موتور لادا نيفا

[Eq3la]

السـلام عليكم ورحمة الله وبركاتة ..

انا اول مرة ادخل قسم اللادا ودة لآنى لسة شارى لادا نيفا . ( رحبو بيا :p )

المهم يا رجالة : الموتور عندى بعافية شوية :d هى نيفا موديل 94 - المكنة اللى فيها 1600 بس طالع عنيها ,, عايز اغيرها بمكنة يكون عزمها شديد و بتجرى وناعمة اعمل ايه !

وعايز اظبط فيها شوية كشكل و فرامل وكده :d ويا ريت لو حد عارف اسعار يقولى

[mirra]

يا اهلا و سهلا يا باشا..نورت القسم و ان شا الله الخبراء يردوا على سعادتك بالجواب الشافى.

[Eq3la]

ربنا يخليك يا معلم <3 ,, بس واضح من القسم ميت شوية :d انا فرحت لما لقيت حد رد

[عرين الأسد]

نورت يا كبير . هو انت لسه شوفت حاجة ؟ ده انت هتلاقي الردود نازلة زي الروز .
بالمناسبة حضرتك اشتريت العربية بكام ؟ وهل النيفا زي ما بيقولو بتشرب بنزين كتير ؟ وايه تقيمك ليها ؟

[micom]

متابع باهتمام

[ahmscu]

بص ياكبير،مادمت بتقول عربيتك بعافيه شويه يبقى تسيبك خالص من موضوع الشكل دلوقتى،ظبط الميكانيكا الاول وبعدين ربك يسهل
،عمرة موتور النيفا بتعمل حوالى ٣ الاف جنيه وفيه عضو محترم عامل بوست لقطع الغيار والتكلفه بالتفصيل.
لو موتورك معمر قبل كده يبقى يفضل تجيب موتور استيراد( وابقى قابلنى لو لقيت موتور كويس) لو معمرش قبل كده يبقى تعمره.
باقى العفشه والميكانيكا هتروح لمحمد طلبه اللى فى الوراق وهيكشفلك عليهت ويقولك المطلوب.
عمود الكردان والكرونة عند محمد كمال اللى فى الظاهر ،وتظبيط التاكيهات عند طلبه او حماصه اللى فى فم الخليج
اما الكاربراتير(وما ادراك مالكربراتير) عند مركز الصفا اللى فى جسر السويس(بس غالى حبتين)

[tito32]

يا اهلا و سهلا يا باشا..نورت