لادا 2110 ام فيات تمبرا

[magic18]

ارجو من الزملاء المساعدة في إختيار الأفضل بين السيارتين لادا 2110 او فيات تمبرا؟ في حدود 33الف
انا شوفت عربيه 2110. ابنهاردة ع الطريق خي مش عاليه عن الارض عكس كلام الناس تفتكرو صاحبها مغير فيها ولا هي فعلا ارتفاعها بسيط؟

[magic18]

الرجاء الرد من الزملاء اصحاب الخبرة بالسيارتين

[mirra]

الحاله هى اللى حتحكم و ان كنت افضل التمبرا على اعتبار انها اوسع و انعم و اكثر انتشارا.

[magic18]

الحاله هى اللى حتحكم و ان كنت افضل التمبرا على اعتبار انها اوسع و انعم و اكثر انتشارا.

شكرا لرد حضرتك انا كمان افضل التمبرا بس لو عند حضرتك نصايح بخصوص افضل موديل نزل منها وسعر الحالة الجيدة منها؟ سعر قطع غيارها؟وهل ارخص من اللادا ف قطع الغيار؟

[ahmscu]

حضرتك هو فيه مبدأ شايع بين التجار وعند شراء أى سيارة وهو ان العربية اللى مالهاش قطع غيار زيرو اصليه بلاش منها نهائى لانك هتدوخ فى قطع الغيار الاستيراد واللى غالبا بتبقى مضروبه وميزة الادا انها ون كانت ناشفه شويه واعطالها كتير بس قطع غيارها عند البقال اصليه وروسى وبالضمان كمان،ده مجرد راى

[magic18]

حضرتك هو فيه مبدأ شايع بين التجار وعند شراء أى سيارة وهو ان العربية اللى مالهاش قطع غيار زيرو اصليه بلاش منها نهائى لانك هتدوخ فى قطع الغيار الاستيراد واللى غالبا بتبقى مضروبه وميزة الادا انها ون كانت ناشفه شويه واعطالها كتير بس قطع غيارها عند البقال اصليه وروسى وبالضمان كمان،ده مجرد راى

اللادا 2110. قطع غيارها مش متوفرة زي اللادا القديمة.من كلام بعض الناس ان في قطع غيار مش ف التوكيل اصلا

[Ahmed abdkarim]

انا معايا عربية تمبرا . التمبرا طبعا انعم من اللادا و اوسع منها و سحبها و ثباتها على الطريق احسن من اللادا بكتير جدا غير كمان انها ايطالى .
و كتير من قطع غيار الشاهين و الريجاتا هى نفس قطع التمبرا غير طبعا ان حاجتها الاستيراد متوفره فى عزبة شلبى بالمطرية

انا عارض عربيتى للبيع هى موديل 1992 فابريكة بالكامل ماعدا الاكصدامات انا اول مالك بعد المعاق اللى كانت معاه لإن زى ما حضرتك عارف ان معظم التمبرا بتكون معاقين و لسه مغير العفشة كلها تقريبا و طالب فى حدود السعر اللى حضرتك قولت عليه .

[magic18]

انا معايا عربية تمبرا . التمبرا طبعا انعم من اللادا و اوسع منها و سحبها و ثباتها على الطريق احسن من اللادا بكتير جدا غير كمان انها ايطالى .
و كتير من قطع غيار الشاهين و الريجاتا هى نفس قطع التمبرا غير طبعا ان حاجتها الاستيراد متوفره فى عزبة شلبى بالمطرية

انا عارض عربيتى للبيع هى موديل 1992 فابريكة بالكامل ماعدا الاكصدامات انا اول مالك بعد المعاق اللى كانت معاه لإن زى ما حضرتك عارف ان معظم التمبرا بتكون معاقين و لسه مغير العفشة كلها تقريبا و طالب فى حدود السعر اللى حضرتك قولت عليه .

لو امكن تفاصيل اكتر عامله كام كيلو متر والكماليات اللي فيها وحضرتك منين؟

[Ahmed abdkarim]

لو امكن تفاصيل اكتر عامله كام كيلو متر والكماليات اللي فيها وحضرتك منين؟

العربية عاملة 165000 كيلو

فابريقة بالكامل ماعدا الاكصدامات
1400 كاربراتير فتحة سقف كهرباء
لسه مغير 2 مساعد امامى مايلى المانى جداد
2 مقص امامى تركى جديد
اسكترا جديدة ايطالى
كاوتش ميزان ايطالى جديد
طنابير ايطالى امامية جديدة
تيل ايطالى جديد
سير كاتينة ايطالى جديد من حوالى 1000 كيلو


العربية بأمانة حالتها فوق الممتازة و انا بعد لما بعت عربيتى القديمة فضلت حوالى 6 شهور لما لاقيت حاجه بالحالة دى بس طبعا العفشة كانت فى الضياع غيرتها كلها .

و حرفع الصور لحضرتك

انا من المنصورة

[Ahmed abdkarim]

[magic18]

السلام عليكم. استاذ احمد

كنت حابب اعرف العربية فيها تكييف؟ و زجاج كهربائي ولا لا
وهتحتاج مصاريف اد ايه تقريبا بعد كده؟ وحالة موتورها ايه؟ وسبب البيع لو مفيهاش رزاله؟ وطالب كام؟
اعذرني اسئلتي كتير بس اول مرة اشتري عربيه و معلوماتي علي قدي
انت من المنصورة نفسها؟ انا مقيم ف اسكندريه بس من ميت غمر ف الاساس وممكن انزل المنصورة عادي لو ربنا شاء

[magic18]

منفعش ابعت ع الخاص لاني عضو جديد

[Ahmed abdkarim]

العربية استيراد المانيا تكيفها سخن بس وشغال بكل درجاته و اوضاعه حتى في فتحات للتكيف تحت الكراسى الامامية بتطلع هواء سخن على رجل الركاب اللي ورا اما حالة الموتور فهى ممتازة العربية صوتها هادي جدا وانا جبت بيها سرعة ١٥٥ عادى جدا .
وكل الحاجات اللي اتغيرت فى العربية اتغيرت بحاجات اصلية
انا من المنصورة نفسها
اما سبب البيع هو ان الحمد لله جالي فلوس وحشتري عربية احدث

[koko0100844486]

استاذ احمد ياريت لو فيه اي وسيلة للتواصل خاص بخصوص العربية

[Ahmed abdkarim]

رقمى 01092922097