى مصر

[No Comment]

تمنهم 75 جنيه ... 45ج شنطة و30ج مثلث واجبار شرائهم
أما الحافظة بـ 27.60 ج ومش اجبار انك تشتريها ... لانك بتشتريها وتلاقى الموظف اللى بياخدها بيرميها تحته وبيعاد بيعها تانى والله اعلم

[goldengold4]

من ضمن الاوراق اثناء التجديد بيطلب منك انك تجيب ورقة مختومة للمثلث و شنطة الاسعافات و الطفاية لو هما معاك بيتم فحصهم ولو همه سلام بيختم الورقة على طول من غير ما تدفع اى حاجة ولو فى مشكلة فى واحد منهم بيخليك تشترى واحدة بديله عنه مش لازم الاتنين مع بعض و ملهاش مواصفات للمثلث لكن المشكلة ف شنطة الاسعافات بيبقى ليها مواصفات المحتوى اللى بداخلها يعنى كام قطعه ولو هيه ناقصة اى قطعة بيخليك تشترى واحدة جديدة حتى ولو كان الشنطة حضرتك ما فتحتهاش اصلا من السنة اللى فاتت و زى ما اشتريتها
و ثمنهم زى ما الناس قالتلك

[أبو يحيى]

السادة الأفاضل
جزيل الشكر لكم على الاهتمام والردود المفيدة
ملحوظة عايز ألفت نظركم ليها
ان شرطة المرور الموقرة جعلت عدم وجود هذه الأشياء بقى مخالفة وتدفع لهم وقتى لو أى كمين وقفك وملقاهمش
ومش حينتظروا لما نروح نرخص وبقت مادة فى قانون المرور الجديد طبعا عشان الحكومة خايفة علينا
لكى الله يامصر
لسيادتكم جزيل الشكر

[Zing0]

السادة الأفاضل
جزيل الشكر لكم على الاهتمام والردود المفيدة
ملحوظة عايز ألفت نظركم ليها
ان شرطة المرور الموقرة جعلت عدم وجود هذه الأشياء بقى مخالفة وتدفع لهم وقتى لو أى كمين وقفك وملقاهمش
ومش حينتظروا لما نروح نرخص وبقت مادة فى قانون المرور الجديد طبعا عشان الحكومة خايفة علينا
لكى الله يامصر
لسيادتكم جزيل الشكر

ما هما إللى رخصوا لنا من غيرهم , ربنا يخرب بيوتهم
هيا ناقصه