الحقوني اتسرقت اول ايام العيد

[ahmedarblog]

كان عندنا خناقة في الشارع ليلة العيد فنقلت عربيتي في شارع جانبي زي ماناس كثير خافت على عربيتها ونقلتها .. المهم وانا رايح اصلي العيد قولت ابص على العربيه وارجعها مكانها وانا بقرب من العربيه لقيت خير اللهم اجعله خير العجله اللي جنب الرصيف ورا مش موجوده والباشا كثر خيىره حاطط طوبه تحت العربيه ... المشكله مش في العجله اللي تسرقت المشكله في الجنط اﻻسبور النجمه اللي مش هلاقي زيه حد يدبرني ياجماعه

[esam_refaat]

فداك وفدى ولادك متنكدش على نفسك
اى حاجة بتيجى بفلوس ماتزعلش

[e.s.o]

فداك , قدر الله ماشاء فعل
والحمدلله انها جت علي قد كدا

[tarekmomo]

لا حول ولا قوة الا بالله

[midooo_119]

كده انت عيدت عليه ربنا يعوضك وان شاء الله تلاقى جنط زيه

[hilal]

احمد ربنا انك لقيت العربية اصلا

[Zing0]

سيب العربية مكانها و حط الطوب و تابعها
يا الحرامى يرجع علشان يشيل باقى طقم الجنوط
يا إما كان مزنوق فى إستبن فسرق فرده من عندك و هيرجعها
فى كلا الحالتين:
ربنا يعوض عليك, قدر الله و ما شاء فعل, مصيبة نجاك الله منها, فالحمد لله الذى لا يحمد على مكروه سواه

[NightmarE84]

الحمد لله على كل حال

انا حصلت معايا برضوا بس كانت واقفه عادى امام بيتى ومنطقتى منطقة مساكن وبتبقى هادية نسبيا بليل

ولكنه ماخدتش الجنط

ده حاول يفك الفردة ولما معرفش ساب المسامير ناقص ومبقاش فيها غير مسمارين من اصل 5 مسامير
ولما اكتشفت الموضوع من الصوت اللى ظهر طبعا نتيجة لرفة العجلة علشان مش محكومة فى الرباط بتاعها وربنا ستر كانت هتفك وانا ماشى

[elpasha1]

الحمد لله انها جت علي اد الجنط

[Ahmed.Essam]

الحمدلله انها على أد كده فداك وطز في الحرامي ده وطز في الجنط والفلوس تحت جزمتك
وان شاء الله تلاقي احسن منه

[عبدالله برعى]

كويس انها فى الجنط
مؤقتا حط اى جنط اى كلام اشتريه مستعمل مش لازم الشكل ولغايت الامور ماتتيسر دور على شكل الجنط وحتلاقيه

[mirra]

حصلت معايا رمضان اللى فات و اتعكننت و الله..ربنا يعوض عليك و ياذى المؤذى.

[ahmedarblog]

شكرا يا جماعه على تعاطفكم معايا ومواساتي وياريت كل واحد يأمن عربيته على قد مايقدر وربنا يكفيكوا شر الحرامية والنصابين

[أبو يحيى]

ربنا يعوض عليك
فداك وفدا عيالك أهم حاجة أنتو بخير
وربنا ينتقم من كل من تمتد يده لتؤذى الناس
وكل عام وانتم بخير

[Mido Casper]

قدر الله وماشاء فعل متنكدنش ع نفسك الحمدلله انها جت ع قد كده واحمد ربنا :)