قاعدة موتور لادا 2107

[أبو يحيى]

السلام عليكم
السادة الأفاضل عندى مشكلة بلاحظ دايما رجرجة فى الموتور وخبط بسيط فى منتصف العربية
فبالصدفة بتكلم مع واحد جارى فى الموضوع ده ففتحنا الكبوت وهز الموتور بيده والعربية مبطلة
فاكتشفنا ان قاعدة الموتور اليمنى تالفة فعندى كام سؤال
1 - أروح لميكانيكى ولا عفشجى ولا ممكن أعملها بنفسى
2 - القاعدة بتتباع مفرد ولا الاثنين مع بعض ( وبالمناسبة هو موتور اللادا 2107 ليه قاعدتين فقط على ماهو ظاهر أمامى ولا أكثر
3 - سعر القاعدة الواحدة بكام وايه أفضل نوع ومن أى بلد
أسف للاطالة وجزاكم الله خيرا

[shoshasam]

انا غيرت قواعد موتور عند عفشجي مش ميكانيكي
وخليك مركز معاه وهوه شغال لانهم اوقات بيستعبطوا وهما بيربطوا علي المسامير
وكل قاعده بتباع منفرده وصراحه ماعرفشي تمنها لان عربيتي مش لادا
وبلاش تسترخص في وتجيب نوع صيني
هات النضيف افضل لان مهمة القواعد امتصاص الاهتزازت من الموتور وعزله

[أبو يحيى]

انا غيرت قواعد موتور عند عفشجي مش ميكانيكي
وخليك مركز معاه وهوه شغال لانهم اوقات بيستعبطوا وهما بيربطوا علي المسامير
وكل قاعده بتباع منفرده وصراحه ماعرفشي تمنها لان عربيتي مش لادا
وبلاش تسترخص في وتجيب نوع صيني
هات النضيف افضل لان مهمة القواعد امتصاص الاهتزازت من الموتور وعزله

شكرا لك أخى الفاضل للرد والاهتمام
أنا فعلا لسة جاى حالا من عند العفشجى وخلانى جبت له قاعدة موتور تركى وقال لى هاتها سوستة مش صب لأن النوع ده أحسن ( وثمنها 20 جنيه ) وبرضه نصيحة لكل أعضاء المنتدى الموقر أنهم دائما من وقت لأخر يهتموا بموضوع رجرجة الموتور وخصوصا لو ملحوظة جامد
وربنا يكتب لنا ولكم الخير كله ويقينا من كل سوء وشر

[shoshasam]

شكرا لك أخى الفاضل للرد والاهتمام
أنا فعلا لسة جاى حالا من عند العفشجى وخلانى جبت له قاعدة موتور تركى وقال لى هاتها سوستة مش صب لأن النوع ده أحسن ( وثمنها 20 جنيه ) وبرضه نصيحة لكل أعضاء المنتدى الموقر أنهم دائما من وقت لأخر يهتموا بموضوع رجرجة الموتور وخصوصا لو ملحوظة جامد
وربنا يكتب لنا ولكم الخير كله ويقينا من كل سوء وشر

الشكر لله أخي
بس ياريت تقولنا لو في اي تحسن ملحوظ بعد تغيير قاعدة موتور

[أبو يحيى]

السلام عليكم
تحسن كبير فى رجرجة الموتور وبقى أكثر ثبات وخصوصا عند بداية التدوير وبالمناسبة كانت جلدة القاعدة مقطوعة وواضحة جدا قبل التغيير
ودا كان السبب عندى فى رجرجة الموتور ( لأن طبعا فيه أسباب أخرى كتير تخلى الموتور يهتز جامد غير تلف القواعد )
وقانا الله واياكم شر عطلة السيارات