حريقة بنزين

[Mahmoud Ezzat]

السلام عليكم ورحمة الله وبركاته
كل عام و حضراتكم بخير
دي أول مشاركة ليا في المنتدى وعندي استفسار اتمنى ان حد يفدني بشأنه:

انا معايا لادا 2107 روسي موديل 2000 موتور 1500 cc كاربيراتير

العربية كانت ماشية ممتازة بس من فترة بقت بتستهلك بنزين بغباء

25 لتر بنزين مش بيكملو 150 كيلو متر مشي مع اني كنت بمشي بنفس الكمية اكتر من 220 كيلو متر و العربية لسا مغير فرد الكاوتش كلها و بنفخهم نتروجين

كمان عداد الـ ECON المؤشر بتاعه مترفع مابين الاصفر و الاخضر و العربية على السلانسيه وال RPM على 9 لما العربية بتكون سخنة

انا اسف على الإطالة و أرجو الإقادة

[hardmind_doc]

فلتر الهواء البوجيهات يتغيرو ولو البوجيهات مهببة يبقى عندك مشكلة فى الكاربيراتير
راجع برضو السيور والزيوت بالمرة وفلتر البنزين

[kantofanto]

اعمل طقم السرفيس الاول و شوف النتيجة ايه .

[zxcv38]

حجم الكوتش نفس القديم

[Mahmoud Ezzat]

شكرا جزيلا على ردود حضراتكم ان شاء الله حجرب النصائح اللي قولتوا عليها و ابلغكم بالنتيجة.

[Mahmoud Ezzat]

الله ينور عليكم

النصائح جابت نتيجة و العربية اتعدلت

[vet back lada]

طب عملت اية بالظبط عشان انا عندى نفس المشكلة

[Mahmoud Ezzat]

انا غيرت فلتر البنزين و فلتر الهوا و نظفت البوجيهات و ظبط بيكات الهوا و البنزين في الكربيراتار