كرسى السواق

[besokate]

محتاج بشكل عاجل وضرورى
لو حد عندة كرسى السواق لعربيه ﻻدا اصله اتكسر عندى ولحمته كتييير وخﻻص جاب اخرة او حد يعرف مكان بيتباع فيه يقدر يفيدنى

[ahmscu]

الاطروش اللى على البحر فى الوكالة جنب مول اركاديا

[mossallem]

بص يا باشا نفس الموقف حصل معايا من شهر وروحت جيت كرسي من عند الاطرش اللي في الوكاله يالظبط جنب وزاره الخارجيه جبت كرسي دايو نوبيرا فابريكا 100% وكان عليه كسوه لما شلتها لاقيت الكرسي نضيف جدا ب 300ج وروحت لسروجي ركبه بس هو احتاج انه يعدل القواعد بتاعته وظبط الدنيا وخد 100ج والكرسي مريج جدا
مع اني كنت عايز اجيب كرسي لادا بس لاقيت دا احسن وانشاء الله هحاول اجيب كرسي شمال علشان تبقي الدنيا حلوه

تاني حاجه حضرتك ممكن تروح للسروجي او سمكري يلحملك الكرسي وينقله مكان الكرسي الشمال ويركب التاني مكانه
بس المريح هاتلك كرسي
اه نسيت اقولك انا الاطرش كان عنده كرسي لادا فابريكا بس حديد وسوست بس قالي خده وخالي السروجي يركبلك فرش بس انا مكنتش فاضيلو لو روحتلو فاصل معاه علي قد ماتقدر انا نزلت منه 150جنيه ورينا معاك ولو في اي استفسار تاني انا موجود

[besokate]

شكرا لحضرتك

[mossallem]

لا شكر علي واجب وربنا يوفقك