فتح شنطة اللادا و سرقتها... إيه الحل؟

[Zing0]

السلام عليكم
معلش إستحملونى شويه لإن الواحد نفسيته زى الزفت من اللى بيحصل ده
الموضوع و ما فيه إن العربية أتقلبت مرتين ورا بعض خلال 15 يوم
الشنطة تتفتح و تتسرق و تتقفل تانى بدون أى عنف
و المرتين فى مكان و زمان مختلف طبعاً و فى وسط زحمة و لجنة مرور فى المرة التانية كمان
النتيجة حتى الآن سرقة كوريك تمساح 2 طن, و كمبريسور هوا 1 بستم و إستبن... حاجات بتاع 500 جنية, و خلتنى قفلت من العربيات كلها و البلد و الشرطة اللى مش شايفه شغلها.

سألت السمكرى و بتاع ضبط الأبواب و الكوالين
السمكرى قاللى ممكن نعمل حزام عالإستبن زى اللى بيتعمل للبطارية كده, بس الكوريك و خلافه مالوش حل و متسيبش حاجه فى الشنطة, كده كده شنطة اللادا (و كل العربيات القديمة) عالشارع على طول

بتاع الكوالين, قال ممكن نركب لها كالون يابانى أو كورى من أول الشداد و الوصلات و الكالون و نلغى بتاع اللادا و ده هيتكلف حوالى 200 جنية بالمصنعية, بس حاسس إنه ممكن يتفتح برضوا

أحد الإخوة شرح لى طريقة بس مش فاهمها, لو حد قابلتة أو عملها أو شافها يشرحهالنا لإنى مش فاهم قصده بالضبط

انا شوفت واحد جارى خرم الستارة اللى ورا وركب لها صوابع بتبات فى الستارة ونتا بتقفل الشنطة
عشان ماحدش يحاول يفتحها بأى حاجة

هتخلى السمكرى يعملك الحركة بتاعت الصباعين اللى بيباتوا ف ضهر الشنطة
هتخلى الكوالينجى يركبلك كالون محمل يابانى او تركى بشرط يكون متأمن وصباع الشنطة اللى بيبات ف الكالون
يكون محمل هو كمان وعبارة عن حلقة مدورة تتلحم تمام مش مجرد صباع

و كنت عاوز أسأل هل موضوع جهاز الإنذار حل عملى و لا مالوش لازمه؟

و الحمد لله على كل حال

[amr_naser]

هههههههههههه حتعمل كل الحجات دى
انا لو مكانك اسيب الشنطة فاضية بالعند فى الحرامية دول خلية يتعب على الفاضى
معلش والله بضحك معاك الحال بقى يغم
الله يعينك ويرزقك كل خير ويسترها معاك

[ahmed p880]

مشكله الكالون ملهاش حل فبريكه لازم تعدل
انا غلبت تغير كوالين وبتفتح باى مفتاح
احسن حل وده شفتها وجميله جدا وشيك
واحد شايل الكالون خالص ومطببه وداهن
شكل الشنطه ساده
ومركب سنتر ومفتاح في الطابلوه وبيفتح بالريموت
انا عملت السنتر بس لسه مشلتش الكالون

[ahmed p880]

وفي تعديل تاني واحد صاحبي بس دماغه متكلفه وغاوي
ده بقي جاب ماكنه زجاج كهربا بتاعه ربع نقل ولغي مفصات الشنطه وتفتح وتقفل كهربا
عامل الشنطه والكبوت نفس الوضع

[Ladawy]

يااااااه ،، دلوقتى بس عرفت الكوريك اللى كان عندنا اختفى ازاى

زماان ايام عربية الوالد الله يرحمه -لادا 2105- اختفى الكوريك من العربية

و ابويا يقول لأخويا انه استرق منه و هو واخد العربية ، و اخويا متأكد ان مفيش حاجة اتسرقت و ان صنايعى سرقه و العربية بتتصلح فى اى حتة أو ابويا نساه عند ميكانيكى .

اخيرا عرفت الحقيقة :d .

******

انا مافهمتش الفكرة كاملة اللى مكتوبة فىا لاقتباس دى ،، بس اللى وصلنى ان صاحبك عملها كالون زى كالون الابواب الحديد اللى فى البيوت :d ..

[Zing0]

يااااااه ،، دلوقتى بس عرفت الكوريك اللى كان عندنا اختفى ازاى

زماان ايام عربية الوالد الله يرحمه -لادا 2105- اختفى الكوريك من العربية

و ابويا يقول لأخويا انه استرق منه و هو واخد العربية ، و اخويا متأكد ان مفيش حاجة اتسرقت و ان صنايعى سرقه و العربية بتتصلح فى اى حتة أو ابويا نساه عند ميكانيكى .

اخيرا عرفت الحقيقة :d .

******

انا مافهمتش الفكرة كاملة اللى مكتوبة فىا لاقتباس دى ،، بس اللى وصلنى ان صاحبك عملها كالون زى كالون الابواب الحديد اللى فى البيوت :d ..

مش عاوز أقولك شعورى لما رحت للميكانيكى و بيقولى هات الكوريك و لسه بأفتح الشنطة مالقتوش و الراجل واقف يبصلى و مستنى و أنا تايه و عمال أكلم نفسى و أقول هو أنا سيبتة فى حته و لا أديته لحد و لا و لا و لا ... لحد مبصيت على الكومبروسر مالقيتوش هو كمان... إتأكدت إن الشنطة أتقلبت
بعدها بإسبوع واحد الشنطة أتفتحت تانى و أتسرق الإستبن ... صحيح كانت فرده تعبانة و شنبر داخلى مش تيوبلس بس الجنط اللى كان فابريكا

و دلوقتى الشنطة فاضية و مع ذلك سديت الكالون بارالديت لاقيت المفترى الحرامى كاسر الأرالديت و فتح الشنطة و قلب شوية الجراكن و الغطا و .... علشان يتأكد إن مفيش جديد ...... بيتسلى عليا سعادة الباشا

حالياً وصلت مفتاح للشنطة على الكلاكس.
و ناوى أنفذ طريقة الموبايل اللى بيتصل بيا بإذن الله و ربنا يعيننا عليه أدام مش ناوى يسيبنى فى حالى و ناوى يكرر زياراته

أعاننا الله

[yoyo_esna2]

السلام عليكم اعمل قفل بجنزير من الداخل يعنى تقفل الشنطة ويكون فى جنزير ملحوم فى الشنطة وبيحط تحت فى رزة ملحومة فى الشنطة من جوة من مكان يدوب تدخل ايدك وتقفل القفل وبعد كدة اقفل الشنطة وانسى يمعلم