مؤشر الحراره فى تابلوه اللادا 2105

[komodo]

عندى لادا 2105 موديل 95 .. مؤشر الحرارة ليه فتره بيثبت على حد معين وميرفعش عنه مهما مشيت العربية وسخنت ولا يتعدى الشرطة البيضاء اللى فى الاول...
برجاء الافاده عن سبب زلك ..مع العلم انه كان بيعلى عن كده لما تسخن العربية ...

[Mecha]

يا الترمستات متشال او معلق فاتح يا المروحة دايرة علي طول

[komodo]

يا الترمستات متشال او معلق فاتح يا المروحة دايرة علي طول

شاكر حضرتك على الرد ..
هى عربيتى 2105 والمروحة راكبه على الماتور مباشرة بس الترمستات ده مكانه راكب فين ؟؟؟؟

[Zing0]

مفيش ترموستات, كده صباع حرارة على طول
و ده عادى لإن الجو اليومين دول زى روسيا
أنا حاطط كرتونة أمام الريداتير لأن مشاويرى قصيرة و المؤشر مبيلحقش يتحرك من مكانه أصلاً

[ahmedalramy]

يا باشا دا عادى اليومين دول فى التلج اللى احنا فيه و العربيه تاخد منها احسن آداء فى الجو ده قبل قرف السواقه فى الصيف

[komodo]

مفيش ترموستات, كده صباع حرارة على طول
و ده عادى لإن الجو اليومين دول زى روسيا
أنا حاطط كرتونة أمام الريداتير لأن مشاويرى قصيرة و المؤشر مبيلحقش يتحرك من مكانه أصلاً

شاكر لرد حضرتك ..
طيب للعلم هو صباع الحراره مكانه فين وبيتغير ولا لا ...

[Zing0]

طيب للعلم هو صباع الحراره مكانه فين وبيتغير ولا لا ...

مكانه فى بلوك الموتور جنب أول بوجية من ناحية الفتيس
هتلاقى زى مسمار نحاس كبير و داخل فيه فردة سلك واحدة (و عليها غطا)
الصباع بيتغير لو مش شغال (مش بيقرأ أى حاجة) و ثمنه حوالى 20 ج

[komodo]

مكانه فى بلوك الموتور جنب أول بوجية من ناحية الفتيس
هتلاقى زى مسمار نحاس كبير و داخل فيه فردة سلك واحدة (و عليها غطا)
الصباع بيتغير لو مش شغال (مش بيقرأ أى حاجة) و ثمنه حوالى 20 ج

هى العربية بتاعتى 2105 وفيها صابعين فى جسم البلوك واحد مكان ما حضرتك وصفت والتانى تحته بشوية والاتنين خارج منهم سلك مفرد .. التانى ده اللى تحت بتاع ايه ..؟؟؟

[komodo]

المشاركة الأصلية كتبت بواسطة zing0




مكانه فى بلوك الموتور جنب أول بوجية من ناحية الفتيس
هتلاقى زى مسمار نحاس كبير و داخل فيه فردة سلك واحدة (و عليها غطا)
الصباع بيتغير لو مش شغال (مش بيقرأ أى حاجة) و ثمنه حوالى 20 ج

هى العربية بتاعتى 2105 وفيها صابعين فى جسم البلوك واحد مكان ما حضرتك وصفت والتانى تحته بشوية والاتنين خارج منهم سلك مفرد .. التانى ده اللى تحت بتاع ايه ..؟؟؟

[SS]

الواضح من وصفك ان المؤشر ما بيتحركش خالص .....ثابت فى مكانه فى اقصى الشمال

و ده فى الغالب يا الصباع بتاع الحرارة باظ.....يا فى حاجة فى التوصيلات مش مظبوطة ...الكلبس مش متثبت كويس او فى سلك مقطوع

ممكن تتأكد بانك تفصل السلك اللى داخل للصباع وتوصله مباشرة بجسم الماتور ....لو التوصيلات سليمة
يبقى المؤشر هيتحرك لحد نهاية العداد

بالنسبة للصباع التانى فده خاص بلمبة الزيت .

من الافضل انك تحل مشكلة عداد الحرارة ديه فى اسرع وقت تجنباً للتلفيات الممكن حدوثها لو عربية سخنت من غير ما تنتبه لها

[komodo]

الواضح من وصفك ان المؤشر ما بيتحركش خالص .....ثابت فى مكانه فى اقصى الشمال

و ده فى الغالب يا الصباع بتاع الحرارة باظ.....يا فى حاجة فى التوصيلات مش مظبوطة ...الكلبس مش متثبت كويس او فى سلك مقطوع

ممكن تتأكد بانك تفصل السلك اللى داخل للصباع وتوصله مباشرة بجسم الماتور ....لو التوصيلات سليمة
يبقى المؤشر هيتحرك لحد نهاية العداد

بالنسبة للصباع التانى فده خاص بلمبة الزيت .

من الافضل انك تحل مشكلة عداد الحرارة ديه فى اسرع وقت تجنباً للتلفيات الممكن حدوثها لو عربية سخنت من غير ما تنتبه لها

ألف شكر على النصائح الطيبه ... بالفعل تم عمل التجربه السابقة وطلع العيب فى الفيشة اللى فى ضهر العداد بس بتغيب وتعلق شكلها عايزة تتفك وتتنطف بدقة .. لان فعلاً لما سلك الصباع بياخد ارضى بيرفع للاخر ..
وشاكر ردك ونصائح حضرتك ...