طقم شنبر

[mossallem]

كنت اود ان اعرف كم يتكلف عمل طقم شنبر لسياره لادا 2105

[فارس الواحة]

ممكن حد يفيدنا ؟؟؟

[mossallem]

بص يا باشا انا الحمد لله عملت طقم شنبر وكده والدنيا كانت بايظه خالص والدخنه كانت بتدخل عليا الصالون والماتور صوته كان عالي
واتكلفت 1500 ج

[فارس الواحة]

بص يا باشا انا الحمد لله عملت طقم شنبر وكده والدنيا كانت بايظه خالص والدخنه كانت بتدخل عليا الصالون والماتور صوته كان عالي
واتكلفت 1500 ج

عربيتك نوعها ايه ؟ وبخصوص لادا 2105 هيتكلف كام ؟

[mossallem]

بص يا باشا انا عربيتي 2102 مو 95 ولكا سالت الميكانيكي هتتكلف كام قالي معرفش ولازم افك بس انا سالت ناس اعرفها وقالولي في حدود 1000 او 1200 ولما فكيت العربيه اتكلفت 1500 لان الميكانيكي شاف حاجات بايظه كتير ومكنش عايز يعمل اي كلام
والحمد لله عملت شغل مظبوط

وده كل اللي انا جبته ساعتها

عمود كاما 250 ج
طقم شواكيش 160ج
طقم شنبر 95
جوانين وش سلندر عاده 40
4 بوجيهات 40ج
ابلاتين و كوندنسر 25
فلتر زيت 15
2 ىجوان شكمان 5ج
طقم صباب 150ج
خرط نصف الماتور العلوي 220ج
جوان غطا الماتور 25ج
زيت تعاون (للتلين) 55ج
زيت شل 2000 ك 85ج


مصنعيه 300 ج
غسيل كيماوي بره وجوه والفرش 100 ج في محطه وطنيه

[فارس الواحة]

طيب اللى هشترى منه بيقولى هتغيرلها طقم شمبر بس على اخر الصيف ، معنى كدا انى هحتاج اعمل كل اللى انت عملته ولا لا ، و اعرف حالة الموتور اثناء الشراء ازاى لانى مقدرش افكه ؟ وبعدين
الطلبات دى انتى اللى جبتها لميكانيكى ولا هوا اللى اشتراها ؟

[Abo_Mazen]

طيب اللى هشترى منه بيقولى هتغيرلها طقم شمبر بس على اخر الصيف ، معنى كدا انى هحتاج اعمل كل اللى انت عملته ولا لا ، و اعرف حالة الموتور اثناء الشراء ازاى لانى مقدرش افكه ؟ وبعدين
الطلبات دى انتى اللى جبتها لميكانيكى ولا هوا اللى اشتراها ؟

بص ياباشا ..المكنه بتاعة العربية زي البطيخه ..الزميل اللي عمل طقم الشنبر وكلفته 1500 ..ده نصيبه كده ..عشان هو اللي كان فيها من مشاكل كلفه كده ..أنا أعرف واحد فك المكنه عشان يعمل طقم شنبر وكان عامل حسابه على 400 جنيه ..زي ما اللي باعله العربيه قاله ..صرف 4000 جنيه ..فتح المكنه لقاها عايزه مكنه ..غير كل حاجه من الألف إلى الياء في المكنه ..الحاجه الوحيده اللي متغيرتش الشورت بلوك ..ده حتى غير غطا التاكيهات عشان كان مقفع وكان معموله حشو بورق كرتون ..المكنه تتفتح ..وتاخد قرار من أول يوم إتفتحت فيه ..يا تكمل عمرتك ..يا تغير وتسقط مكنه ..إشترى عربيه تكون حالتها كويسه من صاج ومكنه وغيره ..تكييف عايز يتشحن ..دي الكلمة اللي بيكتبها البايع في الإعلان ..ولما تشتري تلاقي التكييف عايز يتغير كله ..فيها خبطة بسيطة تترد على البارد ..دي الكلمة اللي بتتكتب في الإعلان ..ولما تشتري تلاقي العربيه كلها مسوسة ..عايزه طقم شنبر فقط ..ولما تشتري تلاقيها عايزه مكنه ..مش ده اللي بيحصل برضه ولا إيه ؟؟؟؟؟؟

[فارس الواحة]

بص ياباشا ............................

