صوت غريب فى العجلة أمام شمال

[أبو يحيى]

السلام عليكم
فيه صوت غريب ظهر فى العجلة شمال أمام ( صوت زى مايكون سن سكاكين ) والغريب فى الموضوع
انه ساعات يختفى لوحده و يظهر تانى وغير مرتبط لا بمطبات ولا دوس فرامل علما بأنى غسلت تيل الفرامل وصنفرته والتيل بحالة جيدة فما هى احتمالات السبب
أرجوكم يا جماعة الافادة لأن الصوت لما بييجى بيبقى مزعج جدا ( وبلاش 100 مرور أو أكثر دون مشاركة واحدة ) عشان الكل يستفيد وجزاكم الله خيرا

[أبو يحيى]

السلام عليكم
ايه يا جماعة 37 مشاهدة لحد دلوقتى ومفيش ولا مشاركة واحدة يعنى مفيش حد مر عليه مشكلة زى دى قبل كده
أو حد عنده خبرة فى حاجة زى دى قبل ما نقع فريسة الصانيعية
أقترح أن يأخذ قسم اللادا أنشط قسم فى الموقع
جزاكم الله خيرا

[demonarundo]

أولا عشان حد يحكم , لازم يسمع الصوت بنفسه , ثانيا لازم العجلة تتفك ويتبص على مصدر الصوت

[exelence]

السوستة مضغوطة

[Abo_Mazen]

طيب ما تغير التيل ده أصلا ..أصل إيه الحديد اللي بيحك في حديد في العجل قدام وصوته باين غير صوت التيل

[ahmed p880]

كان معاى عربيه فيات زمان وكان حصل معاى حاجه زى كده
فيه صاجه خلف الطمبورة هى اللى بتحك وبتعمل الصوت ده كنت بزقها باى عصايه ادخلها لجوة والصوت يروح وبيرجع تانى
وده كسل مش اكتر لحد ما زهقت منها وفكتها ومخدنش 10 دقايق

http://www.nilemotors.net/Nile/86228-a.html

[أبو يحيى]

كان معاى عربيه فيات زمان وكان حصل معاى حاجه زى كده
فيه صاجه خلف الطمبورة هى اللى بتحك وبتعمل الصوت ده كنت بزقها باى عصايه ادخلها لجوة والصوت يروح وبيرجع تانى
وده كسل مش اكتر لحد ما زهقت منها وفكتها ومخدنش 10 دقايق
http://www.nilemotors.net/nile/86228-a.html

السلام عليكم
فعلا ممكن يكون ده سبب المشكلة لأن الصوت بيروح والدنيا تمام وفجأة ييجى لكن حل هذه الصاجة سهل وممكن أنا أعمله ولا لازم أروح لعفشجى
شكرا لكل الردود وجزاكم الله خيرا

[ahmed p880]

انا اللى كنت عملتها
حلها سهل لو انت غاوي
يا تكبر دماغك وروح لعفشجي مش هياخد 10 او 20 جنيه بالكتير