مساعدة

[عبدالرحمن رشدى]

فى قدامى لادا 2107 روسى موديل 2008 طالب 37الف فابريكة برة وجوا انا اول مرة اسوق ولا استنى واجيب لادا جرانتا الجديدة وانا لسة طالب فى كلية حقوق يعنى معنديش وقت للتصليح اعمل ايه

[ايمن فهمى]

موديل 2008 يعنى حالتها كويسه بس بشرط انك تكشف عليها كويس جدا كا ميكانيكه واساسات
خاصه انك من الاسكندريه وانا بخاف شويتين من عربيات السواحل علشان البارومة
ونصيحه طالما انتا سواق جديد خليك فى المستعمل على الاقل سنتين علشان فى الجديد تعرف تتصرف لو حصل حاجه لاقدر الله
وبالتوفيق

[a7medsh3rawi]

اشترى اللادا 2107 دلوقتى واتعلم سواقه عليها
خلى بالك ان العربيه دى ما فيهاش اى وسائل امان
يعنى ما تجريش بيها ولا تاخد غرز وامشى براحتك
ولما ربنا يكرمك و تسوق كويس ابقى بيعها

[J A G U A R]

حرام تدفع المبلغ ده فى لادا
ده غير انها متعبه فى القياده

رأيي تشوف لانوس نظيفه افضل بمراحل

[Zing0]

رأيي تشوف لانوس نظيفه افضل بمراحل

فيه لانوس بـ 37 ألف ؟؟؟
أعتقد ممكن أكسنت , إنما لو لانوس تبقى أفضل طبعاً

[J A G U A R]

فيه لانوس بـ 37 ألف ؟؟؟
أعتقد ممكن أكسنت , إنما لو لانوس تبقى أفضل طبعاً

انا اقصد يزود 3000 ويجيب لانوس