اسئله عايز اجابتها عن عربيتى اللادا 2107

[mohsal]

عرببتى 2107 عامله 25 الف كيلو روسى موديل 2009 الحمد لله العربيه فابريكه بالكامل -من فتره بسمع صوت زنه قدامى فى التابلوه مش عارف احدد منين من العدادات او ان التابلوه عاوز ربط اكتر مش عارف صوت زى كانك حاطط شريط كاست على التابلوه وماشى فتسمع صوت شخشخه -
تانى حاجه حابب اسال عليها ﻻحظت وجود اكره او ايد مقبض عند رجليه فوق الدواسات فدي ايه وظيفتها-
سؤال هل ممكن اركب تكييف للعربيه اللادا الروسى واستعمله عند الضروره مع زياده وتحسين جوده العزل و ملاحظه انى مركب باور
اخيرا فتحتين التكييف اللى فى منتصف التابلوه بيدخلوا هوا بمجرد بدء الحركه بالعربيه ايه السبب

[mirra]

بص يا باشا لو مؤشر السرعات بيرعش يبقى التكتكه دى منه لان بيحصل عندى كده برضه....الاكره اللى عند الدواسات دى انا شخصيا مش عارف وظيفتها بس قالولى لما جبت العربيه انها فتحات دخول هوا و انا على طول سايبها على الوضع العلوى....اما بالنسبه لفتحات التكييف اللى بتطلع هوا فحتلاقى لها قفل جنب الفتحه عباره عن مؤشر كده زى بتاع الراديو لو رفعته لفوق حيمنع دخول الهوا.

[gomaaa]

هو حضرتك مركب الباور بكام ؟ ... و بتجيبه منين ؟
انا معايا لادا ٢١٠٥ ..

[mohsal]

الباور راكب في التوكيل سعره دلوقتي كنت سائل عليه 3500 جنيه الصراحه ممتاز جدا

[gomaaa]

الباور راكب في التوكيل سعره دلوقتي كنت سائل عليه 3500 جنيه الصراحه ممتاز جدا

يعني لما اجي اركبه اروح التوكيل ؟؟؟
و هل بيأثر ع السحب ولا حاجه ؟؟؟

[mohsal]

بص ياباشا مش انا اللى ركبت الباور صاحبها اللي قبلى هو اللى ركبه وقاللى انه ركبه فى التوكيل
اﻻفضل تركبه فى التوكيل ﻻنه بيعدل فى العربيه ويشيل علبه الدريكسيون وبيقص فى الصاج مكانها لزوم التعديل فالمسألة مش ميكانيكا بس سمكره كمان فلازم الشغل يتعمل صح ﻻنه العربيه مش حترجع تانى بعلبه الدريكسيون
أطمن تماما العربيه حلوه والدريكسيون باور كامل ومش مآثر على السحب

[mohsal]

بص يا باشا لو مؤشر السرعات بيرعش يبقى التكتكه دى منه لان بيحصل عندى كده برضه....الاكره اللى عند الدواسات دى انا شخصيا مش عارف وظيفتها بس قالولى لما جبت العربيه انها فتحات دخول هوا و انا على طول سايبها على الوضع العلوى....اما بالنسبه لفتحات التكييف اللى بتطلع هوا فحتلاقى لها قفل جنب الفتحه عباره عن مؤشر كده زى بتاع الراديو لو رفعته لفوق حيمنع دخول الهوا.

شكرا على الرد حضرتك انا ﻻ حظت أن لما اضغط على الوش البلاستيك بتاع لوحه العدادات الصوت بيروح بالنسبه الهوا بيطلع من الفتحتين اللى فى النص بس وبكر الفتحات مبيعملش حاجه

[kbarema]

ارجو الرد سريعا