استفسار

[أبو يحيى]

السلام عليكم
لى استفسار لو سمحتوا كنت عاوز أعرف الخرطوم الرفيع اللى موصل من طبق صغير أسفل الاسبراتير ( موزع الكهرباء ) ورايح لبنز أسفل العمة ده فايدته ايه وحاجه كمان خرطوم فايظ بخار الزيت اللى طالع من الموتور للعمة هل وجوده أصح ولا شيله أصح
أفادكم الله ولكم جزيل الشكر

[أبو يحيى]

السلام عليكم
صباح الفل ايه يا حبايبنا 98 مشاهدة ولا رد واحد

[ahmscu]

بص ياباشا الخرطوم الصغير ده اسمه خرطوم المنفولد وده المفروض وظيفته انه بيعلى كهربة العربيه لما ضغط الهوا اللى داخل الكربراتير واللى هيتخلط بالبنزين يقل فالاسبراتير يعلى الكهربا فالعربيه ماتهبطش او ماتطفيش وده المتر بحوالى ٥ جنيه بس للامانه انا بشيله واحطه تانى ولا بيحصل اى تغيير بس العربيه بتكون مضبوطه عندى.
بالنسبة لخرطوم الفايظ فهو فيه فى نهايته مصفاه سلك بتوع الكاربراتير يقولك شيله ده بيبوظ الكربراتير والميكانيكيه مابيرضوش ويقولك مادام الخواجه عامل كده يبقى هو صح ده غير ان كل العربيات الجديده مش مفكوك فيها والله اعلم طبعا

[أبو يحيى]

بص ياباشا الخرطوم الصغير ده اسمه خرطوم المنفولد وده المفروض وظيفته انه بيعلى كهربة العربيه لما ضغط الهوا اللى داخل الكربراتير واللى هيتخلط بالبنزين يقل فالاسبراتير يعلى الكهربا فالعربيه ماتهبطش او ماتطفيش وده المتر بحوالى ٥ جنيه بس للامانه انا بشيله واحطه تانى ولا بيحصل اى تغيير بس العربيه بتكون مضبوطه عندى.
بالنسبة لخرطوم الفايظ فهو فيه فى نهايته مصفاه سلك بتوع الكاربراتير يقولك شيله ده بيبوظ الكربراتير والميكانيكيه مابيرضوش ويقولك مادام الخواجه عامل كده يبقى هو صح ده غير ان كل العربيات الجديده مش مفكوك فيها والله اعلم طبعا

شكرا لاهتمام سيادتك و الرد
بس فيه سؤال بالنسبة للخرطوم الرفيع بتاع الاسبراتير عربية حضرتك بتتظبط لما بتشيله ولا لما بيبقى راكب
ولكم جزيل الشكر

[ahmscu]

شكرا لاهتمام سيادتك و الرد
بس فيه سؤال بالنسبة للخرطوم الرفيع بتاع الاسبراتير عربية حضرتك بتتظبط لما بتشيله ولا لما بيبقى راكب
ولكم جزيل الشكر

مانا بقول لحضرتك انى بجرب اشيله واركبه تانى مابيحصلش اى تغيير فى العربيه،بس انا جربت مره انى اشيله من ناحية الكاربراتير وشفطت ببقى جامد لقيت العربيه كهربتها بتعلى،هو ممكن يكون ليه فايده فى حالات تانيه وياريت حد يرد علينا فى الموضوع ده

[Zing0]

بص ياباشا الخرطوم الصغير ده اسمه خرطوم المنفولد وده المفروض وظيفته انه بيعلى كهربة العربيه لما ضغط الهوا اللى داخل الكربراتير واللى هيتخلط بالبنزين يقل فالاسبراتير يعلى الكهربا فالعربيه ماتهبطش او ماتطفيش وده المتر بحوالى ٥ جنيه بس للامانه انا بشيله واحطه تانى ولا بيحصل اى تغيير بس العربيه بتكون مضبوطه عندى.
بالنسبة لخرطوم الفايظ فهو فيه فى نهايته مصفاه سلك بتوع الكاربراتير يقولك شيله ده بيبوظ الكربراتير والميكانيكيه مابيرضوش ويقولك مادام الخواجه عامل كده يبقى هو صح ده غير ان كل العربيات الجديده مش مفكوك فيها والله اعلم طبعا

كلام مضبوط 100%
ألف شكر على المعلومة المفيدة أخى الفاضل

أحب أضيف ....
الخرطوم الرفيع ده إسمة خرطوم الأدفانس و الصنايعية بيسموه (الأبانص), عادى كل واحد و علامه
و ظيفته تقديم صينية الإسبراتير من خلال ضغط الهوا اللى بيطلع من الكربراتير (جنب مسمار الهوا) عند السرعات العالية لتحسين الحرق و السحب للبنزين اللى داخل الكربراتير بالكامل (لإن مع السرعة العالية مش كل البنزين بيتحرق و بيطلع جزء نيئ منه مع العادم)
لو صينية الإسبراتير عندك سليمة (مش مبوشة) يبقى توصله أفضل
لو بايظة يبقى بلاش لحد متغيرها علشان الأبلاتين ميلدعش بسرعة

[ahmscu]

كلام مضبوط 100%
ألف شكر على المعلومة المفيدة أخى الفاضل

أحب أضيف ....
الخرطوم الرفيع ده إسمة خرطوم الأدفانس و الصنايعية بيسموه (الأبانص), عادى كل واحد و علامه
و ظيفته تقديم صينية الإسبراتير من خلال ضغط الهوا اللى بيطلع من الكربراتير (جنب مسمار الهوا) عند السرعات العالية لتحسين الحرق و السحب للبنزين اللى داخل الكربراتير بالكامل (لإن مع السرعة العالية مش كل البنزين بيتحرق و بيطلع جزء نيئ منه مع العادم)
لو صينية الإسبراتير عندك سليمة (مش مبوشة) يبقى توصله أفضل
لو بايظة يبقى بلاش لحد متغيرها علشان الأبلاتين ميلدعش بسرعة

كلام حضرتك تمام لانه فعلا فى السلانسيه مابيعملش اى تغيير ،كده الامور وضحت،وبكده هو فعلا بيحافظ على الموتور من البنزين النى وبيساعد على الحرق وبيضبط العربيه على السرعات العاليه واكيد بيوفر فى البنزين،
يوضع سره فى اضعف خلقه

[أبو يحيى]

السلام عليكم
شكرا لردود حضراتكم واخر حاجة بقى خرطوم فايظ بخار الزيت شيله أفيد أم تركيبه لأن نص مصر تقولك شيله والنص الأخر يقولك سيبه راكب احسن فايه رايكو افادكم الله