رائحة بنزين نى فى العادم

[أبو يحيى]

السلام عليكم
الأخوة الأفاضل بشم ريحة بنزين نى فى العادم وخصوصا فى الصباح وفيه هباب فى الشكمان
مع العلم ان الموتور بيعرق مياه فى الصباح وعداد الأر بى ام مظبوط على 800 والموضوع ده لسة جديد والعربية كانت زى الفل وفجأة لقيت موضوع هباب الشكمان وريحة البنزين النى دى
يبقى كده ايه الحكاية
لكم جزيل الشكر

[Ayman_Amer]

متابع

[Mecha]

شفت البوجيهات والموبينه ,الاسبيراتير لو فيها ؟؟

[sakr_skoda]

اكشف على البوجيهات هى الوحيدة اللى ممكن تعمل المشكلة دى**

[أبو يحيى]

اكشف على البوجيهات هى الوحيدة اللى ممكن تعمل المشكلة دى**

شكرا لكل الردود
البوجيهات كنت مركبها من حوالى شهرين هو كده كتير عليها
ولا يكون فيها ايه أنا كنت مركب نوع اسمه skg ,أو حاجة زى كده وبتاع قطع الغيار قال لى ده
نوع يابانى ممتاز
ولافيه نوع تانى أحسن منه
جزاكم الله خيرا

[sakr_skoda]

شكرا لكل الردود
البوجيهات كنت مركبها من حوالى شهرين هو كده كتير عليها
ولا يكون فيها ايه أنا كنت مركب نوع اسمه skg ,أو حاجة زى كده وبتاع قطع الغيار قال لى ده
نوع يابانى ممتاز
ولافيه نوع تانى أحسن منه
جزاكم الله خيرا

اللى حضرتك مركبهم ماركة ngkودى فيه منها مضروب مالى السوق المصرى المحترم واكيد اللى انتا مركبهم مضروبين فى نوع فرنساوى وفيه نوع المانى **

[أبو يحيى]

اللى حضرتك مركبهم ماركة ngkودى فيه منها مضروب مالى السوق المصرى المحترم واكيد اللى انتا مركبهم مضروبين فى نوع فرنساوى وفيه نوع المانى **

جزيل الشكر لسيادتك على المعلومة
ممكن أعرف ازاى انها أصلية أو مضروبة لأن بصراحة اللى بجيب من عنده قطع الغيار بتعامل معاه من فترة والمفروض انه مصدر ثقة ( وأكد لى ان دى أحسن حاجة عنده ) فأنا أعرف المضروب من الأصلى ازاى جزاكم الله خيرا

[sakr_skoda]

جزيل الشكر لسيادتك على المعلومة
ممكن أعرف ازاى انها أصلية أو مضروبة لأن بصراحة اللى بجيب من عنده قطع الغيار بتعامل معاه من فترة والمفروض انه مصدر ثقة ( وأكد لى ان دى أحسن حاجة عنده ) فأنا أعرف المضروب من الأصلى ازاى جزاكم الله خيرا

للاسف التزييف وصل الى مستوى انك مستحيل تفرقة عن الاصلى لاكن لو عاوز اصلى اشترى من توكيل ngk او اى توكيل مثلا دانسو او بيرو متشتريش البوجيهات من بتوع قطع الغيار***

[أبو يحيى]

للاسف التزييف وصل الى مستوى انك مستحيل تفرقة عن الاصلى لاكن لو عاوز اصلى اشترى من توكيل ngk او اى توكيل مثلا دانسو او بيرو متشتريش البوجيهات من بتوع قطع الغيار***

السلام عليكم
عنوان توكيل nkg بيكون فين بالضبط وبيكون سعره كام تقريبا عشان أنا كنت شارى الطقم اللى مركبه ده ب 40 جنيه
ولكم جزيل الشكر

[محاسب صعيدى]

متابع

[Zing0]

عنوان توكيل nkg بيكون فين بالضبط وبيكون سعره كام تقريبا عشان أنا كنت شارى الطقم اللى مركبه ده ب 40 جنيه
ولكم جزيل الشكر

فى المعادى - شارع النصر - قبل مكتبة المعادى لو أنت جاى من الأوتوستراد - الشارع اللى جنب توكيل سيارات فاو (كيا سابقاً) - توكيل التوفيق و البوجيهات عنده بتتباع حسب موديل العربية (علشان ليها أرقام) و أعتقد عليها ضمان و سعرها زى السوق تقريباً.

لو هتروح مواصلات, تنزل محطة مترو الثكنات و تآخد مينى باص البساتين (بـ 1 ج) و تقول للسواق ينزلك عند توكيل فاو.
أو تنزل المعادى (ناحية السوق) و تركب أى ميكروباص طالع البساتين أو صقر بس تأكد علية من الأول عاوز أنزل توكيل فاو (علشان ساعات بيختصروا الطريق من ورا النادى و يطلعوا عالميدان على طول)

و أى خدمة

[أبو يحيى]

فى المعادى - شارع النصر - قبل مكتبة المعادى لو أنت جاى من الأوتوستراد - الشارع اللى جنب توكيل سيارات فاو (كيا سابقاً) - توكيل التوفيق و البوجيهات عنده بتتباع حسب موديل العربية (علشان ليها أرقام) و أعتقد عليها ضمان و سعرها زى السوق تقريباً.

لو هتروح مواصلات, تنزل محطة مترو الثكنات و تآخد مينى باص البساتين (بـ 1 ج) و تقول للسواق ينزلك عند توكيل فاو.
أو تنزل المعادى (ناحية السوق) و تركب أى ميكروباص طالع البساتين أو صقر بس تأكد علية من الأول عاوز أنزل توكيل فاو (علشان ساعات بيختصروا الطريق من ورا النادى و يطلعوا عالميدان على طول)
جزيل الشكر لسيادتك أنا ان شاء الله هحتفظ بالعنوان ده واجيبهم من التوكيل المرة الجاية
لأن المرة دى ناس جيراننا وصفولى نوع كويس ومجرب لديهم اسمه ( دينسو denso) هو نوع يابانى وعلبته زرقاء وسعر الطقم ( الأربعة ) ب 45 وأنا اشتريته وركبيه بالفعل والعريبة بقت كويسة والحمد لله
شكرا لكل الردود والمداخلات

و أى خدمة