جلب مقص + لحام + مقص

[abokoko]

كنت غيرت الجلب وتم تبنيط الجلب باللحام فى المقص

http://www.nilemotors.net/Nile/454214-a.html

حاليا الاراء بان ما تم خطأ يلزم معه تغير المقصات والجلب
وطبعا التكلفة هتكون كبيره
لانى محتاج
4 مقص
+
8 جلبة
+
مصنعية


يعنى فى حدود الالف جنيه

السؤال
هل استعجل التغيير لخطورة المقصات باللحام حاليا - علما بعدم وجود شكوى الان
ولا اصبر كام شهر

؟
.

[Mecha]

انت لحمت المقص ,ولا بنطت الجلب فيه بس؟؟؟؟

[abokoko]

المقصات سليمه

بنطت الجلب فى المقص
بنطتين فى كل جلبة مع المقص

على الاربع مقصات
لانه لقي 2 منهم واسعين وال2 التنيين قال بالمرة

!؟

[Mecha]

حلو ,البنط اللي عملها هتنكسر في المطبات
المهم مفيش لحام في جسم المقص ودا لو كسر يعمل حادثة
علي كدا ممكن تصبر عليهم

[kbarema]

دا العادى كل بتوع العفشع بيعملوا كده

[abokoko]

حلو ,البنط اللي عملها هتنكسر في المطبات
المهم مفيش لحام في جسم المقص ودا لو كسر يعمل حادثة
علي كدا ممكن تصبر عليهم

حضرتك التبنيط بين الجلبه والمقص فطبيعي اللحام بيكون مع جسم المقص
لكن المقص نفسه مفيش فيه شروخ او كسر
فهل فك لحام البنطه ممكن يشرخ المقص مكان اللحام

[Mecha]

البنط اللي عملها اضعف مايمكن وعمل اتنين ع الداير في الصاج,وخد العربية حتي مكسره هيطقوا علطول
الاساس الجلب الحديد اللي لحام فبريكا في المقص والمسمار ماشي فيها والورد طبعا

[abokoko]

يظهر انها هترسي على تغيير المقصات

[emad_ms]

البنط اللى بتتعمل لجلب المقصات لللاسف اغلب بتوع العفشة بيعملوها وهى غلط على الجلب نفسها لان السخونة الناتجة عن اللحام بتاكل فى كاوتش الجلبة وبتقصر عمر جلبة المقص لاكن ليس لها اى تاثير على المقص نفسة

[abokoko]

هو كان بيبرد بزجاجة مياه اثناء اللحام

[ahmscu]

انا غيرت جلب لكن اول مره اسمع عن موضوع البنط واللحام ده.الجلب دخلت كبس عادى

[abokoko]

غالبا انت اول مرة تغير جلب
وكمان اللى غيرهم لك انسان كويس استخدم مكبس

معايا الامور مختلفة
دى تانى مرة اغير جلب
فى المرة الاولى والتانية بيستخدموا اسلوب الدق بالشاكوش فبيوسع مكان دخول الجلب
العفشجى بنط علشان يدارى عيب الوسع فى فتحة المقص ويخلى الجلبة ثابته فى مكانها مع المقص

حسب الاجابات و ما فهمته منها
البنط مش هتعيش وهتقصف وتفك مع المطبات

موضوعى
السؤال عن مدى تاثير اللحام بالتبنيط على قوة المقص - علشان خايف ليتكسر فجأة لا قدر الله -
+
اغير امتى حالا ولا استنى شوية لحد ما تظهر اعراض تلف زى اصوات وتزييق -
+
فى حالة التغيير ايه انواع المقصات الجيدة

[abokoko]

ممكن صورة لمكبس الجلب ؟؟

[emad_ms]

لايوجد تاثير على المقصات ولو جبت مقصات جديدة بتكون خفيفة جدا وبتم عمل بها بنط لحام لتقويتها ولو جبت مستعمل استيراد بيكون فى الغالب فيها نفس عيب وسع الفتحات على الجلب نصيحة لما تجيب جلب ما تجبش التركى وهات الروسى الاصلى من المركز الروسى او من عند نصار فى التوفيقية ودى مش بتحتاج تبنيط لانها بتكون فيها نسبة الشحط داخل فتحة المقص