تسخين لادا 2105 مركونه !

[gomaaa]

[overline][/overline] والدي مسافر ... و سايبلي سيارته اسخنها .. المهم ... طبعا انا معنديش خبره في الموضوع ده . و دي اول مره اسخن عربيه :) .... طبعا لما اجي ادور العربيه بدوس بنزين مع لفه الكونتكت ... دايما لما احي ادورها مبتدورش من اول مره !! بتدور من المره التانيه ... ده دايما ...عمرها ما دارت من اول مره !!
فهل ده عيب مني ؟ ... ولا عشان الجو ساقعه ؟ ...
ملحوظه** العربيه غاز
الغاز قرب يخلص ... باقي اقل من ربع التانك ... هل ممكن ده بسبب نقص العاز ؟
هل لو حولتها ع البنزين هتدور على طول ؟
اخر سؤال ^_^ ... هو انا افضل اسخن العربيه وقت أد ايه ؟؟ ... و هل يكون برتم واحد ؟ ... يعني افضل دايس دوسه ثابته ؟؟ مفضلش ازود الدوسه شويه .. اقللها شويه ؟
و جزاكم الله خيرا ^_^

[mif]

دوس بنزين مرة واحدة او مرتين قبل التدوير
و بعدين دور من غير بنزين

[Zing0]

الصح لو هتسخنها
تدوس دوستين بنزين و بسم الله و تدور
أول ما تدور تشد الشفاط لو شغال , لو مش شغال تسند رجلك خفيف عالبنزين بحيث توصل بيها لـ 1000 rpm و خليك شوية لحد ما الزيت يدور فى المكنة فوق و تحت
عاوز تزود أو تشيل رجلك خالص براحتك المهم تتابع الحرارة لإنها واقفة (و إن كان اليومين دول الجو بيبرد الأكل و هو لسه بيستوى)
قبل ما تخلص و تقفل , دوس دوستين بنزين جامد و الحمد لله و تقفل.

[م أحمد]

شحن البطارية بيتكلف 10 جنيه
احسب الوقت و تكاليف الغاز
لو السفر طويل ريح دماغك
افصل القواطيش وابقى اشحنها بعدين

الا لومدة السفر بسيطة

[gomaaa]

دوس بنزين مرة واحدة او مرتين قبل التدوير
و بعدين دور من غير بنزين

اولا .. شكرا على ردك ^_^
ثانيا .... انا بدوس مره او اتنين قبل التدوير .... بس لو لفيت الكونتكت من غير تكه بنزين العربيه متدورش ... و لو شيلت رجلي من على البنزين بعد ما ادور ... العربيه تبطل ... او تفضل تترج .... و العداد بتاع العربيه الي في النص .... يرجع للحته البيضا .... فلازم افضل ضاغط بنزين

[gomaaa]

الصح لو هتسخنها
تدوس دوستين بنزين و بسم الله و تدور
أول ما تدور تشد الشفاط لو شغال , لو مش شغال تسند رجلك خفيف عالبنزين بحيث توصل بيها لـ 1000 rpm و خليك شوية لحد ما الزيت يدور فى المكنة فوق و تحت
عاوز تزود أو تشيل رجلك خالص براحتك المهم تتابع الحرارة لإنها واقفة (و إن كان اليومين دول الجو بيبرد الأكل و هو لسه بيستوى)
قبل ما تخلص و تقفل , دوس دوستين بنزين جامد و الحمد لله و تقفل.

العربيه مفهاش عداد rpm اساسا :d .... بعتمد على الصوت .... الشفاط شغال .... بس بحب اسخنها برجلي عشان اتعود على ضغطه البنزين عشان تعليم السواقه فيما بعد ان شاء الله ^_^
بس حضرتك ليه دايما العربيه مبتدورش من اول مره ؟ .... و لو الجو برد زي اليزمين الي فاتوا ... بتطلع عيني عما تدور :o

[gomaaa]

شحن البطارية بيتكلف 10 جنيه
احسب الوقت و تكاليف الغاز
لو السفر طويل ريح دماغك
افصل القواطيش وابقى اشحنها بعدين

الا لومدة السفر بسيطة

بغض النظر اني مش عارف يعني ايه قواطش :d
بس انا بفصل سلك الارضي بتاع البطاريه بعد التسخين
الفكره ان لما صاحبها يرجع تكون جاهزه على طول ^_^

[gomaaa]

شكرا جداااا على ردودكم ^__^ انا كنت فقدت الامل ان حد يعبرني :d
بس عندي سؤال ... ليه العربيه مبتدورش معايا من اول مره ؟؟