إعـــــــلان

**Zing0** · 18-10-2014, 12:03 AM

المروحة على سير الدينامو أريح من الكهربا و مشاكل توقفها المفاجئ
بس هتخلى العربية تستهلك بنزين أكتر, خاصة فى الشتاء لإن المكنه بتستهلك بنزين أقل لما توصل لدرجة حرارتها الطبيعية (90 درجة تقريباً)
و ده بيكون أسرع مع المروحة الكهربا فى حين المروحة عالطنبورة بيكون التبريد بمجرد التشغيل , فالوصول لدرجة الحرارة الطبيعية بيكون فى فترة أطول
(ده طبعاً بخلاف السحب الأقل و أحياناً التقطيع و ....)

إنما الكهربا مبتشتغلش غير لما المكنه تحتاجه تشتغل و بالقدر المطلوب

و إنت عارف اللادا مش محتاجه توصية عالبرجلة و التقطيع

**hugan** · 18-10-2014, 12:15 AM

طبعا مروحه سير افضل
بتغيرها ببتاعت ميكروباص تويوتا 6 ريشه
فعلا مشكلتها في الشتاء كانت بتخلي الشاهين تلاجه
لكن
اريح من وجع الدماغ والسخونه بتاعت المروحه الكهرباء
المروحه الكهرباء كانت بتعمل هبوط في الموتور بطريقه غريبه

**abokoko** · 18-10-2014, 12:32 AM

معلشي
كمان سؤال
الطنبورة الاصغر
هل بيتغير معها السير بمقاس جديد ولا نفس السير بيتشد عليه

**A7medelfe2y** · 22-10-2014, 09:02 PM

انا معايا 3 تاكسيات لادا ومشغلهم كلهم علي سير بس هي هتعمل صوت وهتخلي العربيه تسخن بصعزبه بس بردوه احسن

**ahmscu** · 23-10-2014, 04:31 PM

بصراحه انا كان ليا تجربه مختلفه مع موضوع المروحة:
انا عندى الادا المكيفه فطبعا موضوع المروحه على الطمبوره مستحيل لان المكان ضيق جدا والريداتير الومنيوم عشان رفيع وادامه السربنتينه.
انا جبت مروحة تكيف اكسنت ٨ ريشه ب٥٠ جنيه من بورسعيد بس طبعا فكيت الريداتير وخدته معايا عشان اقيس وشغلتها على السرعه العاليه بس وغيرت السلوك باتخن والحمد لله ماشيه معايا زى الفل والتكيف فى الزحمه ماشاء الله ولا سخونه ولا حاجه الا لو الجو حر جدا وزحمه قوى ومشغل التكيف فممكن تسخن شويه وقبل كده طبعا لغيت خرطوم المايه اللى طالع من الموتور على الصالون

**abokoko** · 23-10-2014, 05:04 PM

المشاركة الأصلية كتبت بواسطة ahmscu مشاهدة المشاركة

بصراحه انا كان ليا تجربه مختلفه مع موضوع المروحة:
انا عندى الادا المكيفه فطبعا موضوع المروحه على الطمبوره مستحيل لان المكان ضيق جدا والريداتير الومنيوم عشان رفيع وادامه السربنتينه.
انا جبت مروحة تكيف اكسنت ٨ ريشه ب٥٠ جنيه من بورسعيد بس طبعا فكيت الريداتير وخدته معايا عشان اقيس وشغلتها على السرعه العاليه بس وغيرت السلوك باتخن والحمد لله ماشيه معايا زى الفل والتكيف فى الزحمه ماشاء الله ولا سخونه ولا حاجه الا لو الجو حر جدا وزحمه قوى ومشغل التكيف فممكن تسخن شويه وقبل كده طبعا لغيت خرطوم المايه اللى طالع من الموتور على الصالون

حضرتك
مروحة تكييف الاكسنت
هل هى الوحيده اللى مركبها عندك
ولا مركب 2 مروحة كهرباء

كمان هو حضرتك بتتكلم على مروحة الاكسنت ب50 جنيه
مروحة + موتور + قفص
ولا ايه بالضبط

معلش
رجاء التفاصيل ولو اضفت الصور يبقي افضل

شكرا لحضرتك

**ahmscu** · 24-10-2014, 04:42 AM

هما فعلا مروحتين،واحده ادام السربنتينه بتاعة التكيف ورا الشبكه ودى زي بتاعة تكيف الانوس بس واحده مش اتنين وهى يابانى و التانيه على الريداتير ودى الاساسيه طبعا والاكبر والاتنين بيشتغلوا ويفصلوا مع بعض.
ايوه حضرتك مروحه كامله اطش بالموتور والقفص و ٨ ريشه وسرعتين كمان ب ٥٠ جنيه وعلى التجربه كمان بس بعدها بتروح لاى حداد بيعملك ٤ او ٥ قطع حديد صغيرين ب ١٠ جنيه عشان تثبت المروحه فى الريداتير وممكن تتفك تانى عادى فى اى وقت.
هحاول انزلكم الصور ان شاء الله قريب

Comment

إعـــــــلان

.

ايهما افضل - مروحة على السير - ولا - مروحة كهرباء

ايهما افضل - مروحة على السير - ولا - مروحة كهرباء

Comment

Comment

Comment

Comment

Comment

Comment

Comment