مشكور لردك ، والله حيرتى زادت اكتر ، ياريت كان فيه امانة فى التعامل ، طيب ينفع اسيب مبلغ و اقوله هبص على الماكينة الاول ، أفتحها يعنى ؟

[Abo_Mazen]

مشكور لردك ، والله حيرتى زادت اكتر ، ياريت كان فيه امانة فى التعامل ، طيب ينفع اسيب مبلغ و اقوله هبص على الماكينة الاول ، أفتحها يعنى ؟

وده كلام برضه ؟؟؟؟!!!!...فيه حد بيشتري كده برضه ؟؟؟!!!!!...وبعدين هتحجز كام من الفلوس على ما تكشف على المكنه ..هتحجز أربع تلاف جنيه مثلا ...وبعدين حتى لو حجزت مبلغ ..ما هو هيدخلك بقى في شوارع وحواري على شاكلة طيب مش هعمل التوكيل غير لما تخلص الفلوس اللي عليك ..أصلي مش هجيب شهادة مخالفات غير لما تاخد قرار نهائي في البيعة دي وتقولي ناوي تشتري ولا لأ ...وبعدين ندخل بقى في حوارات طب هتحجز كام ..طب هتدفع كام ..طب أصل العربيه مش عارف مالها ..بقولك إيه ياباشا ..هي البيعة كده على بعضها ..يا تخلص فيها على بعضها ..يا تسيبها على بعضها ..وده رأيي بصراحه ..شوف كده لو تعرف تنزل في سعر العربيه الفين مثلا ..علي أساس إنها لو فتحت في الأربع تلاف يبقى كده الخسارة جايه بالنص ..يبقى إنت حطيت ألفين بس ..ولو جت في الفين يبقى إنت كده مخسرتش حاجه ..شوف كده وحاول ...ب

[mossallem]

طيب اللى هشترى منه بيقولى هتغيرلها طقم شمبر بس على اخر الصيف ، معنى كدا انى هحتاج اعمل كل اللى انت عملته ولا لا ، و اعرف حالة الموتور اثناء الشراء ازاى لانى مقدرش افكه ؟ وبعدين
الطلبات دى انتى اللى جبتها لميكانيكى ولا هوا اللى اشتراها ؟

بص يا باشا انا اللي اشتريت كل حاجه

[mossallem]

بص ياباشا ..المكنه بتاعة العربية زي البطيخه ..الزميل اللي عمل طقم الشنبر وكلفته 1500 ..ده نصيبه كده ..عشان هو اللي كان فيها من مشاكل كلفه كده ..أنا أعرف واحد فك المكنه عشان يعمل طقم شنبر وكان عامل حسابه على 400 جنيه ..زي ما اللي باعله العربيه قاله ..صرف 4000 جنيه ..فتح المكنه لقاها عايزه مكنه ..غير كل حاجه من الألف إلى الياء في المكنه ..الحاجه الوحيده اللي متغيرتش الشورت بلوك ..ده حتى غير غطا التاكيهات عشان كان مقفع وكان معموله حشو بورق كرتون ..المكنه تتفتح ..وتاخد قرار من أول يوم إتفتحت فيه ..يا تكمل عمرتك ..يا تغير وتسقط مكنه ..إشترى عربيه تكون حالتها كويسه من صاج ومكنه وغيره ..تكييف عايز يتشحن ..دي الكلمة اللي بيكتبها البايع في الإعلان ..ولما تشتري تلاقي التكييف عايز يتغير كله ..فيها خبطة بسيطة تترد على البارد ..دي الكلمة اللي بتتكتب في الإعلان ..ولما تشتري تلاقي العربيه كلها مسوسة ..عايزه طقم شنبر فقط ..ولما تشتري تلاقيها عايزه مكنه ..مش ده اللي بيحصل برضه ولا إيه ؟؟؟؟؟؟

انا مع راي الاستاذ m_m_sh_a
انا لما كنت بروح لحد كان بيقولي عربيتك لسه في الاول بس لما فكيت اتصدمت انا والميكانيكي
العربيه كانت متلصمه
ف انا رائي انك خصم من تمن العربيه 3 الاف ج
ويا اما تاخد حد ميكانيكي خبره معاك وبرضه نزل في تمن العربيه

وبلاش تسيب فلوس للراجل
وبلاش تقوله اعملهالي انت لانه ممكن يلصم الدنيا ويعكها اكتر
ولازم تقتنع ان الماتور ده بطيخه فعلا

[فارس الواحة]

انا مع راي الاستاذ m_m_sh_a
..........
ولازم تقتنع ان الماتور ده بطيخه فعلا

بس على الاقل البطيخة ممكن الواحد يفتحها و هوا بيشتريها لكن الموتور لا ههههههههههه ، عموما معايا ميكانيكى و هحاول اشوف دخان الشكمان و ابص على البوجيهات يارب الاجراءات دى تعرفنى الوضع التقريبى .