مشكله في المارش

[ahmdmagdy]

السلام عليكم
انا عندي مشكله في المارش بقالها مده بس اليومين اللي فاتوا زادت و هي اني لما ادور العربيه بسمع صوت اكنه صرخه و افضل احاول يجي ٣ابو ٤ مرات عشان المارش يشتغل يا تري ده عيب ايه و شكرا لكم

[Mecha]

ااوتوماتيك وشربون

[ahmdmagdy]

شكرا ليك طيب ده يكون شغل الميكانيكي و لا الكهربائي و التكلفه في حدود كام

[Mecha]

انا افتكرت انك عاوز تحل المشكله بنفسك ,تشتري الحجات وتركبها

[Sherif Mandoor]

شغل كهربائى
تقريبا ترس البندكس

[ahmdmagdy]

انا افتكرت انك عاوز تحل المشكله بنفسك ,تشتري الحجات وتركبها

طيب هو تغيير الحاجات دي سهل ان الواحد يغيرها بنفسه و لا يحتاج لكهربائي

[Mecha]

مش صعب تحل المارش ,مربوط في العربيه بمسمارين تلاته
وبقيه الحل مش صعب معاك مفاتيح ولقم ومفكات
ولما تحل المارش علي الارض هيبان ترس النبدكس متاكل وتبص علي ترس الحدافه
ناس كتير بتريح دماغها وتحط مارش جديد ,بيعيش جدا

[محمود السيد]

ترس بندكس اكيد وممكن يكون عندك مشكلة كمان ففيشة الكونتك

[Mecha]

ترس بندكس اكيد وممكن يكون عندك مشكلة كمان ففيشة الكونتك

لو فيه مشكله في فيشة الكونتاك مش هيسمع اي حاجه ثم فجأه تدور
العيب في المارش

[محمود السيد]

لو فيه مشكله في فيشة الكونتاك مش هيسمع اي حاجه ثم فجأه تدور
العيب في المارش
لا هيسمع صوت لان فيشة الكونتك هى الى بتشغل المارش مع الاوتوماتك فى توقيت واحد وبعد كدة بتفصل عنهم الكهربة ( الى هى الصنايعى اما يقولك هات سنة كونتك ) سنة الكونتك الاولنية الخاصة بتوصيل الكهربة للعربية كلها اما السنة التانية هى الخاصة بالمارش والاوتومتك وبعدين تفصل

[Mecha]

لو فيه مشكله في فيشة الكونتاك مش هيسمع اي حاجه ثم فجأه تدور
العيب في المارش
لا هيسمع صوت لان فيشة الكونتك هى الى بتشغل المارش مع الاوتوماتك فى توقيت واحد وبعد كدة بتفصل عنهم الكهربة ( الى هى الصنايعى اما يقولك هات سنة كونتك ) سنة الكونتك الاولنية الخاصة بتوصيل الكهربة للعربية كلها اما السنة التانية هى الخاصة بالمارش والاوتومتك وبعدين تفصل

حضرتك الكلام دا مش مضبوط
طول مانت دايس علي المفتاح start ,اشاره تطلع من الطبله علي الريليه علي الاتماتيك , اللي هو نفسو سويتش يدخل التيار العالي من البطاريه
للمخدات او الريليكتور فيدور المارش ,الدايره تفضل شغاله كدا لحد ما تسيب المفتاح
وعموما اقدر اختبر الطبله بسهوله اني اشوف الكهربا حاضرة علي ترملة الدواره طول ما هو دايس ,الطبله غالبا عمرها طويل

[ahmdmagdy]

النهارده رحت للكهربائي و طلع العيب من الترس و قالي المارش اللي راكب عندك الترس بتاعه بيعمل ١٠٠ جنيه و كمان مش هيعيش ف قالي الاحسن انك تشتري مارش استعمال هيكون احسن و شكرا لكم جميعا

[abdoulrhman]

المارش بيبدأ من 150 جنيه وخلي القديم قطع غيار احسنلك

[ahmdmagdy]

الحمد لله غيرت المارش بواحد استعمال جبته ٢٥٠ جنيه و الكهربائي خد ٢٠ جنيه و بقيت العربيه تدور من اول تكه

[besokate]

اسمع كلامى وهترتاح \
هات مفتاح 13 واربط المسمارين اللى ماسكين المارش وهيبقى زى الفل